ବୁଲ୍‌ବୁଲ୍‌ ପ୍ରଭାବ: ଜଗତ୍‌ସିଂହପୁର ଜିଲାର ଧାନ,ପରିବା ଫସଲ ଅଧିକ କ୍ଷତିଗ୍ରସ୍ତ

ଜଗତ୍‌ସିଂହପୁର ଅଫିସ,୧୦ା୧୧: ବାତ୍ୟା ବୁଲ୍‌ବୁଲ ପ୍ରଭାବରେ ଜଗତ୍‌ସିଂହପୁର ଜିଲାର ତଳିଆ ଅଞ୍ଚଳ ଲୋକେ ପ୍ରଭାବିତ ହେବା ସହ ବ୍ୟାପକ ଧାନ ଓ ପନିପରିବା କ୍ଷତିଗ୍ରସ୍ତ ହୋଇଛି। ବିଶେଷକରି ଧାନ ଥୋଡ ଧରୁଥିବାରୁ ପବନ ମାଡରେ ଏହା ନଷ୍ଟ ପ୍ରାୟ ହୋଇଯାଇଛି। ଜିଲାର ସମସ୍ତ ଅଞ୍ଚଳରେ ଗଛ ଭାଙ୍ଗିଥିବା ବେଳେ ପାରାଦୀପ, କୁଜଙ୍ଗ, ତିର୍ତ୍ତୋଲ, ଏରସମା ଓ ବାଲିକୁଦା ଅଞ୍ଚଳରେ ଏହି ସଂଖ୍ୟା ଅଧିକ ବୋଲି ଆକଳନ କରାଯାଇଛି। ୮ତାରିଖରୁ ବର୍ଷା ଓ ପବନ ଲାଗି ରହିବାରୁ ଜିଲାର ତଳିଆ ତଥା ସମ୍ବେଦନଶୀଳ ଅଞ୍ଚଳର ଲୋକଙ୍କୁ ବିଭିନ୍ନ ବାତ୍ୟା ଆଶ୍ରୟସ୍ଥଳ ଓ ଶିକ୍ଷାନୁଷ୍ଠାନକୁ ସ୍ଥାନାନ୍ତର କରାଯାଇଥିଲା। ପରିସ୍ଥିତି ଉପରେ ତୀକ୍ଷ୍ଣ ନଜର ରଖିଥିଲେ ଜିଲାପାଳ ସଂଗ୍ରାମ କେଶରୀ ମହାପାତ୍ର। ଜିଲାପାଳ ପାରାଦୀପରେ ରହି ଲୋକଙ୍କୁ ସ୍ଥାନାନ୍ତରଣ, ରନ୍ଧା ଖାଦ୍ୟ ପ୍ରଦାନ, ମତ୍ସ୍ୟଜୀବୀଙ୍କୁ ସମୁଦ୍ର ମଧ୍ୟକୁ ନ ଯିବା, ବାତ୍ୟାଜନିତ ଭାଙ୍ଗି ପଡିଥିବା ଗଛକୁ କାଟି ସଫା କରିବା ଆଦି କାର୍ଯ୍ୟ ତଦାରଖ କରିଥିଲେ ।

ଜିଲା ସୂଚନା ଓ ଲୋକ ସମ୍ପର୍କ ବିଭାଗ ପକ୍ଷରୁ ମିଳିଥିବା ତଥ୍ୟ ଅନୁଯାୟୀ ଜିଲାର ୫୪୬ ଜଣଙ୍କୁ ବିଭିନ୍ନ ବାତ୍ୟା ଆଶ୍ରୟସ୍ଥଳକୁ ସ୍ଥାନାନ୍ତରିତ କରାଯାଇଥିଲା। ସେମାନଙ୍କ ମଧ୍ୟରୁ ପାରାଦୀପ ପୌର ପରିଷଦ ଦ୍ୱାରା ମେରାଇନ ଆକ୍ବାରିୟମକୁ ୮୬ଜଣ, ପାରାଦୀପ ମ୍ୟୁନିସିପାଲ୍‌ଟି ହାଇସ୍କୁଲରେ ୨୦୦, ତିର୍ତ୍ତୋଲ ବ୍ଲକର ତର୍ଜଙ୍ଗା ହାଇସ୍କୁଲରେ ୨୦୦ ଓ ଜଗତ୍‌ସିଂହପୁରସ୍ଥିତ ଶ୍ରୀକୃଷ୍ଣ ଏକାଡେମୀକୁ ୬୦ଜଣଙ୍କୁ ସ୍ଥାନାନ୍ତରିତ କରାଯାଇଥିଲା। ଏହି ଲୋକଙ୍କୁ ଶୁଖିଲା ଓ ରନ୍ଧାଖାଦ୍ୟ ଦିଆଯାଇଥିଲା। ପାରାଦୀପରେ କ୍ରକୋଡାଇଲ୍‌ ପାର୍କଠାରୁ ମାଉସୀ ମା’ଛକ ରାସ୍ତା, ମଧୁବନ ରାସ୍ତା, କ୍ରକୋଡାଇଲ ପାର୍କ ରାସ୍ତାଠାରୁ ସବ୍‌ଷ୍ଟେସନ୍‌ ଛକ ରାସ୍ତାରେ ଗଛ ଭାଙ୍ଗି ପଡିଥିବାରୁ ଏନ୍‌ଡିଆର୍‌ଏଫ୍‌, ଓଡ୍ରାଫ ଓ ଅଗ୍ନିଶମ ବାହିନୀ ପକ୍ଷରୁ ରାସ୍ତା ସଫା କରାଯାଇଥିଲା। ଜିଲାପାଳ ଶୁକ୍ରବାର ଷଣ୍ଢକୁଦ, ବଙ୍ଗାଳିସାହି ଆଦି ଅଞ୍ଚଳ ପରିଦର୍ଶନ କରି ସ୍ଥାନାନ୍ତରଣ ପ୍ରକ୍ରିୟା ତଦାରଖ କରିଥିଲେ। ଶୁକ୍ରବାର ରାତିରେ ପାରାଦୀପରେ ପବନର ବେଗ ଅଧିକ ଥିଲା। ଏହାର ପ୍ରଭାବରେ କେତେକ ସ୍ଥାନରେ ବିଦ୍ୟୁତ ଖୁଣ୍ଟ ଭାଙ୍ଗି ପଡିଥିବା ବେଳେ ଆଉ କେତେକ ସ୍ଥାନରେ ବଙ୍କା ହୋଇ ଯାଇଥିଲା। ତାର ମଧ୍ୟ ଅନେକ ସ୍ଥାନରେ ଛିଡିଥିବାରୁ ବିଦ୍ୟୁତ ସରବରାହ ବ୍ୟାଘାତ ଘଟିଛି। ବର୍ଷା କମିବା ପରେ ବିଦ୍ୟୁତ ବିଭାଗ କର୍ମଚାରୀମାନେ ତୁରନ୍ତ ମରାମତି କରିବେ ବୋଲି ସୂଚନା ଦିଆଯାଇଛି। ଏରସମା ବସ୍‌ ଷ୍ଟାଣ୍ଡରେ ଗୋଟିଏ ଗଛ ଭାଙ୍ଗି ପଡିଥିବାରୁ ସମସ୍ୟା ହୋଇଥିଲା। ସୌଭାଗ୍ୟ ଅଗ୍ନିଶମ ବିଭାଗ କର୍ମଚାରୀ ଏହାକୁ କାଟି ସଫା କରି ଦେଇଛନ୍ତି। ଖବର ଲେଖାହେବା ବେଳକୁ ପାଗରେ ସୁଧାର ଆସିଛି। ଜଗତ୍‌ସିଂହପୁର ସମେତ ବିରିଡ଼ି, ରଘୁନାଥପୁର, ନାଉଗାଁ ଆଦି ଅଞ୍ଚଳରେ ବର୍ଷା ଓ ପବନ ଆଦୌ ନ ଥିବା ବେଳେ ଅନ୍ୟ ବ୍ଲକ ଅଞ୍ଚଳରେ କମିଥିବା ଜଣାଯାଇଛି। ତେବେ ସମସ୍ତ ପରିସ୍ଥିତିର ମୁକାବିଲା ପାଇଁ ଜିଲା ପ୍ରଶାସନ ସଜାଗ ରହିଛି। ଜିଲାର ବିଭିନ୍ନ ବିଭାଗୀୟ ଅଧିକାରୀ ଏହାକୁ ତଦାରଖ କରୁଛନ୍ତି। ବର୍ଷା ଓ ପବନ ଯୋଗୁ ଧାନ ଫସଲ କ୍ଷତିଗ୍ରସ୍ତ ହୋଇଥିବାରୁ କୃଷି ବିଭାଗର ଅଧିକାରୀମାନେ ପାଗ ବଦଳିଲେ ଆକଳନ କରି ରିପୋର୍ଟ କରିବାକୁ ଜିଲାପାଳ ନିର୍ଦ୍ଦେଶ ଦେଇଛନ୍ତି।

ସୂଚନାଯୋଗ୍ୟ ଯେ, ବାତ୍ୟା ବୁଲ୍‌ବୁଲ୍‌ ପ୍ରଭାବରେ ଗତ ୮ ତାରିଖ ସକାଳୁ ଜିଲାରେ କୋହଲିଆ ପାଗ ସାଙ୍ଗକୁ ଝିପ ଝିପ ବର୍ଷା ଆରମ୍ଭ ହୋଇଥିଲା। ଶନିବାର ପୂର୍ବାହ୍ନ ସୁଦ୍ଧା ବର୍ଷା, ପବନ ଲାଗି ରହିଥିଲା। ପରିସ୍ଥିତିର ମୁକାବିଲା ପାଇଁ ୧ ଏନ୍‌ଡିଆର୍‌ଏଫ୍‌ ଦଳ(୨୫ ଜଣିଆ) ପାରାଦୀପରେ ପହଞ୍ଚତ୍ଥିଲେ। ଏହାବାଦ୍‌ ଜଗତ୍‌ସିଂହପୁର ଓ ପାରାଦୀପରେ ପୃଥକ ଭାବେ ୨ଟି ଓଡ୍ରାଫ୍‌ ଦଳ ନିୟୋଜିତ ହୋଇଥିଲେ। ଅଗ୍ନିଶମ ବିଭାଗର ୨ଟି ଦଳ ମଧ୍ୟ ପ୍ରସ୍ତୁତ ରହିଥିଲେ। ବର୍ଷା, ପବନ ଯୋଗୁ ଧାନ ଓ ପନିପରିବା ନଷ୍ଟ ହେବା ଭୟରେ ଚାଷୀ ଚିନ୍ତାରେ ଥିବା ବେଳେ ବାସ୍ତବରେ ସେମାନଙ୍କ ଆଶଙ୍କା ସତରେ ପରିଣତ ହୋଇଛି।


Enter your email to get our daily news in your inbox.

All Right Reserved By Dharitri.Com

ବାପାଙ୍କ ଅନ୍ତିମ ସଂସ୍କାରରେ ଯୋଗ ଦେଇପାରିଲେନି ପୁଅ: ଭିଡିଓ କଲିଂରେ କଲେ ଅନ୍ତିମ ଦର୍ଶନ

ଭୁବନେଶ୍ୱର,୨୪।୪ (ବ୍ୟୁରୋ): କରୋନା ପାଇଁ ଦେଶରେ ଲକ୍‌ଡାଉନ୍‌ ଜାରି ରହିଛି। ଏଭଳି ସମୟରେ ରାଜଧାନୀ ଭୁବନେଶ୍ୱର ୟୁନିଟ-୧ରେ ଏକ ହୃଦୟ ବିଦାୟକ ଦୃଶ୍ୟ ଦେଖିବାକୁ ମିଳିଛି।...

ରୋଗୀଙ୍କ ଜୀବନ ସହ ଖେଳ: ଆମ୍ବୁଲାନ୍ସରେ ବର୍ଜ୍ୟବସ୍ତୁ ବୁହା

ତାଳଚେର,୮ା୮(ନି.ପ୍ର.)  ରୋଗୀଙ୍କ ଜୀବନ ରକ୍ଷାରେ ଆମ୍ବୁଲାନ୍ସର ଭୂମିକା ଗୁରୁତ୍ୱପୂର୍ଣ୍ଣ। ହେଲେ ଏନ୍‌ଟିପିସି ପରିଚାଳନାଧୀନ ତାଳଚେର ଥର୍ମାଲ (ଟିଟିପିଏସ୍‌) ହସ୍ପିଟାଲ କର୍ତ୍ତୃପକ୍ଷ ଆମ୍ବୁଲାନ୍ସରେ ବର୍ଜ୍ୟବସ୍ତୁ ପରିବହନ କରୁଛନ୍ତି।...

ଦିନ ବେଳେ ଜଳୁଛି ଜଙ୍ଗଲ

ଚମ୍ପୁଆ,୨୨।୨(ଡି.ଏନ.ଏ)-ରୌଦ୍ରତାପ ବଢିବା ପରେ ମାର୍ଚ୍ଚ ଓ ଏପ୍ରିଲ ମାସରେ ଆଗରୁ ସ୍ଥାନୀୟ ଜଙ୍ଗଲଗୁଡିକରେ ନିଅଁ। ଲାଗୁଥିବା ଦେଖିବାକୁ ମିଳୁଥିଲା। କିନ୍ତୁ ଚଳିତ ବର୍ଷ ଫେବୃୟାରୀରେ ଜଙ୍ଗଲ...

ସ୍କୁଲରେ ପାଠପଢ଼ାକୁ ବନ୍ଦ କଲା ଶିକ୍ଷା ବିଭାଗ

ବରଗଡ଼ ଅଫିସ୍‌,୨୫।୩: କରୋନା ସଂକ୍ରମଣ ଯୋଗୁ ଗତବର୍ଷରୁ ପ୍ରାଥମିକ ସ୍କୁଲଗୁଡ଼ିକ ବନ୍ଦ ରହିଛି । କେବଳ ସେତିକି ନୁହେଁ, ଏଥର ପ୍ରଥମରୁ ଅଷ୍ଟମ ଶ୍ରେଣୀ ପର୍ଯ୍ୟନ୍ତ...

ବନ୍ଦର, ପେଟ୍ରୋକେମିକାଲ୍ସ ପ୍ଲାଣ୍ଟକୁ ବିରୋଧ

ବାଲିଆପାଳ,୮।୬(ସ୍ବ.ପ୍ର.): ବାଲେଶ୍ୱର ଜିଲା ଦକ୍ଷିଣ ବାଲିଆପାଳରେ ପ୍ରସ୍ତାବିତ ବନ୍ଦର ଓ ପେଟ୍ରୋକେମିକାଲ୍ସ ପ୍ଲାଣ୍ଟ ବିରୋଧରେ ଜନଅସନ୍ତୋଷ ଦିନକୁ ଦିନ ତେଜିବାରେ ଲାଗିଛି। ଉପକୂଳ ଭିଟାମାଟି ସୁରକ୍ଷା...

୨୭ରୁ ବିଧାୟକଙ୍କ କରୋନା ଟେଷ୍ଟ

ଭୁବନେଶ୍ୱର,୧୬ା୯(ବ୍ୟୁରୋ)-ସେପ୍ଟେମ୍ବର ୨୯ରେ ବିଧାନସଭା ମୌସୁମୀ ଅଧିବେଶନ ଆରମ୍ଭ ହେବ। ଏହାର ଦୁଇଦିନ ପୂର୍ବରୁ ଅଧିବେଶନରେ ଯୋଗ ଦେଉଥିବା ସମସ୍ତ ବିଧାୟକ ଓ ବିଧାନସଭା କର୍ମଚାରୀମାନଙ୍କର କୋଭିଡ୍‌-୧୯...

ନ୍ୟାୟ ପାଇଁ ୨ ବର୍ଷ ହେଲା ରଖିଛନ୍ତି ମୃତଦେହ

ମାଲକାନଗିରି,୩।୩(ଡି.ଏନ୍‌.ଏ.): ମାଲକାନଗିରି ସୀମାନ୍ତ ଛତିଶଗଡ଼ର ଦାନ୍ତେୱାଡା ଜିଲାର କିରନଡୁଲ ଅଞ୍ଚଳରେ ନ୍ୟାୟ ପାଇଁ ବଦରୁ ମାଡବିଙ୍କ ମୃତଦେହକୁ ୨ବର୍ଷ ହେଲା ସାଇତି ରଖିଛନ୍ତି ଗ୍ରାମବାସୀ ଓ...

ଛାତ୍ରୀଙ୍କୁ କୃମିନାଶକ ବଟିକା ଖୁଆଇଲେ ଜିଲାପାଳ

ବାଲେଶ୍ୱର ଅଫିସ, ୧୦।୨-ବାଲେଶ୍ୱର ସହର ସ୍ଥାନୀୟ ମିଶନ ବାଳିକା ଉଚ୍ଚ ବିଦ୍ୟାଳୟରେ ଜିଲାସ୍ତରୀୟ ଜାତୀୟ କୃମିନାଶକ ଦିବସ ସୋମବାର ଉଦ୍‌ଘାଟିତ ହୋଇଯାଇଛି ା ଜିଲାପାଳ କେ....

Advertisement
Archives

Model This Week