ବାଇଜୁସ୍‌ର ରବିନ୍ଦ୍ରନ ଦେଶର ନୂଆ କୋଟିପତି;ଟ୍ୟୁସନରୁ ମିଳିଥିଲା ଆପ୍‌ ତିଆରି ଆଇଡିଆ
8:01 amJuly 30, 2019 / 21

ନୂଆଦିଲ୍ଲୀ,୩୦-୭: ଏକଦା ଟ୍ୟୁସନ ପଢ଼ାଉଥିବା ବାଇଜୁ ରବିନ୍ଦ୍ରନ ଆଜି ଭାରତର ନୂଆ କୋଟିପତି ଭାବେ ପରିଗଣିତ ହେଉଛନ୍ତି। ଗତ ୮ ବର୍ଷ ଭିତରେ ତାଙ୍କ ସମ୍ପତ୍ତି ପରିମାଣ ୪୨ ହଜାର କୋଟି ଟଙ୍କା( ୬ ବିଲିୟନ ଡଲାର)ରେ ପହଞ୍ଚତ୍ୟାଇଛି। ତାଙ୍କ କମ୍ପାନୀ ଥିଙ୍କ ଆଣ୍ଡ ଲର୍ନ ପ୍ରାଇଭେଟ ଲିମିଟେଡ ଚଳିତ ମାସରେ ୧୫୦ ମିଲିୟନ ଡଲାର ନିବେଶ ସଂଗ୍ରହ ପରେ ରବିନ୍ଦ୍ରନ କୋଟିପତି କ୍ଲବ୍‌ରେ ସାମିଲ ହୋଇଛନ୍ତି। କମ୍ପାନୀର ନୂଆ ବାଇଜୁସ୍‌ ଆପ୍‌ ଓ୍ବାଲ୍ଟ ଡିଜ୍‌ନୀ ସହିତ ୨୦୨୦ ପର୍ଯ୍ୟନ୍ତ ଡିଲ୍‌ କରିଛି। ଟ୍ୟୁସନ ପଢ଼ାଇବାରୁ ରବିନ୍ଦ୍ରନଙ୍କୁ ଆପ୍‌ ତିଆରି ଆଇଡିଆ ମିିଳିଥିଲା। ଏହା ପଛରେ ତାଙ୍କର ପୂର୍ବତନ ଛାତ୍ରୀଛାତ୍ର ଥିଲେ, ଯେଉଁମାନଙ୍କୁ ସେ ଆରମ୍ଭରେ ପାଠ ପଢ଼ାଉଥିଲେ। ଆରମ୍ଭରେ ସେ ୮ ଜଣଙ୍କୁ ନେଇ ଏକ ଟିମ୍‌ ଗଠନ କରି ବାଇଜୁସ୍‌ ଆପ୍‌ ତିଆରିରେ ଲାଗିପଡିଥିଲେ। ଏସିଆର ସବୁଠାରୁ ମୂଲ୍ୟବାନ ଟେକ୍‌ କମ୍ପାନୀ ଟେନସେଣ୍ଟ ଗତ ବର୍ଷ ଜୁଲାଇରେ ବାଇଜୁସ୍‌ର ମୋଟ ସମ୍ପତ୍ତି ପରିମାଣ ୨୬ ହଜାର କୋଟି ଟଙ୍କା ହେବ ବୋଲି ଆକଳନ କରିଥିଲା। ବର୍ତ୍ତମାନ ଏହାର ମୂଲ୍ୟ ବହୁ ଅଧିକ ହେବ। ଇଞ୍ଜିନିୟର ହେବା କାରଣରୁ ବାଇଜୁଙ୍କର ଗଣିତ ପ୍ରତି ଅଧିକ ଆକର୍ଷଣ ଥିଲା। ଏହାହିଁ ତାଙ୍କୁ ଛାତ୍ରୀଛାତ୍ରଙ୍କ ମଧ୍ୟରେ ଅଧିକ ଲୋକପ୍ରିୟ କରିଥିଲା। ମାର୍କେଟିଂ ବ୍ୟାପାରରେ ଦକ୍ଷତା ଥିବା ଭାଇସ୍‌ ପ୍ରେସିଡେଣ୍ଟ ଅର୍ଜୁନ ମୋହନଙ୍କ ଭଳି ତାଙ୍କର ପୂର୍ବତନ ଛାତ୍ର ଆଇଆଇଏମ୍‌ ଛାଡ଼ି ତାଙ୍କର ଷ୍ଟାର୍ଟଅପ୍‌ରେ ଯୋଗ ଦେଇଥିଲେ। ତାଙ୍କ ପନତ୍ୀ ତଥା କମ୍ପାନୀର ଡାଇରେକ୍ଟର ଦିବ୍ୟା ଗୋପୀନାଥ ମଧ୍ୟ ଗଣିତ ଓ ବାୟୋଲୋଜିରେ ପାରଙ୍ଗମ। ବାୟଜୁ ତାଙ୍କର ଅନ୍‌ଲାଇନ କୋଚିଂ କମ୍ପାନୀ ଜରିଆରେ ବାର୍ଷିକ ପ୍ରାୟ ୨୬୦ କୋଟି ଟଙ୍କା ଆୟ କରନ୍ତି।