ମେହସାଣା,୨୫।୭: ଏବେ ଭିଡିଓ କରି ସୋସିଆଲ ମିଡିଆରେ ଅପଲୋଡ କରିବାର ଟ୍ରେଣ୍ଡ ଚାଲିଛି। ସେମିତି ଜଣେ ମହିଳା ପୋଲିସ ବିନା ୟୁନିଫର୍ମରେ ପୋଲିସ ଷ୍ଟେଶନ ଭିତରେ ଡ୍ୟାନ୍ସ କରିବାର ଭିଡିଓ ଏବେ ଭାଇରାଲ ହୋଇଛି। ଘଟଣାଟି ଘଟିଛି ଗୁଜରାଟର ମେହସାଣା ଜିଲା ଲଂଗନାଜ ପୋଲିସ ଷ୍ଟେଶନରେ। ଅର୍ପିତା ଚୌଧୁରି ନାମକ ଉକ୍ତ ମହିଳା ପୋଲିସ ଜଣଙ୍କ ହାଜତ ସାମ୍ନାରେ ଡ୍ୟାନ୍ସ କରୁଥିବା ବେଳେ ଏହାର ଭିଡିଓ ତିଆରି କରି ସୋସିଆଲ ମିଡିଆରେ ଅପଲୋଡ କରିଥିଲେ। ଏହି ଭିଡିଓ ଭାଇରାଲ ହେବା ପରେ ତୁରନ୍ତ ଏହା ଉପରେ କାର୍ଯ୍ୟାନୁଷ୍ଠନ ସ୍ବରୂପ ତାଙ୍କୁ ନିଲମ୍ବନ କରାଯାଇଥିବା ସୂଚନା ମିଳିଛି। ତେବେ ନିୟମ ଭଙ୍ଗ କରିଥିବା ଅଭିଯୋଗରେ ତାଙ୍କୁ ନିଲମ୍ବନ କରାଯାଇଛି। ସୂଚନାଯୋଗ୍ୟ, ଏହା ଏକ ଟିକ୍ଟକ୍ ଭିଡିଓ ହୋଇଥିବା ବେଳେ ପୂର୍ବରୁ ମଧ୍ୟ କିଛି ସରକାରୀ କର୍ମଚାରୀ ଏମିତି ଟିକ୍ଟକ୍ ଭିଡିଓ କରି ଆସିଥିଲେ ଚର୍ଚ୍ଚାକୁ।
