ନୂଆଦିଲ୍ଲୀ, ୨ା୧୧ (ପି.ଟି.)-ଡବ୍ଲ୍ୟୁଡବ୍ଲ୍ୟୁଇ ଷ୍ଟାର ଚାର୍ଲୋଟ ଫ୍ଲେୟାର ଚଳିତ ମାସ ୧୪ ତାରିଖରେ ୩ ଦିନିଆ ଗସ୍ତରେ ଭାରତ ଆସିବେ। ସେ ମୁମ୍ବାଇରେ ୧୪ ଓ ୧୫ ଏବଂ ବେଙ୍ଗାଲୁରୁରେ ନଭେମ୍ବର ୧୬ରେ ଅବସ୍ଥାନ କରିବା ସହ ତାଙ୍କ ପ୍ରଶଂସକମାନଙ୍କୁ ଭେଟିବେ। ଶିଶୁ ଦିବସ ଅବସରରେ ସେ ମୁମ୍ବାଇରେ ସ୍ପେଶାଲ ଅଲିମ୍ପିକ୍ସ ଆଥଲେଟିକ୍ସମାନଙ୍କୁ ଭେଟିବେ। ଚାର୍ଲୋଟ ହେଉଛନ୍ତି କିମ୍ବଦନ୍ତୀ ଡବ୍ଲ୍ୟୁଡବ୍ଲ୍ୟୁଇ ସୁପରଷ୍ଟାର ରିକ୍ ଫ୍ଲେୟାରଙ୍କ ଝିଅ। ଆର୍ଏଡବ୍ଲ୍ୟୁ ଓମେନ୍ସ ଚାମ୍ପିୟନଶିପ୍ ଜିତିବାରେ ସେ ପ୍ରଥମ ଆଥଲେଟ। ଏହି ଟାଇଟଲ ସେ ଏକାଧିକ ଥର ଜିତିଛନ୍ତି। ସ୍ମାକ୍ ଡାଉନ୍ ଓମେନ୍ସ ଚାମ୍ପିୟନଶିପ୍ରେ ସେ ୫ଥର ଟାଇଟଲ ବିଜୟୀ ହୋଇଛନ୍ତି। ଚାର୍ଲୋଟ ଡବ୍ଲ୍ୟୁଡବ୍ଲ୍ୟୁଇର ମୁଖ୍ୟ ରୋଷ୍ଟରରେ ରେକର୍ଡ ୧୦ ଥର ମହିଳା ଚାମ୍ପିୟନ ହୋଇଛନ୍ତି।
