ଭବାନୀପାଟଣା,୧୭।୯(ଡି.ଏନ.ଏ.)
ଭବାନୀପାଟଣା ଲାଲବାହାଦୁର ଶାସ୍ତ୍ରୀ ଷ୍ଟାଡିୟମ୍ଠାରେ କଳାହାଣ୍ଡି କ୍ରୀଡା ସଂସ୍ଥା ଆନୁକୂଲ୍ୟରେ ଭବାନୀପାଟଣା ଦ୍ୱିତୀୟ ଟାଉନ ଫୁଟବଲ ଲିଗ୍ର ୨ୟ ଦିବସ ସୋମବାର ମ୍ୟାଚ୍ରେ ମର୍ନିଂ କ୍ଲବ ବିଜୟୀ ହୋଇଛି। ମର୍ନିଂ କ୍ଲବ ବନାମ ଇଣ୍ଡିଆନ କ୍ଲବ ମଧ୍ୟରେ ମ୍ୟାଚ୍ ଅନୁଷ୍ଠିତ ହୋଇଥିଲା। ମର୍ନିଂ କ୍ଲବ ୨-୧ ଗୋଲରେ ବିଜୟୀ ହୋଥିଲା। ମର୍ନିଂ କ୍ଲବ ତରଫରୁ ବସନ୍ତ ଶବର ୨ଟି ଗୋଲ ଦେଇଥିବା ବେଳେ ଇଣ୍ଡିଆନ୍ କ୍ଲବ ତରଫରୁ ମହେନ୍ଦ୍ର ଲହଜଲ ଗୋଟିଏ ଗୋଲ ଦେଇଥିଲେ। ଫଳରେ ମର୍ନିଂ କ୍ଲବ ବିଜୟୀ ହୋଇଥିଲା। ଦ୍ୱିତୀୟ ଦିବସର ମ୍ୟାଚ୍ରେ ପୂର୍ବତନ ସନ୍ତୋଷ ଟ୍ରଫି ଫୁଟବଲ୍ ଖେଳାଳି ନଳିନୀ ରଞ୍ଜନ ମୁଣ୍ଡ ଅତିଥି ଭାବେ ଯୋଗଦେଇଥିଲେ। ଦ୍ୱିତୀୟ ଦିବସରେ ଜିତେନ୍ଦ୍ର ରଥ, ସନ୍ତୋଷ ପ୍ରଧାନ, ରଞ୍ଜନ କୁମାର ଦାସ ଓ ଦେବେନ୍ଦ୍ର କୁମାର ରାଉତ୍ ପ୍ରମୁଖ ଖେଳ ପରିଚାଳନା କରିଥିଲେ।
