ଲର୍ଡସ,୧୩।୭- ସ୍ଥାନୀୟ ଐତିହାସିକ ଲର୍ଡସ ଗ୍ରାଉଣ୍ଡରେ ରବିବାର ନ୍ୟୁଜିଲାଣ୍ଡ ଓ ଆୟୋଜକ ଇଂଲଣ୍ଡ ମଧ୍ୟରେ ଚଳିତ ବିଶ୍ୱକପ୍ର ଫାଇନାଲ ମ୍ୟାଚ୍ ଖେଳାଯିବ। ଏହି ମ୍ୟାଚ୍ର ଟିକେଟ କିଣିଥିବା ଭାରତୀୟ ପ୍ରଶଂସକଙ୍କୁ ବିକିଦେବା ପାଇଁ ଅନୁରୋଧ କରିଛନ୍ତି ନ୍ୟୁଜିଲାଣ୍ଡ ଅଲରାଉଣ୍ଡର ଜିମ୍ମି ନିଶାମ। ଟୁଇଟରରେ ନିଶାମ ଲେଖିଛନ୍ତି, ଭାରତୀୟ କ୍ରିକେଟ ପ୍ରଶଂସକ ଯଦି ତୁମେ ଫାଇନାଲ ଦେଖିବାକୁ ଇଚ୍ଛୁକ ନୁହେଁ, ତେବେ ଟିକେଟ ବିକ୍ରିକରିି ଦିଅନ୍ତୁ। ଏହା ଲାଭ କରିବାର ଏକ ବଡ଼ ସୁଯୋଗ। ଏହାଦ୍ୱାରା ସମସ୍ତ କ୍ରିକେଟ ପ୍ରଶଂସକଙ୍କୁ ମ୍ୟାଚ୍ ଉପଭୋଗ କରିବାର ସୁଯୋଗ ମିଳିପାରିବ। ଉଲ୍ଲେଖଥାଉ କି, ନ୍ୟୁଜିଲାଣ୍ଡ ପ୍ରଥମ ସେମିଫାଇନାଲରେ ଦୁଇ ଥର ଚାମ୍ପିୟନ ଭାରତକୁ ହରାଇ ଫାଇନାଲରେ ସ୍ଥାନ ପକ୍କା କରିଛି। ବିରାଟ କୋହଲିଙ୍କ ନେତୃତ୍ୱାଧୀନ ଦଳ ବିଶ୍ୱକପ୍ରେ ଚମତ୍କାର ପ୍ରଦର୍ଶନ କରି ୯ ଲିଗ୍ ମ୍ୟାଚ୍ରୁ ମାତ୍ର ଗୋଟିଏ ପରାଜୟବରଣ କରିଥିଲା। କିନ୍ତୁ କେନ୍ ଓ୍ବିଲିୟମସନଙ୍କ ଦଳର ବୋଲିଂ ଆଗରେ ବିଫଳ ହୋଇଥିଲା ଭାରତୀୟ ଦଳ।
