ବିପଦସଙ୍କୁଳ ଅବସ୍ଥାରେ ବିଦ୍ୟୁତ୍‌ ଖୁଣ୍ଟି, ତାର: ଦୁର୍ଘଟଣାକୁ ଆମନ୍ତ୍ରଣ କରୁଛି ଓ୍ବେସ୍କୋ

ରାଉରକେଲା ଅଫିସ, ୨୪।୨- ଷ୍ଟିଲ ସିଟି ସ୍ମାର୍ଟ ସିଟି ମାନ୍ୟତା ପାଇଲା। ହେଲେ ରାଉରକେଲାରେ ବିଦ୍ୟୁତ୍‌ ଯୋଗାଣ ବ୍ୟବସ୍ଥା ଯେମିତିକୁ ସେମିତି ପୁରୁଣାକାଳିଆ ଢଙ୍ଗରେ ଚାଲିଛି। ସହରର ଅଧିକାଂଶ ସ୍ଥାନରେ ଏବେ ବି ବିପଦସଙ୍କୁଳ ଅବସ୍ଥାରେ ବିଦ୍ୟୁତ୍‌ ଖୁଣ୍ଟି ଓ ତାରଗୁଡ଼ିକ ରହିଛି। ସ୍ଥାନେ ସ୍ଥାନେ ଖୁଣ୍ଟିଗୁଡ଼ିକ ଏଭଳି ଭଗ୍ନ ଅବସ୍ଥାରେ ରହିଛି ଯେ, ସାଧାରଣ ବର୍ଷା ପବନରେ ବି ଭାଙ୍ଗି ପଡ଼ିବା ଆଶଙ୍କା ରହିଛି। ଓ୍ବେସ୍କୋ ବିପଦକୁ ଆମନ୍ତ୍ରଣ କରୁଛି ବୋଲି ଲୋକେ ଅଭିଯୋଗ କରୁଛନ୍ତି।
ସ୍ମାର୍ଟ ସିଟି ମାନ୍ୟତା ପରେ ସହରର ପରିବ୍ୟାପ୍ତ ଅଞ୍ଚଳ ମଧ୍ୟରୁ ରିଙ୍ଗରୋଡ଼, ବ୍ଲକ୍‌ଅଞ୍ଚଳର କେତେକ ସ୍ଥାନ, ସେକ୍ଟର ଏବଂ ବସ୍ତି ଅଞ୍ଚଳରେ ବିଦ୍ୟୁତ୍‌ ଖୁଣ୍ଟିଗୁଡ଼ିକ ଭଙ୍ଗାଦଦରା ଅବସ୍ଥାରେ ଥିବାରୁ ଓ ତାରଗୁଡ଼ିକ ଜାଲପରି ଛନ୍ଦିହୋଇ ଓହଳି ଥିବାରୁ ଏହି ଅଞ୍ଚଳରେ ଲୋକେ ଭୟଭୀତ ଅବସ୍ଥାରେ ରହିଛନ୍ତି। ସେହିଭଳି ମଧୁସୂଦନ ନଗର, ଭବାନୀପୁର ଅଞ୍ଚଳରେ ମଧ୍ୟ ବିଦ୍ୟୁତ ଖୁଣ୍ଟଗୁଡ଼ିକର ଅବସ୍ଥା ଶୋଚନୀୟ ରହିଛି। କେବଳ ଏହିସବୁ ଅଞ୍ଚଳ ନୁହେଁ, ଅଧିକାଂଶ ସ୍ଥାନରେ ସିମେଣ୍ଟ ବିଦ୍ୟୁତ୍‌ ଖୁଣ୍ଟି ଅତି ଦୟନୀୟ ଅବସ୍ଥାରେ ଅଛି। ସେହିଭଳି ଲୁହା ବିଦ୍ୟୁତ୍‌ ଖୁଣ୍ଟର ଅବସ୍ଥା ମଧ୍ୟ ଶୋଚନୀୟ। ଏଗୁଡ଼ିକ କଦବା କେତେବେଳେ ମରାମତି କରାଯାଏ। ନଚେତ୍‌ ସେମିତି ବର୍ଷବର୍ଷ ଧରି ଭଙ୍ଗାଦଦରା ଅବସ୍ଥାରେ ରହିଛି ବୋଲି ଲୋକେ ଅଭିଯୋଗ କରିଛନ୍ତି। ସହରର ଗୋପବନ୍ଧୁପାଲି ଅଞ୍ଚଳର ବାସିନ୍ଦା ଏ ବିଷୟରେ ସ୍ଥାନୀୟ ଓ୍ବେସ୍କୋ ଅଫିସରେ ଅଭିଯୋଗ ମଧ୍ୟ କରିଛନ୍ତି। କିନ୍ତୁ ଫଳକିଛି ହୋଇନାହିଁ।
ଖାଲୁଆ ବା ତଳି ଅଞ୍ଚଳରେ ଅଧିକାଂଶ ବିଦ୍ୟୁତ୍‌ ଖୁଣ୍ଟ ମୂଳରେ ବର୍ଷା ଦିନେ ପାଣି ଜମାହୋଇ ରହେ। ଏହା ଖୁଣ୍ଟକୁ ଦୁର୍ବଳ କରେ। ଖୁଣ୍ଟମୂଳ କଳଙ୍କି ଲାଗି ଲୁହା ଗୁଣ୍ଡ ଖୁଣ୍ଟରୁ ଖସି ଦୁର୍ବଳ କରେ। ଏହି କାରଣରୁ ଅଧିକାଂଶ ସ୍ଥାନରେ ଖୁଣ୍ଟି ଅତି ଦୁର୍ବଳ ହୋଇରହିଛି। ଟିମ୍ବର କଲୋନୀର ଅଧିକାଂଶ ଅଞ୍ଚଳରେ ବିଦ୍ୟୁତ୍‌ ଖୁଣ୍ଟିଗୁଡ଼ିକ ଭଗ୍ନ ଅବସ୍ଥାରେ ପଡ଼ି ରହିଥିବା ଦେଖିବାକୁ ମିଳିଛି। ସେଠାରେ ମଧ୍ୟ ସାଧାରଣ ବର୍ଷା ହେଲେ ଲୋକେ ଭୟଭୀତ ଅବସ୍ଥାରେ ରହୁଥିବା କହିଛନ୍ତି। ଛେଣ୍ଡ କଲୋନୀ, ଡ଼େଲିମାର୍କେଟ, ଗୋପବନ୍ଧୁପାଲି ଭଳି ଅନେକ ଅଞ୍ଚଳରେ ଥିବା ଖୁଣ୍ଟିଗୁଡ଼ିକ ଆଜକୁ ୧୦ ବର୍ଷ ହେଲା ପରିବର୍ତ୍ତନ ହୋଇନାହିଁ। ଛେଣ୍ଡ ଅଞ୍ଚଳର ବାସିନ୍ଦା ପୁନୀତ ଗୋଏଲଙ୍କ ଅଭିଯୋଗ ଅନୁଯାୟୀ ସେଠାରେ ଥିବା ଖୁଣ୍ଟିଗୁଡ଼ିକ ଅତି ଦୟନୀୟ ଅବସ୍ଥାରେ ଅଛି। ଏପରିକି କେତେକ ସିମେଣ୍ଟ ଖୁଣ୍ଟିରୁ ଲୁହାତାର ଖଣ୍ଡ ବାହାରିପଡ଼ିଲାଣି। ସହରରେ ଲୋକସଂଖ୍ୟା ଦ୍ରୁତ ବଢୁଥିବାରୁ ଏହି ଦୁର୍ବଳ ଖୁଣ୍ଟିଗୁଡ଼ିକ ଭାଙ୍ଗିପଡ଼ି ବଡ଼ଧରଣର କ୍ଷତି ଘଟାଇବାର ସମ୍ଭାବନା ରହିଛି। ଓ୍ବେସ୍କୋର ଅଧିକାରୀମାନେ ବିଦ୍ୟୁତ୍‌ ଖୁଣ୍ଟି ଦୁର୍ବଳ ଅବସ୍ଥାରେ ଥିବା ଜାଣିଛନ୍ତି ବୋଲି ସ୍ବୀକାର କରିଛନ୍ତି। ତଥାପି ଏ ବିଷୟରେ କିଛି ପ୍ରତିକାର କରୁ ନ ଥିବା ଗୋଏଲ ଅଭିଯୋଗ କରିଛନ୍ତି। ଏନେଇ ଜଣେ ଓ୍ବେସ୍କୋ ଅଧିକାରୀ ନିଜ ନାମ ଗୋପନ ରଖି କହିଛନ୍ତି, ଖୁଣ୍ଟି ମିଳୁଛି। କିନ୍ତୁ ଚାହିଦା ଅଧିକ ଥିବାରୁ ସବୁ ଅଞ୍ଚଳକୁ ଯୋଗାଇ ହେଉନି। ଏହା ବ୍ୟତୀତ କର୍ମଚାରୀ କମ ରହିଛନ୍ତି। ତେଣୁ ସବୁ ସ୍ଥାନରେ ଖୁଣ୍ଟି ପରିବର୍ତ୍ତନ ହୋଇପାରୁ ନାହିଁ ବୋଲି କହିଛନ୍ତି। କେବଳ ଉପରିସ୍ଥ ଅଧିକାରୀ ନୁହେଁ, ବିଭାଗର ସେକ୍‌ସନ ଅଧିକାରୀମାନେ ନିଜ ଅଞ୍ଚଳରେ ଥିବା ବିଦ୍ୟୁତ୍‌ ସମସ୍ୟାଗୁଡ଼ିକ ଖୋଜି ବାହାର କରିବା ସହ ତାହାର ମରାମତି କରିପାରିବେ। ନୂଆଖୁଣ୍ଟିଗୁଡ଼ିକ ମଞ୍ଜୁର ହୋଇଛି। କିଛି ମାସ ମଧ୍ୟରେ ଲାଗିବ ବୋଲି ଅଧିକାରୀ କହିଛନ୍ତି। ସେହିଭଳି କେଶବ ପଣ୍ଡା ନାମକ ସାମାଜିକ କର୍ମୀ କହନ୍ତି, ବିଦ୍ୟୁତ୍‌ ତାରଗୁଡ଼ିକ ସବୁସ୍ଥାନରେ କେବୁଲ ଭିତରେ ମାଟି ତଳେ ଗଲେ ଭଲ ହେବ। ତାର ଛିଣ୍ଡିବା ଭୟ ନ ଥିବ। ମାଟିତଳେ ତ୍ରୁଟି ବାହାରିଲେ ଅତ୍ୟାଧୁନିକ ଜ୍ଞାନକୌଶଳ ପ୍ରୟୋଗ କରି ମରାମତି କରାଯାଇପାରିବ। ବ୍ରହ୍ମପୁରରେ ବିଦ୍ୟୁତ୍‌ ତାର ବସରେ ଲାଗି ଏକ ବଡ଼ ଦୁର୍ଘଟଣା ଘଟିବା ପରେ ମଧ୍ୟ ବିଭାଗର ଚେତାପଶୁ ନାହିଁ। ସତେ ଯେମିତି ଓ୍ବେସ୍କୋ ଆଉ ଏକ ବଡ଼ଦୁର୍ଘଟଣାକୁ ଅପେକ୍ଷା କରିଛି କି ବୋଲି ଲୋକଙ୍କ ମନରେ ପ୍ରଶ୍ନ ଉଠୁଛି। ଏକ ଅନୁସନ୍ଧାନରୁ ଜଣାଯାଇଛି ଯେ, ରାଉରକେଲା ସହରର ୧୩୦ଟି ବସ୍ତି ଅଞ୍ଚଳରେ ୪୫ବର୍ଷ ଧରି ବିଦ୍ୟୁତ୍‌ ତାର ମରାମତି ହୋଇନାହିଁ। ବିଭାଗ ଏଥିପ୍ରତି ତୁରନ୍ତ ଦୃଷ୍ଟି ଦେଇ ପ୍ରତିକାର କରିବାକୁ ଦାବି ହୋଇଛି।


Enter your email to get our daily news in your inbox.

All Right Reserved By Dharitri.Com

ଓଡ଼ିଶା ଛୁଇଁବ ବାତ୍ୟାର ବାହ୍ୟ ବଳୟ: ୧୪ ମିଟର ଉଚ୍ଚକୁ ଉଠିବ ସମୁଦ୍ର ଢେଉ, ୭୦ କି.ମି. ବେଗରେ…

ଭୁବନେଶ୍ୱର, ୧୭ା୧୧ (ବନ୍ଦନା ସେଠୀ) – ବଙ୍ଗୋପସାଗରରେ ଅତି ମନ୍ଥର ଗତିରେ ଘଣ୍ଟା ପ୍ରତି ୩ କି.ମି. ବେଗରେ ଆଗକୁ ବଢ଼ୁଛି ବାତ୍ୟା ‘ଅକ୍ୱାନ’। ବୁଧବାର ଏହା…

ଢାବା ପଛପଟେ ଚାଲିଥିଲା ଜୁଆ କାରବାର: ଅତାବିରା ପୋଲିସର ଅଚାନକ ଚଢ଼ାଉରେ ୨୮ ହଜାରରୁ ଅଧିକ ଟଙ୍କା ଜବତ

ଅତାବିରା/ଗୋଡଭଗା,୧୭।୧୧(ଯୁଧିଷ୍ଠିର ମହାପାତ୍ର/ସୁରେଶ ଦାଶ))- ବରଗଡ଼ ଜିଲା ଅତାବିରା ଥାନା ଅନ୍ତର୍ଗତ ଗୋଡ଼ଭଗା ନିକଟ ଏକ ଢାବା ପଛପଟେ ରୁଟିନ୍ ବାହାରେ ଚାଲିଥିବା ଏକ ଜୁଆ ଆଡ୍ଡା ଉପରେ…

୨୫ ବର୍ଷ ପରେ କରିନା-ହ୍ରିତିକଙ୍କ କମବ୍ୟାକ୍! କରଣ ଜୋହରଙ୍କ ଭିଡ଼ିଓ ପରେ…

ମୁମ୍ବାଇ: ବଲିଉଡରେ ବିଶିଷ୍ଟ ନିର୍ଦ୍ଦେଶକ କରଣ ଜୋହର ଏପରି ଅନେକ ଯୋଡ଼ିକୁ ପରଦାକୁ ଆଣିଛନ୍ତି, ଯେଉଁମାନେ ଆଜି ମଧ୍ୟ ଦର୍ଶକଙ୍କର ଅତି ପ୍ରିୟ। ଏହିପରି ଏକ ଯୋଡ଼ି…

ପୂରଣ ହେଲା ଦୀର୍ଘ ବର୍ଷର ସ୍ୱପ୍ନ: ଗୁଡ଼ାରି ତହସିଲ ଝିଗିଡ଼ିବାଟା ଗ୍ରାମର ୨୦ ପରିବାରକୁ ମିଳିଲା…

ଗୁଡ଼ାରି, ୧୭।୧୧(ପ୍ରମୋଦ କୁମାର ପତି): ରାୟଗଡ଼ା ଜିଲା ଗୁଡ଼ାରି ତହସିଲ ଅନ୍ତର୍ଗତ ଢେପାଗୁଡ଼ା ରାଜସ୍ୱ ଅଞ୍ଚଳର ଝିଗିଡ଼ିବାଟା ଗ୍ରାମର ୨୦ଟି ପରିବାରକୁ ସ୍ଥାୟୀ ଘରବାରି ପଟ୍ଟା ପ୍ରଦାନ…

ଭାତ ଗାଳୁଥିଲେ ମା’, ଗରମ ପେଜରେ ପଡ଼ି ୨ ବର୍ଷୀୟା ଶିଶୁକନ୍ୟା ଗୁରୁତର; ଶରୀରର…

ପାଟଣା, ୧୭।୧୧(ବୀର କିଶୋର ଦାଶ): ଗରମ ପେଜରେ ପଡ଼ି ଜଣେ ଦୁଇ ବର୍ଷର ଶିଶୁକନ୍ୟା ଗୁରୁତର ଭାବେ ପୋଡ଼ିଯାଇ ଆହତ ହୋଇଛନ୍ତି। ଏହି ଅଘଟଣରେ ଶିଶୁକନ୍ୟାଙ୍କ ଶରୀରର…

ସ୍କୁଲ ଯାଇ ନିଖୋଜ ଥିଲେ ୧୦ମ ଶ୍ରେଣୀ ଛାତ୍ରୀ, ଯାତ୍ରୀବାହୀ ବସ୍‌ରୁ ଉଦ୍ଧାର; ୨ ଅଭିଯୁକ୍ତ ଜେଲ…

ଦିଗପହଣ୍ଡି, ୧୭।୧୧(ଅଶେଷ ନାଥ ମିଶ୍ର): ଗଞ୍ଜାମ ଜିଲା ଦିଗପହଣ୍ଡି ବ୍ଲକ ଅଧୀନ ଏକ ଗ୍ରାମର ୧୦ମ ଶ୍ରେଣୀ ଛାତ୍ରୀଙ୍କୁ ଅପହରଣ ଓ ବଳାତ୍କାର ଅଭିଯୋଗରେ ଗିରଫ ହୋଇଥିବା…

ଚୋରା ମଦ ମାଫିଆଙ୍କ ଉପରେ ବଡ଼ କାର୍ଯ୍ୟାନୁଷ୍ଠାନ: ଦିଗପହଣ୍ଡି ସୀମାନ୍ତ ଜଙ୍ଗଲରୁ ୫୨୦ ଲିଟର ଦେଶୀ ମଦ ଜବତ, ୨ ମାମଲା ରୁଜୁ

ଦିଗପହଣ୍ଡି,୧୭।୧୧(ଅଶେଷ ନାଥ ମିଶ୍ର): ଗଞ୍ଜାମ ଓ ଗଜପତି ଜିଲା ସୀମାନ୍ତବର୍ତ୍ତୀ ଦୁର୍ଗମ ଜଙ୍ଗଲ ଅଞ୍ଚଳରେ ବେଆଇନ ଦେଶୀ ମଦ କାରବାର ବିରୋଧରେ ଅବକାରୀ ବିଭାଗ ଓ ପୋଲିସ…

ସମାଜରୁ କୁଷ୍ଠ ରୋଗ ସମ୍ପର୍କିତ ବାଛବିଚାର ଦୂର କରିବା ଲକ୍ଷ୍ୟ: ଉଦଯାପିତ ହେଲା ‘କୁଷ୍ଠମୁକ୍ତ ଦାରିଙ୍ଗବାଡ଼ି ଅଭିଯାନ’, କୃତୀ ଛାତ୍ରଛାତ୍ରୀ…

ଦାରିଙ୍ଗବାଡ଼ି, ୧୭।୧୧ (ଅରୁଣ ସାହୁ): କନ୍ଧମାଳ ଜିଲା ଦାରିଙ୍ଗବାଡ଼ି ବ୍ଲକ ଅଞ୍ଚଳରେ ଦାରିଙ୍ଗବାଡ଼ି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ପକ୍ଷରୁ ଆୟୋଜିତ ‘କୁଷ୍ଠମୁକ୍ତ ଦାରିଙ୍ଗବାଡ଼ି ଅଭିଯାନ’ ମଙ୍ଗଳବାର ଉଦଯାପିତ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?