ବ୍ରହ୍ମପୁର ଅଫିସ,୧୯।୫: ଗଞ୍ଜାମ ଜିଲା ସଦର ଥାନା ଅନ୍ତର୍ଗତ ଲାଠି ଗ୍ରାମରେ ଥିବା ପ୍ରସିଦ୍ଧ ବୁଢ଼ୀ ଠାକୁରାଣୀ ମନ୍ଦିରରୁ ସୋମବାର ବିଳମ୍ବିତ ରାତିରେ ଚୋରି ହୋଇଛି। ଦୁର୍ବୃତ୍ତମାନେ ମନ୍ଦିରର ୩ଟି ଗେଟର ତାଲା ଭାଙ୍ଗି ମା’ ଠାକୁରାଣୀ ପରିଧାନ କରିଥିବା ସମସ୍ତ ରୁପା ଅଳଙ୍କାର ଓ ଦାନ ହୁଣ୍ଡି ଚୋରିକରି ନେଇଯାଇଛନ୍ତି । ନୂତନ ଭାବେ ମନ୍ଦିର ପ୍ରତିଷ୍ଠା ହୋଇଥିବା ବେଳେ ଚୋର ଗ୍ୟାଙ୍ଗ ଲକ୍ଡାଉନର ସୁଯୋଗ ନେଇ ମନ୍ଦିରରୁ ରୁପା ଅଳଙ୍କାର ଓ ଦାନ ହୁଣ୍ଡି ନେଇଯାଇଛନ୍ତି । ଖବର ପାଇ ସଦର ଥାନା ପୋଲିସ ଘଟଣାସ୍ଥଳରେ ପହଞ୍ଚି ସନ୍ଧାନୀ କୁକୁର ଓ ସାଇଣ୍ଟିଫିକ ଟିମ୍ ସହାୟତାରେ ତଦନ୍ତ କରୁଛି। ଏ ନେଇ ଥାନା ଅଧିକାରୀ ସନ୍ତୋସିନୀ ଓରାମ ସୂଚନା ଦେଇଛନ୍ତି । ମନ୍ଦିରରୁ ଦୁର୍ବୃତ୍ତମାନେ ପ୍ରାୟ ଅଢ଼େଇ ଲକ୍ଷ ଟଙ୍କାର ସାମଗ୍ରୀ ଓ ଦାନ ହୁଣ୍ଡିରେ ଥିବା ଟଙ୍କା ଚୋରିକରି ନେଇଯାଇଥିବା ନେଇ ମନ୍ଦିର ଟ୍ରଷ୍ଟି ଗୋପାଳ ସାହୁ ସୂଚନା ଦେଇଛନ୍ତି ।
