ବ୍ରାଉନସୁଗାର ବ୍ୟବସାୟ ବନ୍ଦ ପାଇଁ ଦାବି: ରାତିରେ ଆଦର୍ଶ ଥାନା ଘେରିଲେ ମହିଳା

ଖୋର୍ଦ୍ଧା ଅଫିସ, ୧୮ା୭: ବ୍ରାଉନସୁଗାର କାରବାର ବନ୍ଦ ଓ ଜୀବନ ପ୍ରତି ବିପଦ ଥିବାରୁ ସୁରକ୍ଷା ଯୋଗାଇବା ଦାବିରେ ଖୋର୍ଦ୍ଧା ଆଦର୍ଶ ଥାନାକୁ ସହରର ୬ ନଂ. ୱାର୍ଡ ସ୍ବପ୍ନେଶ୍ୱରସାହିର ମହିଳାମାନେ ବୁଧବାର ସନ୍ଧ୍ୟାରେ ଘେରାଉ କରିଥିଲେ। ବ୍ରାଉନସୁଗାର କାରବାର ବନ୍ଦ ନ ହେବାରୁ ବଞ୍ଚତ୍ବା ଦୁର୍ବିଷହ ହୋଇ ପଡିଲାଣି ବୋଲି ମହିଳାମାନେ ଥାନାରେ ଅଭିଯୋଗ କରିଛନ୍ତି। ଅନ୍ୟପକ୍ଷେ କେତେଜଣ ସେବନକାରୀ ବ୍ରାଉନସୁଗାର କିଣିବାକୁ ସ୍ବପ୍ନେଶ୍ୱରସାହିର ବିଭିନ୍ନ ଲୋକଙ୍କ ଘରର କବାଟ ଦିନର ବିଭିନ୍ନ ସମୟରେ ପିଟୁଛନ୍ତି। ବ୍ରାଉନସୁଗାର ବିକ୍ରି କରା ନ ଯିବା ଶୁଣିବା ପରେ ଅପ୍ରୀତିକର ପରିସ୍ଥିତି ସୃଷ୍ଟି କରୁଛନ୍ତି। କିଛି କଥା କହିଲେ ବୋମା ପକାଇଦେବୁ, ଗୁଳି କରିଦେବୁ, ଘରେ ନିଅଁା ଲଗାଇ ଦେବୁ, ହତ୍ୟା କରି ଫୋପାଡି ଦେବେ ବୋଲି ଧମକ ଦେଉଛନ୍ତି। ବ୍ରାଉନସୁଗାର କାରବାର ବନ୍ଦ ନେଇ ପ୍ରତିବାଦ କଲେ ବ୍ୟବସାୟୀମାନେ ମଧ୍ୟ ଜୀବନରେ ମାରି ଦେବା ପରି ବିଭିନ୍ନ ପ୍ରକାରର ଧମକଚମକ ଦେଉଛନ୍ତି। ବ୍ରାଉନସୁଗାର ବ୍ୟବସାୟୀ ଓ ସେବନକାରୀଙ୍କ ଧମକରେ ମହିଳାମାନେ ଉତ୍ତେଜିତ ଓ ଅସନ୍ତୋଷ ବ୍ୟକ୍ତ କରି ବୁଧବାର ସନ୍ଧ୍ୟାରୁ ପ୍ରାୟ ୨ ଘଣ୍ଟା ଆଦର୍ଶ ଥାନା ଘେରିଥିଲେ। ଏ ନେଇ ସ୍ଥାନୀୟ ବାସିନ୍ଦା ପଦ୍ମ ଖଟୁଆଳ କୁହନ୍ତି, ଘରେ ଘରେ ବ୍ରାଉନସୁଗାର ବିକ୍ରି ହେଉଛି। ଆଗ ଅପେକ୍ଷା ଏବେ ବ୍ୟବସାୟ ବଢ଼ିଛି। ବିଭିନ୍ନ ଅଞ୍ଚଳର ଲୋକମାନେ ବ୍ରାଉନସୁଗାର କିଣିବାକୁ ଆସି ବିଭିନ୍ନ ଲୋକଙ୍କ ଘରେ ପଶି ଅଶ୍ଲୀଳ ଗାଲିଗୁଲଜ କରୁଛନ୍ତି। ଝିଅ ବୋହୂମାନେ ଏବେ ଭୟରେ କାଳ କାଟୁଛନ୍ତି। ରଜନୀ ବାରିକ କୁହନ୍ତି, ରାତି ଅଧରେ କବାଟ ପିଟୁଛନ୍ତି। କବାଟ ଖୋଲିଲେ ବ୍ରାଉନସୁଗାର ମାଗୁଛନ୍ତି, ନ ଦେଲେ ଗଣ୍ଡଗୋଳ, ମାରପିଟ୍‌ କରୁଛନ୍ତି। ମମତା ରାଓ କୁହନ୍ତି, ପୂର୍ବରୁ ମଦ, ଗଞ୍ଜେଇ ବିକ୍ରି ହେଉଥିଲା। ଏବେ ବ୍ରାଉନସୁଗାର ନିଦ ହଜାଇ ଦେଇଛି। ଏହି ନିଶା କବଳରେ ଛୋଟ ପିଲାମାନେ ପଡିଲେଣି। ବାପା ମା’ ମାନେ ପୁଅ ବ୍ରାଉନସୁଗାର ଖାଉଥିବାର ଜାଣି ପାରୁନାହାନ୍ତି। ଏହି ନିଶା ଏବେ ପରିବାର ଉଜାଡିଲାଣି। ଏହାକୁ ତୁରନ୍ତ ବନ୍ଦ କରିବା ଦରକାର। କମଳିନୀ ଖଟୁଆ କୁହନ୍ତି, ବ୍ରାଉନସୁଗାର କାରବାର ବନ୍ଦ ନ ହେଲେ ସାହିରେ ଆଉ ଶାନ୍ତି ଫେରିବନି। ଛୋଟ ଛୋଟ କଥାରେ ମାରପିଟ୍‌ ଗଣ୍ଡଗୋଳ ଘଟିବ। କେତେବେଳେ ଯେ କ’ଣ ଅଘଟଣ ଘଟିବ କହି ପାରିବେ ନାହିଁ। କାରଣ ବିଭିନ୍ନ ପ୍ରକାରର ଧମକ ଚମକ ଯୋଗୁ ସ୍ଥାନୀୟ ବାସିନ୍ଦା ଭୟଭୀତ ହୋଇ ରହିଛନ୍ତି।


Enter your email to get our daily news in your inbox.

All Right Reserved By Dharitri.Com

ବୁଧବାର ବନକଲାଗି: ୪ ଘଣ୍ଟା ବନ୍ଦ ରହିବ ମହାପ୍ରଭୁଙ୍କ ଦର୍ଶନ

ପୁରୀ ଅଫିସ, ୨୩ା୭: ଶ୍ରୀମନ୍ଦିରରେ ବୁଧବାର ମହାପ୍ରଭୁଙ୍କ ବନକଲାଗି ନୀତି ଅନୁଷ୍ଠିତ ହେବ। ଏଥିପାଇଁ ଅପରାହ୍ନ ପ୍ରାୟ ୪ଟାରୁ ରାତି ୮ଟା ପର୍ଯ୍ୟନ୍ତ ୪ଘଣ୍ଟା ଧରି...

ପ୍ରସିଦ୍ଧ ଶୁଲିଆ ଯାତ୍ରା ଆରମ୍ଭ: ପଶୁବଳିରେ ରକ୍ତରଞ୍ଜିତ ହେଲା ପୀଠ

ବଲାଙ୍ଗୀର ଅଫିସ, ୩୧।୧୨: ବଲାଙ୍ଗୀର ଜିଲାର ଦେଓଗାଁ ବ୍ଲକ ଖଇରଗୁରା ଓ କୁମୁରିଆରେ ମଙ୍ଗଳବାର କନ୍ଧ ସମେତ ବିଭିନ୍ନ ଆଦିବାସୀ ସମ୍ପ୍ରଦାୟର ପ୍ରସିଦ୍ଧ ଶୁଲିଆ ଯାତ୍ରା...

ଇନ୍ଦୋର ଉଦାହରଣ ଦେଇ ବୁଝାଇଲେ

ଭୁବନେଶ୍ୱର, ୨୧ା୪(ବ୍ୟୁରୋ): କରୋନା ମୁକାବିଲା କ୍ଷେତ୍ରରେ ଓଡ଼ିଶାକୁ ପ୍ରଶଂସା କରିଛନ୍ତି କେନ୍ଦ୍ର ସରକାର। ସେହିଭଳି ଅନ୍ତର୍ଜାତୀୟ ସ୍ତରରେ ମଧ୍ୟ ବାହାବା ସାଉଣ୍ଟିଛନ୍ତି ରାଜ୍ୟ ସରକାର। ତେବେ...

ସଂଶୋଧିତ ହୋଲ୍ଡିଂ ଟିକସ ଆଦାୟ କରିବ ବିଏମ୍‌ସି

ଭୁବନେଶ୍ୱର, ୩।୧୧(ବ୍ୟୁରୋ) ବହୁ ବାଦ ବିବାଦ ପରେ ମଧ୍ୟ ଭୁବନେଶ୍ୱର ମହାନଗର ନିଗମ(ବିଏମ୍‌ସି) ସଂଶୋଧିତ ହୋଲ୍ଡିଂ ଟିକସ ବା ସମ୍ପତ୍ତି ଟିକସ ଲାଗୁ କରିବାକୁ ବିଜ୍ଞପ୍ତି...

ପୁଣି ୧୦ ଜୀବନ ନେଲା କରୋନା, ଜାଣନ୍ତୁ କେଉଁ ଜିଲାରୁ କେତେ

ଭୁବନେଶ୍ୱର,୬।୮(ବ୍ୟୁରୋ): ରାଜ୍ୟରେ କରୋନା ଯୋଗୁ ଆଉ ୧୦ ଜଣଙ୍କ ଜୀବନ ଯାଇଛି। ଫଳରେ କରୋନା ଜନିତ ମୃତ୍ୟୁ ସଂଖ୍ୟା ୨୩୫କୁ ବୃଦ୍ଧି ପାଇଛି। ଏହି ୧୦ମୃତକଙ୍କ...

କରୋନାକୁ ନେଇ ଆରମ୍ଭ ହେଲାଣି ବୟାନବାଜି

ଭୁବନେଶ୍ୱର,୨୭।୫(ବ୍ୟୁରୋ): ଦୀର୍ଘଦିନର ବ୍ୟବଧାନ ପରେ କିଛିଦିନ ହେବ ଓଡ଼ିଶାରେ ରାଜନୈତିକ ବୟାନବାଜି ଜୋର ଧରିବାକୁ ଯାଉଥିବା ଦେଖିବାକୁ ମିଳିଛି। କରୋନା ଏବେ ରାଜନୈତିକ ଲଢ଼େଇର ମୁଖ୍ୟ...

ପ୍ରି-ବୋର୍ଡ ପରୀକ୍ଷା ପରେ ଶ୍ରେଣୀରେ ଜଣେ ଛାତ୍ର

ଦାରିଙ୍ଗବାଡ଼ି,୧୪।୧(ଡି.ଏନ.ଏ.)-ଦାରିଙ୍ଗବାଡ଼ି ବ୍ଲକ ପର୍ତ୍ତମାହା ପଞ୍ଚାୟତର ଦୁର୍ଗମ ଗ୍ରାମରେ ଥିବା ସୁଜାମାଜୁ ଉନ୍ନୀତ ସରକାରୀ ଉଚ୍ଚ ବିଦ୍ୟାଳୟ ହଷ୍ଟେଲରେ ରହି ପଢ଼ୁଥିବା ଦଶମ ଶ୍ରେଣୀ ଛାତ୍ରୀମାନଙ୍କୁ ପ୍ରି-ବୋର୍ଡ...

ହ୍ୟାଣ୍ଡ୍‌ଶେକ୍‌ ପରିବର୍ତ୍ତେ ନମସ୍କାର କରିବାକୁ ପରାମର୍ଶ

ଭୁବନେଶ୍ୱର,୭ା୩(ବ୍ୟୁରୋ): କରୋନା ଭାଇରସ୍‌ ଭୟ ଏବେ ସମଗ୍ର ବିଶ୍ୱକୁ ଥରାଇ ଦେଇଥିବା ବେଳେ ଏହାଦ୍ୱାରା ବିଶେଷଭାବେ ପ୍ରଭାବିତ ହୋଇଛି ରାଜ୍ୟ ପର୍ଯ୍ୟଟନ ଶିଳ୍ପ। ଓଡ଼ିଶା ଆସିବାକୁ...

Coronavirus Update


Archives

Model This Week

Why Dharitri