ପ୍ରତିବର୍ଷ ମେ’ ୮ରେ ବିଶ୍ୱ ରେଡ୍କ୍ରସ ଓ ରେଡ୍ କ୍ରିସେଣ୍ଟ ଦିବସ ଇଣ୍ଟର୍ନ୍ୟାଶନାଲ ରେଡ୍କ୍ରସ ଆଣ୍ଡ୍ ରେଡ୍ କ୍ରିସେଣ୍ଟ ମୁଭ୍ମେଣ୍ଟର ସିଦ୍ଧାନ୍ତ ମୁତାବକ ପାଳନ କରାଯାଉଛି। ଏହି ତାରିଖଟି ହେଉଛି ହେନେରି ଡୁନାଣ୍ଟଙ୍କ ଜନ୍ମ ଶତବାର୍ଷିକୀର ଦିନ। ହେନେରି ୮ ମେ’, ୧୮୨୮ରେ ଜନ୍ମଗ୍ରହଣ କରିଥିଲେ। ସେ ଇଣ୍ଟରନ୍ୟାଶନାଲ କମିଟି ଅଫ୍ ରେଡ୍କ୍ରସ(ଆଇସିଆର୍ସି)ର ପ୍ରତିଷ୍ଠାତା ଥିଲେ ଏବଂ ପ୍ରଥମେ ନୋବେଲ ପୁରସ୍କାର ଗ୍ରହଣ କରିଥିଲେ। ଏହି ସଂଗଠନ ସଶସ୍ତ୍ର ହିଂସା ଓ ଯୁଦ୍ଧ ପୀଡିତ ତଥା ଯୁଦ୍ଧ ବନ୍ଦୀଙ୍କ କଲ୍ୟାଣ ପାଇଁ କାର୍ଯ୍ୟକରୁଛି। ଏମାନଙ୍କୁ ଆଇନ ସହାୟତା ମଧ୍ୟ ଯୋଗାଇ ଦେଉଛି। ଏହାର ମୁଖ୍ୟାଳୟ ସଇୁଜର୍ଲାଣ୍ଡର ଜେନେଭାରେ ରହିଛି। ଆଇସିଆର୍ସି ଇଣ୍ଟର୍ନ୍ୟାଶନାଲ୍ ଫେଡେରେଶନ ଅଫ୍ ରେଡ୍କ୍ରସ ଆଣ୍ଡ୍ ରେଡ୍ କ୍ରିସେଣ୍ଟ ସୋସାଇଟି (ଆଇଏଫ୍ଆର୍ସି)କୁ ବି ପାଣ୍ଠି ଯୋଗାଇ ଦେଉଛି।
ପ୍ରଥମ ବିଶ୍ୱଯୁଦ୍ଧ ପରେ ପରେ ବିଶ୍ୱକୁ ଏକତା ସୂତ୍ରରେ ବାନ୍ଧି ରଖିବା ଓ ଶାନ୍ତି ପ୍ରତିଷ୍ଠା କରିବା ଉଦ୍ଦେଶ୍ୟରେ ‘ରେଡ୍ କ୍ରସ ଟ୍ରୁସ’ ଅଭିଯାନ ଆରମ୍ଭ କରାଯାଇଥିଲା। ରେଡ୍ କ୍ରସର ୧୪ ତମ ଆନ୍ତର୍ଜାତିକ ଅଧିବେଶନରେ ଗଠନ କରାଯାଇଥିବା ଇଣ୍ଟରନ୍ୟାଶ୍ନାଲ କମିଶନ ଏହା ଉପରେ ଅନୁଧ୍ୟାନ କରି ରିର୍ପୋଟ ପ୍ରସ୍ତୁତ କରିଥିଲେ। ଏହି ରିର୍ପୋଟ ୧୯୩୪ରେ ଟୋକିଓରେ ଅନୁଷ୍ଠିତ ରେଡ୍କ୍ରସର ୧୫ ତମ ଆନ୍ତର୍ଜାତିକ ଅଧିବେଶନରେ ଉପସ୍ଥାପନ କରାଯାଇ ସ୍ବୀକୃତି ପ୍ରଦାନ କରାଯାଇଥିତ୍ଲା। କିନ୍ତୁ ଦ୍ୱିତୀୟ ବିଶ୍ୱଯୁଦ୍ଧ ପରେ ୧୯୪୬ରେ ଏହି ଟୋକିଓ ପ୍ରସ୍ତାବ ଉପରେ ଲିଗ୍ ଅଫ୍ ରେଡ୍କ୍ରସ ସୋସାଇଟି(ଏଲ୍ଆର୍ସିଏସ୍) ପୁନଃ ଅନୁଧ୍ୟାନ କରି ଏହାର ନାମ ଇଣ୍ଟରନ୍ୟାଶନାଲ୍ ଫେଡେରେଶନ ଅଫ୍ ରେଡ୍କ୍ରସ ଆଣ୍ଡ୍ ରେଡ୍ କ୍ରିସେଣ୍ଟ ସୋସାଇଟି(ଆଇଏଫ୍ଆର୍ସି) ରଖାଯାଇଥିଲା। ଏହାର ଦୁଇ ବର୍ଷ ପରେ ଟ୍ରୁସର ନିୟମ ଓ ବିଶ୍ୱର ବିଭିନ୍ନ ଅଞ୍ଚଳରେ ଏହାର କାର୍ଯ୍ୟକାରିତାକୁ ବିଚାରକୁ ନେଇ ଆନ୍ତର୍ଜାତିକ ରେଡ୍କ୍ରସ ଦିବସ ପ୍ରତିବର୍ଷ ପାଳନ କରାଯିବା ଲାଗି ଏକ ପ୍ରସ୍ତାବ ଗ୍ରହଣ କରିଥିଲା ଏବଂ ପ୍ରଥମେ ୮ ମେ’ ୧୯୪୮ରେ ଏହି ଦିବସ ପାଳନ କରାଯାଇଥିଲା। ସରକାରୀ ସ୍ତରରେ ଏହି ଦିବସର ନାମ ବହୁବାର ପରିବର୍ତ୍ତନ କରାଯିବା ପରେ୧୯୮୪ରେ ଓ୍ବାଲର୍ଡ ରେଡ୍କ୍ରସ ଆଣ୍ଡ୍ ରେଡ୍କ୍ରିସେଣ୍ଟ ଡେ’ ରଖାଯାଇଥିଲା, ଯାହା ଏବେ ଏହି ନାମରେ ପାଳନ କରାଯାଉଛି।
