ଭାଜପା ରାଜ୍ୟ ସଭାପତି ପଦକୁ ନେଇ ଚର୍ଚ୍ଚା:ଗୋଷ୍ଠୀବାଦ ନା ଯୋଗ୍ୟତାକୁ ଗୁରୁତ୍ୱ

ଭୁବନେଶ୍ୱର,୧୦।୧୨(ବ୍ୟୁରୋ):ଭାଜପାର ସାଙ୍ଗଠନିକ ନିର୍ବାଚନ ପ୍ରକ୍ରିୟା ଜାନୁୟାରୀ ପୂର୍ବରୁ ଶେଷ ହେବ। ବୁଥ୍‌ସ୍ତରରୁ ଆରମ୍ଭ କରି ରାଜ୍ୟ ସ୍ତର ପର୍ଯ୍ୟନ୍ତ ସବୁଠି ଦଳ ନିଜର ନେତୃତ୍ୱ ପରିବର୍ତ୍ତନ କରିବାକୁ ଯାଉଛି। ଏହି ପ୍ରକ୍ରିୟାର ୭୦ ପ୍ରତିଶତ କାର୍ଯ୍ୟ ଶେଷ ହୋଇସାରିଥିବା ବେଳେ ବାକି କାର୍ଯ୍ୟ ଖୁବ୍‌ଶୀଘ୍ର ଶେଷ ହେବ ବୋଲି ଦଳୀୟ ସୂତ୍ରରୁ ଜଣାପଡିଛି। ଆସନ୍ତା ୨୦ରୁ ୨୫ ତାରିଖ ମଧ୍ୟରେ ଦଳ ନୂଆ ରାଜ୍ୟ ସଭାପତି ଚୟନ କରିବ ବୋଲି କହୁଥିବାବେଳେ ଏହି ପଦବୀକୁ ନେଇ ଭାଜପା ନେତାମାନଙ୍କ ମଧ୍ୟରେ ଏକରକମ ପ୍ରତିଯୋଗିତା ଆରମ୍ଭ ହୋଇଯାଇଛି। ହେଲେ ରାଜ୍ୟ ଭାଜପାରେ ନିଜକୁ ସର୍ବେସର୍ବା ବୋଲାଉଥିବା ଜଣେ ନେତା ନିଜ ଗୋଷ୍ଠୀର ଜଣଙ୍କୁ ଏହି ଆସନରେ ବସାଇବା ଲାଗି ଯୋଜନା ଚଳାଇଛନ୍ତି।
ଏଥର ଭାଜପାର ରାଜ୍ୟ ସଭାପତି ପଦବୀ ହାତେଇବା ଲାଗି ବହୁ ନେତା ଆଗ୍ରହୀ ଅଛନ୍ତି। କେତେଜଣ ବରିଷ୍ଠ ନେତା ଗତ ସାଧାରଣ ନିର୍ବାଚନରେ ପରାଜିତ ହୋଇଥିବାରୁ ଆଶାୟୀଙ୍କ ସଂଖ୍ୟା ବଢିଯାଇଛି। ଅନ୍ୟପକ୍ଷରେ ନିର୍ବାଚନ ଲଢି ନ ଥିବା କେତେଜଣ ନେତା ରାଜ୍ୟରେ ନିଜକୁ ଭାଜପାର ସର୍ବେସର୍ବା ବୋଲାଉଥିବା ନେତାଙ୍କ ପଛରେ ବୁଲିବୁଲି ସଭାପତି ହେବାର ସ୍ବପ୍ନ ଦେଖୁଛନ୍ତି ବୋଲି ଚର୍ଚ୍ଚା ହେଉଛି। ସେହିପରି ରାଜ୍ୟରେ ଭାଜପାର ଦୁର୍ବଳ ସ୍ଥିତିବେଳେ ଦଳ ପାଇଁ କାର୍ଯ୍ୟ କରିଆସିଥିବା ନେତାମାନଙ୍କୁ ଅଣଦେଖା କରାଯାଉଥିବା ମଧ୍ୟ ଚର୍ଚ୍ଚା ହେଉଛି। ଅବଶ୍ୟ ଏହା କିଛି ନୂଆ ନୁହେଁ, ସାଧାରଣ ନିର୍ବାଚନ ସମୟରେ ଟିକେଟ ବଣ୍ଟନ ବେଳେ ଏହିଭଳି ସମସ୍ୟା ଦେଖିବାକୁ ମିଳିଥିଲା। ଦଳର ଖରାପ ପରିସ୍ଥିତି ବେଳେ କାମ କରିଆସୁଥିବା ନେତାଙ୍କୁ ଟିକେଟ ମିଳିବା ବଦଳରେ ଯେଉଁମାନେ ଅନ୍ୟ ଦଳରୁ ଆସି ରାତିରେ ଭାଜପାରେ ସାମିଲ ହେଲେ ସେମାନେ ସକାଳେ ଟିକେଟ ନେଇ ଚାଲିଗଲେ। କିନ୍ତୁ ଏପରି ବହୁ ଆମଦାନୀ ନେତା ନିର୍ବାଚନ ଲଢେଇରେ ବିଫଳ ହେଲେ। ତେଣୁ ଏବେ ସଭାପତି ଚୟନ ସମୟରେ ମଧ୍ୟ ସମାନ ସ୍ଥିତି ସୃଷ୍ଟି ହେବା ବେଳକୁ ଏହାକୁ ବିରୋଧ କରାଯାଉଥିବା ଚର୍ଚ୍ଚା ହେଉଛି।
ପୂର୍ବତନ ରାଜ୍ୟ ସଭାପତି କନକବର୍ଦ୍ଧନ ସିଂଦେଓ ଗତ ବିଧାନସଭା ନିର୍ବାଚନରେ ହାରିବାପରେ ସଭାପତି ପଦ ପାଇଁ ଆଗ୍ରହୀ ଥିବା କୁହାଯାଉଛି। କିଛିଦିନ ମଧ୍ୟରେ କନକବର୍ଦ୍ଧନ ବାରମ୍ବାର ଦିଲ୍ଲୀ ଗସ୍ତ କରି କେନ୍ଦ୍ରୀୟ ନେତାଙ୍କ ନିକଟରେ ଏ ସମ୍ପର୍କିତ ପ୍ରସ୍ତାବ ରଖିଥିବା ଦଳ ଭିତରେ ଆଲୋଚନା ଚାଲିଛି। ଏହାସହ ଏଥର କେନ୍ଦ୍ରମନ୍ତ୍ରୀ ପଦ ନ ମିଳିବା ପରେ ଏମ୍‌ପି ଜୁଏଲ ଓରାମ ମଧ୍ୟ ସଭାପତି ଦୌଡ଼ରେ ଅଛନ୍ତି ବୋଲି ଶୁଣିବାକୁ ମିଳୁଛି। ଅନ୍ୟପକ୍ଷରେ ବରଗଡ ଏମ୍‌ପି ସୁରେଶ ପୂଜାରୀ ସଭାପତି ହେବା ସମ୍ଭାବନା ରହିଛି। ତେବେ ବିଶେଷ ସୂତ୍ରରୁ ମିଳିଥିବା ସୂଚନା ମୁତାବକ, ଯଦି ସଭାପତି ଆସନ ଲାଗି ସୁରେଶ ପୂଜାରୀ କିମ୍ବା ଜୁଏଲ ଓରାମଙ୍କ ନାମ ଆସେ ତେବେ ଦଳକୁ ନିଜ ଅନୁଯାୟୀ ଚଳାଇବାକୁ ଚେଷ୍ଟା କରୁଥିବା ଗୋଷ୍ଠୀ ପୁନଶ୍ଚ ବସନ୍ତ ପଣ୍ଡାଙ୍କୁ ଏହି ଆସନରେ ବସାଇଦେବାକୁ ପ୍ରୟାସ କରିବେ। ଭାଜପା ଗତ ସାଧାରଣ ନିର୍ବାଚନରେ ପଶ୍ଚିମ ଓଡ଼ିଶାରେ ଭଲ ପ୍ରଦର୍ଶନ କରିଛି। ମାତ୍ର ଉପକୂଳ ଓ ଦକ୍ଷିଣ ଓଡ଼ିଶାରେ ସେତେ ଭଲ ପ୍ରଦର୍ଶନ କରିବାରେ ସକ୍ଷମ ହୋଇନାହିଁ। ସେଥିଲାଗି ଉପକୂଳ ଓଡ଼ିଶାର କାହାକୁ ଭାଜପା ସଭାପତି ପଦ ମିଳିପାରେ ବୋଲି ଚର୍ଚ୍ଚା ହେଉଛି। କିନ୍ତୁ ଏଭଳି ଜାଣିଶୁଣି ଚର୍ଚ୍ଚା ସୃଷ୍ଟି କରାଯାଉଛି ବୋଲି ଆଉ କେତେଜଣ ନେତା କହୁଛନ୍ତି। ସେହିପରି ବିଧାୟକମାନଙ୍କ ମଧ୍ୟରୁ ଦୁଇଜଣଙ୍କ ନାମକୁ ନେଇ ମଧ୍ୟ ଚର୍ଚ୍ଚା ଚାଲିଛି। ଏଭଳି ସ୍ଥିତିରେ ଦଳର ରାଜ୍ୟ ସହ ନିର୍ବାଚନ ଅଧିକାରୀ ସୁଦୀପ୍ତ ରାୟ କହିଛନ୍ତି, ଦଳରେ ଗୋଷ୍ଠୀ ରାଜନୀତି ନାହିଁ। ଗଣତାନ୍ତ୍ରିକ ପଦ୍ଧତିରେ ଦଳ ଯୋଗ୍ୟତା ଏବଂ ଦକ୍ଷତା ଅନୁଯାୟୀ ସଭାପତି ଚୟନ କରିବ। ସମସ୍ତଙ୍କୁ ନେଇ ଯିଏ କାମ କରିପାରିବେ ତାଙ୍କୁ ହିଁ ସୁଯୋଗ ମିଳିବ।
ସେ ଆହୁରି କହିଛନ୍ତି ଯେ, ଗତ ଜୁଲାଇ ୬ରୁ ଆରମ୍ଭ ହୋଇଥିବା ସାଙ୍ଗଠନିକ ନିର୍ବାଚନ କାର୍ଯ୍ୟ ଡିସେମ୍ବରରେ ଶେଷ ହେବ ା ଏଯାବତ ରାଜ୍ୟରେ ୩୭ହଜାର ବୁଥରୁ ୨୪ ହଜାର ୫ଶହ ୩୫ ବୁଥ କମିଟି ଗଠନ ହୋଇସାରିଛି ା ୧୦୦୪ ମଣ୍ଡଳରୁ ୯୦୦ରୁ ଉର୍ଦ୍ଧ୍ୱ ମଣ୍ଡଳରେ ନିର୍ବାଚନ ଶେଷ ହୋଇଛି ା ଆସନ୍ତା ୧୪,୧୫ ଏବଂ ୧୬ ତାରିଖରେ ଭାଜପାର ୩୬ଟି ସାଙ୍ଗଠନିକ ଜିଲାରେ ନିର୍ବାଚନ ଅନୁଷ୍ଠିତ ହେବ। ଦଳର ଜିଲା ସଭାପତି ନିର୍ବାଚନ ପୂର୍ବରୁ ଡିସେମ୍ବର ୧୧ ଏବଂ ୧୨ରେ ପ୍ରତ୍ୟେକ ଜିଲାକୁ ୨ଜଣ ଲେଖାଏ ପର୍ଯ୍ୟବେକ୍ଷକ ଯିବେ ା ନବନିଯୁକ୍ତ ମଣ୍ଡଳ ସଭାପତି ଏବଂ ଜିଲା ପ୍ରତିନିଧିମାନଙ୍କ ପରାମର୍ଶ ନେଇ ଜିଲା ନିର୍ବାଚନ କରାଯିବ ା କେନ୍ଦ୍ରମନ୍ତ୍ରୀ ନରେନ୍ଦ୍ର ସିଂ ତୋମାର ଏବଂ ଏମ୍‌ପି ରାଜୀବ ପ୍ରତାପ ରୁଡ଼ିଙ୍କୁ ରାଜ୍ୟ ନିର୍ବାଚନ ପାଇଁ ପଯର୍‌ୟବେକ୍ଷକ ଭାବେ ଦାୟିତ୍ୱ ଦିଆଯାଇଛି। ଜିଲା ନିର୍ବାଚନ ପ୍ରକ୍ରିୟା ଆସନ୍ତା ୧୬ତାରିଖରେ ସରିବା ପରେ ରାଜ୍ୟ ସଭାପତି ନିର୍ବାଚନ ପାଇଁ କେନ୍ଦ୍ର ତାରିଖ ଘୋଷଣା କରିବ ବୋଲି ରାୟ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ଭୁବନେଶ୍ୱର କରୋନା ହଟ୍‌ସ୍ପଟ୍‌: ମୁଖ୍ୟ ଶାସନ ସଚିବ

ଭୁବନେଶ୍ୱର,୧୭।୪(ବ୍ୟୁରୋ): କରୋନା ମୁକାବିଲା ଲାଗି ରାଜ୍ୟ ସରକାରଙ୍କ ପକ୍ଷରୁ ଆବଶ୍ୟକ ପଦକ୍ଷେପ ଗ୍ରହଣ କରାଯାଉଛି। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନିର୍ଦ୍ଦେଶରେ ନିୟୋଜିତ ହୋଇଥିବା ସମସ୍ତ ଅଧିକାରୀ...

ଭୁଲ୍‌ ସିଗ୍‌ନାଲ ଯୋଗୁ ଷ୍ଟେଶନରେ ନ ରହି ଚାଲିଗଲା ଟ୍ରେନ: କାର୍ଯ୍ୟରୁ ନିଲମ୍ବିତ ହେଲେ ଷ୍ଟେଶନ ମାଷ୍ଟର

ସୁନ୍ଦରଗଡ଼,୯।୩ (ଡି.ଏନ୍‌.ଏ.): ସୁନ୍ଦରଗଡ଼ ଜିଲା ରାଜଗାଙ୍ଗପୁର ଷ୍ଟେଶନମାଷ୍ଟରଙ୍କୁ ଦକ୍ଷିଣ-ପୂର୍ବ ରେଳପଥ କର୍ତ୍ତୃପକ୍ଷ ସୋମବାର କାର୍ଯ୍ୟରୁ ନିଲମ୍ବନ କରିଛନ୍ତି । ଷ୍ଟେଶନ ମାଷ୍ଟର ସନ୍ତୋଷ କୁମାର ମିଶ୍ରଙ୍କ...

ବଲାଙ୍ଗୀର ବାଳକଙ୍କ ବିରଳ କୃତିତ୍ୱ

ବଲାଙ୍ଗୀର ଅଫିସ, ୬ା୧: କମ୍ପ୍ୟୁଟର ପ୍ରୋଗ୍ରାମିଂରେ ବିଶ୍ୱସ୍ତରରେ ବିରଳ କୃତିତ୍ୱ ଅର୍ଜନ କରିଛନ୍ତି ବଲାଙ୍ଗୀରର ୭ବର୍ଷର ବାଳକ ଭେଙ୍କଟରମଣ ପଟ୍ଟନାୟକ। ସେ ଅନ୍ୟତମ କନିଷ୍ଠ ଛାତ୍ରଭାବେ...

ପୁଣି ଚମକିଲେ ସୌରଭ, ଯୁକ୍ତ ୨ ବିଜ୍ଞାନ ପରୀକ୍ଷାରେ ପଶ୍ଚିମ ଓଡ଼ିଶା ଟପ୍ପର

ଭବାନୀପାଟଣା,୨୭ା୭(ସ୍ବ.ପ୍ର.): ଚଳିତ ବର୍ଷ ଯୁକ୍ତ ୨ ବିଜ୍ଞାନ ପରୀକ୍ଷା ଫଳାଫଳ ବୁଧବାର ପ୍ରକାଶ ପାଇଛି। ଏଥିରେ କଳାହାଣ୍ଡି ଜିଲା ଭବାନୀପାଟଣା ପ୍ରଗତି କଲେଜର ଛାତ୍ର ସୌରଭ...

ଥମୁନି ମୃତ୍ୟୁସଂଖ୍ୟା: ଗତ ୨୪ ଘଣ୍ଟାରେ କରୋନା ନେଲା ୬୮ ଜୀବନ

ଭୁବନେଶ୍ୱର,୫।୮(ବ୍ୟୁରୋ): ରାଜ୍ୟରେ ପୁଣି ଥରେ କରୋନା ଗ୍ରାଫ୍‌ ଉପରମୁହାଁ ହୋଇଥିବା ବେଳେ ଦୈନିକ ସଂକ୍ରମଣ ମଧ୍ୟ ବୃଦ୍ଧିି ପାଇବାରେ ଲାଗିଛି। ଏଥିସହ ମୃତ୍ୟୁ ସଂଖ୍ୟାରେ ବି...

ମନ୍ତ୍ରୀଙ୍କ ବାସଭବନକୁ ଅଣ୍ଡାମାଡ଼ କଲେ ମହିଳା ମୋର୍ଚ୍ଚା

ଭବାନୀପାଟଣା,୨୦।୧୦(ସ୍ବ.ପ୍ର.): କଳାହାଣ୍ଡି ଜିଲା କେଗାଁ ଥାନା ମହାଲିଙ୍ଗସ୍ଥିତ ଏକ ଘରୋଇ ସ୍କୁଲ ଅଧ୍ୟକ୍ଷା ମମିତା ମେହେରଙ୍କୁ ଅପହରଣ ଓ ହତ୍ୟା ଘଟଣା ନେଇ ବୁଧବାର ଜିଲା...

ହିଲଭିୟୁ ପାର୍କରେ ଚାଲିଲା ଟୟଟ୍ରେନ

ଦାରିଙ୍ଗବାଡ଼ି,୨୦ା୭(ଡି.ଏନ.ଏ.)- କନ୍ଧମାଳ ଜିଲା ଦାରିଙ୍ଗବାଡ଼ି ଠାରେ ରହିଥିବା ପର୍ଯ୍ୟଟନକେନ୍ଦ୍ର ହିଲଭିୟୁ ପାର୍କ ପରିସରରେ ଶନିବାର ଶିଶୁ ପର୍ଯ୍ୟଟକଙ୍କ ପାଇଁ ଟୟଟ୍ରେନ ଆରମ୍ଭ ହୋଇଛି। ଦୀର୍ଘଦିନ ହେଲା...

ତୃଷାର୍ତ୍ତ ପକ୍ଷୀଙ୍କ ସେବାରେ କିନ୍ନର ଚିନ୍ମୟୀ

ଛେଣ୍ଡିପଦା, ୪।୪(ସ୍ବ.ପ୍ର.)- ଆତଙ୍କର ଅନ୍ୟନାମ ପାଲଟିଛି କରୋନା। ସଂକ୍ରମଣରୁ ରକ୍ଷା ପାଇବା ପାଇଁ ସାରା ଦେଶ ଏବେ ଲକଡ଼ାଉନରେ। ଏହାପରେ ଅସ୍ୱାଭାବିକ ହୋଇପଡିଛି ଜୀବନଯାତ୍ରା। ଗରିବ,...

Advertisement
Archives

Model This Week