ବିଲୟ ପଥେ ବିଏସ୍‌ଏନ୍‌ଏଲ୍‌

ଜନାର୍ଦ୍ଦନ ପତି
ଆମ ଦେଶରେ ଯେତେ ଟେଲିଫୋନ କମ୍ପାନୀ ଟେଲି ଯୋଗାଯୋଗ ବ୍ୟବସାୟ କରିଛନ୍ତି, ସେମାନଙ୍କ ମଧ୍ୟରେ ଭାରତ ସଞ୍ଚାର ନିଗମ ଲିମିଟେଡ୍‌ ବା ବିଏସ୍‌ଏନ୍‌ଏଲ୍‌ ହେଉଛି ଏକମାତ୍ର ସରକାରୀ ଟେଲି କମ୍ପାନୀ। ଏହା ବ୍ୟତୀତ ତିନୋଟି ବେସରକାରୀ କମ୍ପାନୀ ଅଛନ୍ତି। ସେଗୁଡିକ ହେଲେ- ଭାରତୀ ଏୟାରଟେଲ ଲିମିଟେଡ୍‌, ରିଲାଏନ୍ସ ଜିଓ ଓ ଭୋଡାଫୋନ୍‌ ଆଇଡିଆ। ଆମ ଦେଶରେ ମୋବାଇଲ ଗ୍ରାହକ ସଂଖ୍ୟା ପ୍ରାୟ ୧୧୮ କୋଟି ଓ ଟେଲିଫୋନ୍‌ ଗ୍ରାହକ ସଂଖ୍ୟା ପ୍ରାୟ ଦୁଇକୋଟି ୧୫ ଲକ୍ଷ। ଦେଶର ଟେଲି ଯୋଗାଯୋଗ ବ୍ୟବସ୍ଥାକୁ ଟେଲିକମ୍‌ ରେଗୁଲେଟରୀ ଅଥୋରିଟି ଅଫ୍‌ ଇଣ୍ଡିଆ (ଟ୍ରାଇ) ନିୟନ୍ତ୍ରଣ କରେ।
ଗତ ନଭେମ୍ବର ମାସରେ ଭାରତ ସରକାରଙ୍କ ଟେଲି ଯୋଗାଯୋଗ ମନ୍ତ୍ରଣାଳୟ ନିଷ୍ପତ୍ତି ନେଲା ଯେ, ବିଏସ୍‌ଏନ୍‌ଏଲ୍‌ ଓ ଏମ୍‌ଟିଏନ୍‌ଏଲ୍‌ (ମହାନଗର ଟେଲିଫୋନ୍‌ ନିଗମ ଲିମିଟେଡ)ରୁ ସ୍ଥାୟୀ କର୍ମଚାରୀମାନଙ୍କୁ ସ୍ବେଚ୍ଛାକୃତଭାବେ ଅବସର (ଭିଆର୍‌ଏସ୍‌) ନେବା ପାଇଁ କୁହାଯିବ। କାରଣ ସ୍ବରୂପ କୁହାଗଲା ଯେ, ବିଏସ୍‌ଏନ୍‌ଏଲ୍‌ର ୨୦୧୮-୧୯ ଆର୍ଥିକ ବର୍ଷରେ ଆୟ କମିଯିବା ଫଳରେ କମ୍ପାନୀ ୧୪ ହଜାର କୋଟି ଟଙ୍କା କ୍ଷତି କରିଛି। ବିଏସ୍‌ଏନ୍‌ଏଲ୍‌ କାହିଁକି କ୍ଷତି ସହିଛି? ତାହାର କାରଣ ସରକାର କହିଲେ ନାହିଁ। ପ୍ରକୃତ କାରଣ ହେଉଛି ଅନ୍ୟ ବେସରକାରୀ କମ୍ପାନୀ ସହିତ ବିଏସ୍‌ଏନ୍‌ଏଲ୍‌କୁ ପ୍ରତିଯୋଗିତା ପାଇଁ ସମାନ ସୁଯୋଗ ଦିଆଗଲା ନାହିଁ। ବେସରକାରୀ କମ୍ପାନୀମାନଙ୍କୁ ୪ଜି ସ୍ପେକ୍ଟ୍ରମ କେନ୍ଦ୍ର ସରକାର ଯୋଗାଇ ଦେବାବେଳେ ବିଏସ୍‌ଏନ୍‌ଏଲ୍‌କୁ ୩ଜି ସ୍ପେକ୍ଟ୍ରମ୍‌ରେ କାମ କରିବାକୁ କୁହାଗଲା। ବିଏସ୍‌ଏନ୍‌ଏଲ୍‌ ଯେଉଁସବୁ ପ୍ରମୁଖ କ୍ଷେତ୍ରରେ ସେବା ଯୋଗାଉଥିଲା, ଯଥା- ବିମାନ ବନ୍ଦର, ରେଳଷ୍ଟେସନ ଇତ୍ୟାଦି ସେ ସବୁ ସ୍ଥାନରେ ବିଏସ୍‌ଏନ୍‌ଏଲ୍‌କୁ ହଟାଇ ଜିଓ କମ୍ପାନୀକୁ ବ୍ୟବସାୟ କରିବାକୁ ଦିଆଗଲା। ତିନୋଟି ଯାକ ଘରୋଇ କମ୍ପାନୀ ଯଥା ଭୋଡାଫୋନ୍‌ ଆଇଡିଆ, ଭାରତୀ ଏୟାରଟେଲ ଓ ରିଲାଏନ୍ସ ଜିଓ ବ୍ୟାଙ୍କମାନଙ୍କରୁ ୭ ଲକ୍ଷ ପଚାଶ ହଜାର କୋଟି ଟଙ୍କା ଋଣ ନେଇଛନ୍ତି, କିନ୍ତୁ ବିଏସ୍‌ଏନ୍‌ଏଲ୍‌କୁ ମାତ୍ର ପନ୍ଦର ହଜାର କୋଟି ଟଙ୍କା ବ୍ୟାଙ୍କ ଋଣ ନେବାକୁ ସରକାର ଅନୁମତି ଦେଲେ ନାହିଁ। ବିଏସ୍‌ଏନ୍‌ଏଲ୍‌ର ସମସ୍ତ ଭିିତ୍ତିଭୂମିକୁ ଘରୋଇ ଟେଲିକମ୍‌ କମ୍ପାନୀମାନେ ବ୍ୟବହାର କରିବାକୁ କେନ୍ଦ୍ର ସରକାର ଅନୁମତି ଦେଲେ। ଫଳରେ ବେସରକାରୀ କମ୍ପାନୀମାନେ ବ୍ୟାଙ୍କରୁ ଆବଶ୍ୟକ ଋଣ ଓ ଭିିତ୍ତିଭୂମି ସେମାନଙ୍କ ବ୍ୟବସାୟର ପ୍ରସାର ପାଇଁ ଲାଭ କରିବାରେ ସକ୍ଷମ ହେଲେ। ବିଏସ୍‌ଏନ୍‌ଏଲ୍‌ରେ ସ୍ଥାୟୀ କର୍ମଚାରୀଙ୍କ ସଂଖ୍ୟା ୧ ଲକ୍ଷ ୬୦ ହଜାର ଓ ଠିକା ଶ୍ରମିକଙ୍କ ସଂଖ୍ୟା ପ୍ରାୟ ତିନି ଲକ୍ଷ। ସ୍ଥାୟୀ କର୍ମଚାରୀମାନେ ୨ ମାସର ଦରମା ପାଇ ନ ଥିବା ବେଳେ ଠିକା ଶ୍ରମିକମାନେ ଆଠ ମାସ ଧରି ବକେୟା ଦରମା ପାଇନାହାନ୍ତି। ଅଧିକାଂଶ ଠିକା ଶ୍ରମିକ ଦରମା ନ ପାଇବା ସତ୍ତ୍ୱେ ଚାକିରି ଛାଡି ଯାଉନାହାନ୍ତି, କାରଣ ନିଯୁକ୍ତିର ସୁଯୋଗ ନାହିଁ। ଏହା ମଧ୍ୟରେ ସାତ ଜଣ ଠିକା ଶ୍ରମିକ ଦାରିଦ୍ର୍ୟ ଯୋଗୁ ଆମତ୍ହତ୍ୟା କରିଛନ୍ତି।
କେନ୍ଦ୍ର ସରକାର ସ୍ବେଚ୍ଛାକୃତ ଅବସର ଯୋଜନାର ଶେଷ ତାରିଖ ରଖିଥିଲେ ଡିସେମ୍ବର ୩, ୨୦୧୯। ଯେଉଁମାନଙ୍କର ବୟସ ୫୦ ବର୍ଷ ହୋଇଯାଇଛି, ସେମାନେ ସ୍ବେଚ୍ଛାକୃତ ଅବସର ଯୋଜନାରେ ଅବସର ନେବା ପାଇଁ ଆବେଦନ କରିପାରିବେ। ଶେଷ ତାରିଖ ବେଳକୁ ଦେଖାଗଲା ବିଏସ୍‌ଏନ୍‌ଏଲ୍‌ର ୮୦ ହଜାର କର୍ମଚାରୀ ସ୍ବେଚ୍ଛାକୃତ ଅବସର ପାଇଁ ଆବେଦନ କରିଛନ୍ତି। ଅର୍ଥାତ୍‌ ୮୦ ହଜାର ପଦବୀ ବିଏସ୍‌ଏନ୍‌ଏଲ୍‌ରୁ ଲୋପ ପାଇବ ଓ ମହାନଗର ଟେଲିଫୋନ ନିଗମ ଲିମିଟେଡରୁ ୧୨ ହଜାର ପଦବୀ ଲୋପ ପାଇବ। ସରକାର ନିଯୁକ୍ତି ଦେବା ପରିବର୍ତ୍ତେ ପଦବୀ ଲୋପ କରିଚାଲିଛନ୍ତି।
ବେସରକାରୀ କମ୍ପାନୀମାନେ ଋଣଗ୍ରସ୍ତ ହୋଇଛନ୍ତି। ସାତ ଲକ୍ଷ ପଚାଶ ହଜାର କୋଟି ଟଙ୍କା ଋଣ ବ୍ୟତୀତ ଆଡଜଷ୍ଟେଡ୍‌ ଗ୍ରସ୍‌ ରେଭିନିଉ (AGR) ସମ୍ପର୍କରେ ଯେଉଁ ମାମଲା ଚାଲିଥିଲା, ସେଥିରେ ସୁପ୍ରିମ୍‌କୋର୍ଟ ଗତମାସରେ ନିର୍ଦ୍ଦେଶ ଦେଇଛନ୍ତି ଯେ, ଟେଲିକମ୍‌ କମ୍ପାନୀମାନଙ୍କୁ ଟେଲିକମ୍‌ ବିଭାଗକୁ ୧ ଲକ୍ଷ ୩୦ ହଜାର କୋଟି ଟଙ୍କା ଦେବାକୁ ହେବ। ଏବେ ସେଲ୍ୟୁଲାର ଅପରେଟର ଆସୋସିଏଶନ ଅଫ୍‌ ଇଣ୍ଡିଆର ଡାଇରେକ୍ଟର ଜେନେରାଲ ରଞ୍ଜନ ମାଥ୍ୟୁ କହିଛନ୍ତି ଯେ, ଟେଲିଫୋନ୍‌ ରେଗୁଲେଟିଂ ଅଥରିଟି, ଟେଲିଫୋନ୍‌ର ମୂଳ ରେଟ ସ୍ଥିର କରୁ, ମାତ୍ର ଟେଲିକମ୍‌ ସେକ୍ରେଟାରୀ ଅଂଶୁ ପ୍ରକାଶ କହିଛନ୍ତି ଯେ, ଏପରି ସିଦ୍ଧାନ୍ତ ଏ ପର୍ଯ୍ୟନ୍ତ ଗ୍ରହଣ ହୋଇନାହିଁ।
ବଡ ବଡ ବେସରକାରୀ ଟେଲିକମ୍‌ କମ୍ପାନୀମାନେ ବ୍ୟାଙ୍କମାନଙ୍କରୁ ସାଢେ ସାତ ଲକ୍ଷ କୋଟି ଟଙ୍କା ଋଣ ନେଇ ଏବେ ପୁଣି ଲୋକଙ୍କ ଉପରୁ ଚଢା ଦରରେ ମୋବାଇଲ ଦେୟ ଆଦାୟ କରିବେ। ସେତେବେଳେ ଦେଶର ଟେଲିଫୋନ୍‌ ଗ୍ରାହକମାନଙ୍କୁ ବିଏସ୍‌ଏନ୍‌ଏଲ୍‌ ସୁଲଭ ମୂଲ୍ୟରେ ସେବା ଯୋଗାଇପାରିବ ନାହିଁ, କାରଣ ବିଏସ୍‌ଏନ୍‌ଏଲ୍‌ ହୁଏତ ଖୁବ୍‌ ରୁଗ୍‌ଣ ହୋଇଯାଇଥିବ ବା ସରକାରୀ ଭାବେ ମୃତ ବୋଲି ଘୋଷଣା କରାଯାଇଥିବ, ଯେମିତି ଏୟାର ଇଣ୍ଡିଆକୁ କରାଯାଉଛି। ବିଏସ୍‌ଏନ୍‌ଏଲ୍‌ର ଭବିଷ୍ୟତ ଗତି ତେବେ କୁଆଡକୁ?
ଆଧୁନିକ ଯୁଗରେ ମୋବାଇଲ ଫୋନର ଆବଶ୍ୟକତାକୁ କୌଣସି ବ୍ୟକ୍ତି ନୂ୍ୟନ କରି ଦେଖିପାରିବେ ନାହିଁ। କେନ୍ଦ୍ର ସରକାର ଏପରି ଯୋଜନା କରିଛନ୍ତି ଯେ, ବେସରକାରୀ ମୋବାଇଲ ସେବା ବ୍ୟତୀତ ଆଉ କିଛି ବିକଳ୍ପ ଦେଶବାସୀଙ୍କ ପାଖରେ ନ ଥିବ।
ମୋ- ୯୪୩୭୦୦୭୭୭୦, [email protected]


Enter your email to get our daily news in your inbox.

All Right Reserved By Dharitri.Com

ଭାଷାର ସୀମାନ୍ତ ନାହିଁ

ଲୋକନାଥ ପଣ୍ଡା ସା ରା ବିଶ୍ୱରେ ପ୍ରତିବର୍ଷ ଫେବୃୟାରୀ ୨୧ ତାରିଖରେ ଅନ୍ତର୍ଜାତୀୟ ମାତୃଭାଷା ଦିବସ ପାଳିତ ହୋଇଆସୁଛି। ଏହାର ମୂଳ ଉଦ୍ଦେଶ୍ୟ ବିଶ୍ୱରେ ଭାଷା...

ଏଇ ଭାରତରେ

ଅଭିନବ ପଦ୍ଧତିରେ ବର୍ଜ୍ୟର ଉପଯୋଗ କରିବାରେ ଉତ୍ତରପ୍ରଦେଶ ହରିହରପୁରର ରବି ପ୍ରସାଦଙ୍କ ପ୍ରୟାସ ବେଶ୍‌ ପ୍ରଶଂସନୀୟ। ରବିଙ୍କ ବୟସ ୩୬। ସେ କଦଳୀ ଗଛ ବର୍ଜ୍ୟରୁ...

ଏଇ ଭାରତରେ

ହାଇଡ୍ରୋପୋନିକ୍‌ ଫାର୍ମିଂ ବିଷୟରେ ପ୍ରାୟ ସମସ୍ତେ ଜାଣନ୍ତି। ଏହି ପଦ୍ଧତିରେ ବିନା ମାଟିରେ କେବଳ ପାଣିରେ ହିଁ ଚାଷ କରାଯାଉଛି। ଏବେ ବିନା ମାଟିରେ ଝୁଲନ୍ତା...

ଜୀବନକୁ ବୁଝି ନ ଥିବା ମଣିଷ

ସେ ଜଣେ କୁକୁଡ଼ାକଟାଳି। ସେଥିପାଇଁ ଜିଅନ୍ତା କୁକୁଡ଼ାର ବେକ ମୋଡ଼େ। ଛଟପଟ ହେଉଥିବା କୁକୁଡ଼ାକୁ ଗରମ ପାଣିରେ ଭରିଦିଏ। ତା’ପରେ ପର ଛେଲି ଶରୀରକୁ ଟିକିଟିକି...

ଦୂରଦର୍ଶନର କସରତ

ଦିଲ୍ଲୀକା ବାବୁ/ ଦିଲୀପ ଚେରିଏନ୍‌ ଆଜକୁ ଅନେକ ବର୍ଷ ହେଲା, ବିଶେଷତଃ ଡିଜିଟାଲ ମିଡିଆର ଆଗମନ ପରେ ସରକାରୀ ପ୍ରସାରଣ ସଂସ୍ଥା ଦୂରଦର୍ଶନ କେବଳ ଅତୀତକୁ...

ମହାମାରୀ ରୋକିବାର ବାଟ

ଜୋସେ ମାନୁଏଲ୍‌ ବାରୋସୋ ଶତାବ୍ଦୀର ସବୁଠୁ ଘାତକ କୋଭିଡ୍‌-୧୯ ମହାମାରୀ ଦୁଇ ବର୍ଷ ହେବ ସାରା ବିଶ୍ୱକୁ କଲବଲ କରୁଛି। ଏହା ଯୋଗୁ ବିଶ୍ୱ ଏକ...

ସମୟ ନାହିଁ

ଆତଙ୍କବାଦୀ କାର୍ଯ୍ୟକଳାପରେ ପିଲାଙ୍କୁ ସାମିଲ କରାଯାଉଛି। ଏହାକୁ ନେଇ ଜାତିସଂଘ ସୁରକ୍ଷା ପରିଷଦରେ ‘ଶିଶୁ ଓ ସଶସ୍ତ୍ର ସଂଘର୍ଷ’ ଶୀର୍ଷକ ଆଲୋଚନାରେ ଭାରତ ଚିନ୍ତାପ୍ରକଟ କରିଛି।...

ଏଇ ଭାରତରେ

ପେସାରେ ଜଣେ ଡାକ୍ତର, କିନ୍ତୁ ପରିବେଶ ସୁରକ୍ଷା ପାଇଁ ସଦା ବ୍ୟସ୍ତ ଡା.ପରମେଶ୍ୱର ମୁଣ୍ଡେ। ସେ ମହାରାଷ୍ଟ୍ରରେ ପର୍ଯ୍ୟଟନଭିତ୍ତିକ ପାହାଡ଼ଗୁଡ଼ିକୁ ପ୍ଲାଷ୍ଟିକ ବର୍ଜ୍ୟମୁକ୍ତ କରିବା ଲାଗି...

Advertisement
Archives

Model This Week