ବଅଁରପାଳ,୭।୯(ଡି.ଏନ.ଏ.)
ବ୍ୟାଙ୍କ ମ୍ୟାନେଜର ପରିଚୟ ଦେଇ ଜଣେ ଯୁବକଙ୍କଠାରୁ ୧୦ ହଜାର ଲୁଟ୍ ହୋଇଛି। ଲୁଟ୍ ଶିକାର ହୋଇଛନ୍ତି ନାଲ୍କୋ ଥାନା କନ୍ୟାବେଡା ଗ୍ରାମର ସଞ୍ଜୟ ସାହୁ। ଏ ନେଇ ସେ ନାଲକୋ ଥାନାରେ ଅଭିଯୋଗ କରିଛନ୍ତି। ସଞ୍ଜୟଙ୍କ ୟୁନାଇଟେଡ଼ ବ୍ୟାଙ୍କ କୁଲାଡ଼ ଶାଖାରେ ଆକାଉଣ୍ଟ ରହିଛି। ଅପରାହ୍ନରେ ଜଣେ ଯୁବକ ବ୍ୟାଙ୍କ ମ୍ୟାନେଜର ପରିଚୟ ଦେଇ ମୋବାଇଲ ଫୋନ ଯୋଗେ ସଞ୍ଜୟଙ୍କ ସହିତ କଥାବାର୍ତ୍ତା ହୋଇଥିଲେ। ଏଟିଏମ୍ କାର୍ଡରେ ତ୍ରୁଟି ରହିଛି ତେଣୁ ସିକ୍ରେଟ ନମ୍ବର ଦେବାକୁ ଯୁବକ ଜଣକ ସଞ୍ଜୟଙ୍କୁ କହିଥିଲେ। ସଞ୍ଜୟ ଏଟିଏମ୍ ନମ୍ବର ଦେବାର କିଛି ସମୟ ପରେ ତାଙ୍କ ଆକାଉଣ୍ଟରୁ ୧୦ ହଜାର ଟଙ୍କା ଗାଏବ ହୋଇଯାଇଥିବା ଜାଣିବାକୁ ପାଇଥିଲେ। ଅଭିଯୋଗ ପାଇ ପୋଲିସ ଘଟଣାର ତଦନ୍ତ ଚଳାଇଛି।
