ବର୍ଷାମାଡ଼ ଖାଉଛନ୍ତି ରୋଗୀ

ବ୍ରହ୍ମପୁର ଅଫିସ୍‌,୪ା୯-ଦକ୍ଷିଣ ଓଡ଼ିଶାର ଏକମାତ୍ର ରେଫରାଲ୍‌ ହସ୍‌ପିଟାଲ୍‌ ତଥା ମହାରାଜା କୃଷ୍ଣଚନ୍ଦ୍ର ଗଜପତି (ଏମ୍‌କେସିଜି) ଭେଷଜ ମହାବିଦ୍ୟାଳୟ ଏବଂ ଚିକିତ୍ସାଳୟରେ ରୋଗୀସେବା ଦିନକୁ ଦିନ ନିମ୍ନଗାମୀ ହେବାରେ ଲାଗିଛି। ଦୂରଦୂରାନ୍ତରରୁ ଆସୁଥିବା ରୋଗୀମାନେ ଉପଯୁକ୍ତ ସ୍ବାସ୍ଥ୍ୟସେବା ପାଇପାରୁ ନାହାନ୍ତି। କେବଳ କୋଠା ନିର୍ମାଣ ପାଇଁ ବହୁ କୋଟି ଟଙ୍କା ଖର୍ଚ୍ଚ କରାଯାଉଥିଲେ ମଧ୍ୟ ରୋଗୀଙ୍କୁ ଉପଯୁକ୍ତ ଚିକିତ୍ସା ସୁବିଧା ମିଳିପାରୁନାହିଁ। ଏହାର ଏକ ଉଦାହରଣ ମଙ୍ଗଳବାର ଦେଖିବାକୁ ମିଳିଥିଲା। ବର୍ଷା ସତ୍ତ୍ୱେ ରୋଗୀମାନଙ୍କୁ ଷ୍ଟ୍ରେଚର୍‌ରେ ଗୋଟିଏ ସ୍ଥାନରୁ ଆଉ ଏକ ସ୍ଥାନକୁ ନିଆଯାଉଥିଲା। ରୋଗୀଙ୍କୁ ବର୍ଷାରୁ ରକ୍ଷା କରିବା ପାଇଁ ସମ୍ପର୍କୀୟମାନେ ଛତା ଧରିଥିବା ଦେଖାଦେଇଥିଲା। ଗୁରୁତର ରୋଗୀଙ୍କ ଦେହରେ ବର୍ଷା ପାଣି ପଡ଼ିଲେ ସଂକ୍ରମଣ ହେବାର ଆଶଙ୍କା ରହିଛି। ତଥାପି ଅନ୍ୟ ବ୍ୟବସ୍ଥା ନ ଥିବା ଯୋଗୁ ବର୍ଷା ସତ୍ତ୍ୱେ ଷ୍ଟ୍ରେଚର୍‌ରେ ରୋଗୀଙ୍କୁ ବୁହାଯାଇଥିଲା। ସେହିଭଳି ବିଭିନ୍ନ ଆଘାତ ଯୋଗୁ ଯେଉଁ ରୋଗୀଙ୍କୁ ଡ୍ରେସିଂ କରାଯାଇ ପଟି ବନ୍ଧା ଯାଇଥିଲା, ସେମାନେ ମଧ୍ୟ ବର୍ଷାରେ ଓଦା ହେଉଥିଲେ। ଫଳରେ ଡ୍ରେସିଂ ଓଦା ହୋଇଯାଇଥିଲା। ଏହାକୁ ନେଇ ରୋଗୀ ସମ୍ପର୍କୀୟଙ୍କ ମଧ୍ୟରେ ଅସନ୍ତୋଷ ଦେଖିବାକୁ ମିଳିଥିଲା। ଏମ୍‌କେସିଜିରେ ରୋଗୀଙ୍କୁ ଉପଯୁକ୍ତ ଚିକିତ୍ସା ସୁବିଧା ଯୋଗାଇ ଦିଆଯାଉଥିବା ସରକାର ପ୍ରଚାର କରୁଥିବା ବେଳେ ଏହା ହିଁ ତାର ବାସ୍ତବ ଚିତ୍ର ବୋଲି ସମ୍ପର୍କୀୟମାନେ ପ୍ରକାଶ କରିଥିଲେ। ଲୋକଙ୍କୁ ସ୍ବାସ୍ଥ୍ୟ ସେବା ଯୋଗାଇବାରେ ରାଜ୍ୟ ସରକାରଙ୍କ ସଫଳତା ପ୍ରଚାର କରିବା ପାଇଁ ଦୁଇଟି ବଡ଼ ବଡ଼ ଏଲ୍‌ଇଡି ଡିସ୍‌ପ୍ଲେ ଲଗାଯାଇଛି। ଦିନ ତମାମ୍‌ ସେଥିରେ ସରକାରଙ୍କ ସ୍ବାସ୍ଥ୍ୟ ବିଭାଗକୁ ପ୍ରଶଂସା କରାଯାଉଛି। ଅଥଚ ରୋଗୀଙ୍କୁ ନେବା ଆଣିବା କରିବା ପାଇଁ ସରକାର ବ୍ୟାଟେରି ଗାଡ଼ି ଯୋଗାଇ ଦେବାରେ ବିଫଳ ହେବା ନିନ୍ଦନୀୟ ବୋଲି ରୋଗୀ ସମ୍ପର୍କୀୟମାନେ କହିଛନ୍ତି।
ଏଭଳି ଅବ୍ୟବସ୍ଥା କେବଳ ଗୋଟିଏ ଦିନର ନୁହେଁ, ଅନେକ ବର୍ଷ ହେଲା ରୋଗୀଙ୍କୁ ଖୋଲା ଷ୍ଟ୍ରେଚର୍‌ରେ ନେବା ଆଣିବା କରାଯାଉଛି। କେବେ ଟାଣ ଖରାରେ ତ ପୁଣି ଆଉ କେବେ ବର୍ଷାରେ। ଏମ୍‌କେସିଜି ପରିସରରେ ଅନେକ ବଡ଼ ବଡ଼ କୋଠାରେ ବିଭିନ୍ନ ବିଭାଗ ରହିଛି। କିନ୍ତୁ ରୋଗୀଙ୍କ ଏକ୍ସ-ରେ, ଏମ୍‌ଆର୍‌ଆଇ, ଅଲ୍‌ଟ୍ରାସାଉଣ୍ଡ, ସିଟି ସ୍କାନ କରିବାକୁ ରଞ୍ଜନରଶ୍ମି କୋଠାକୁ ନେବାକୁ ପଡ଼ୁଛି, ଯାହା ପ୍ରାୟ ୩ଶହ ମିଟର ଦୂରରେ ରହିଛି। ସେହିଭଳି ଅନ୍ୟାନ୍ୟ ପରୀକ୍ଷା ପାଇଁ ମଧ୍ୟ ଆବଶ୍ୟକ ସ୍ଥାନକୁ ସ୍ଥାନାନ୍ତର କରାଯାଏ। ଅପରପକ୍ଷେ ଅଧିକାଂଶ ସମୟରେ ଆଶୁ ଚିକିତ୍ସା ବିଭାଗରୁ ୱାର୍ଡ଼କୁ ନେବାକୁ ମଧ୍ୟ ପଡ଼ିଥାଏ। ରୋଗୀଙ୍କୁ ନେବାଆଣିବା କରିବା ପାଇଁ ହ୍ବିଲ୍‌ଚେୟାର୍‌ ଏବଂ ଷ୍ଟ୍ରେଚର୍‌ ବ୍ୟବସ୍ଥା ରହିଛି। କିନ୍ତୁ ବ୍ୟାଟେରି ଚାଳିତ ଗାଡ଼ି ବ୍ୟବସ୍ଥା ନାହିଁ। କଟକ ବଡ଼ ମେଡ଼ିକାଲ୍‌ ସହ ରାଜ୍ୟର ଅନ୍ୟାନ୍ୟ ମେଡ଼ିକାଲ୍‌ଗୁଡ଼ିକରେ ବ୍ୟାଟେରି ଚାଳିତ ଗାଡ଼ିରେ ରୋଗୀଙ୍କୁ ନେବାଆଣିବା କରାଯାଉଛି। ରାଜ୍ୟ ସରକାରଙ୍କ ଇଚ୍ଛା ଶକ୍ତିର ଅଭାବ ଯୋଗୁ ବ୍ରହ୍ମପୁର ଏମ୍‌କେସିଜିର ରୋଗୀମାନେ ଏହି ସୁବିଧାରୁ ବଞ୍ଚିତ ହେଉଛନ୍ତି। ପୂର୍ବରୁ ବିଭିନ୍ନ ବୈଠକରେ ଏ ସମ୍ପର୍କରେ ଆଲୋଚନା ହୋଇଥିଲେ ମଧ୍ୟ ତାହା ଫଳପ୍ରଦ ହୋଇପାରି ନାହିଁ।
ଏନେଇ ଅଧ୍ୟକ୍ଷ ଡା. ଚରଣ ପଣ୍ଡାଙ୍କ ସହ ଯୋଗାଯୋଗ କରାଯାଇଥିଲା। ତାଙ୍କ କହିବାନୁଯାୟୀ, ବ୍ୟାଟେରି ଚାଳିତ ଗାଡ଼ି ବ୍ୟବସ୍ଥା କରିବା ପାଇଁ ଯୋଜନା ରହିଛି। ଖୁବ୍‌ ଶୀଘ୍ର ସ୍ବାସ୍ଥ୍ୟ ବିକାଶ ସମିତିର ବୈଠକ ବସିବ। ସେଥିରେ ଏମ୍‌ପି ଏବଂ ବିଧାୟକ ଯୋଗଦେବାକୁ ଥିବା ଯୋଗୁ ତାଙ୍କୁ ପାଣ୍ଠି ଦେବାକୁ ପ୍ରସ୍ତାବ ଦିଆଯିବ। ନଚେତ୍‌ ଦକ୍ଷିଣାଞ୍ଚଳ ରାଜସ୍ବ କମିଶନରଙ୍କ ଜରିଆରେ ରାଜ୍ୟ ସରକାରଙ୍କ ଦୃଷ୍ଟି ଆକର୍ଷଣ କରାଯିବ। ଆସନ୍ତା ମାସେ କି ଦୁଇ ମାସ ମଧ୍ୟରେ ବ୍ୟାଟେରିଚାଳିତ ଗାଡ଼ି ବ୍ୟବସ୍ଥା କରାଯିବ ବୋଲି ସେ ପ୍ରକାଶ କରିଛନ୍ତି।


Enter your email to get our daily news in your inbox.

All Right Reserved By Dharitri.Com

ବାବା ଆଖଣ୍ଡଳମଣିଙ୍କୁ ଧନୁମୁଆଁ ସମର୍ପଣ

ଆରଡ଼ି,୧୬।୧୨(ଡି.ଏନ୍‌.ଏ.): ଭଦ୍ରକ ଜିଲାର ପ୍ରସିଦ୍ଧ ଶୈବପୀଠ ଆରଡ଼ିରେ ଧନୁସଂକ୍ରାନ୍ତି ଉପଲକ୍ଷେ ବାବା ଆଖଣ୍ଡଳମଣିଙ୍କୁ ଧନୁମୁଆଁ ସମର୍ପଣ କରାଯାଇଛି ା ସୋମବାର ଭୋର ୪.୩୦ରେ ମନ୍ଦିରରେ ପହୁଡ଼...

ଏନ୍‌ଟିପିସିରେ ଘୋର କୋଇଲା ସଙ୍କଟ

ତାଳଚେର, ୩୦ା୭ (ନି.ପ୍ର.) ଅନୁଗୋଳ ଜିଲା କଣିହାଁ ସ୍ଥିତ ମହାରତ୍ନ କମ୍ପାନୀ ଏନ୍‌ଟିପିସି ବିଦ୍ୟୁତ୍‌ ପ୍ରକଳ୍ପରେ ଘୋର କୋଇଲା ସଙ୍କଟ ଦେଖାଦେଇଛି। ଭରତପୁର କୋଇଲା ଖଣିଠାରେ...

ଟିକ୍‌ଟକ୍‌ରେ ଶ୍ରୀମନ୍ଦିର ଭିତର ବେଢ଼ାର ଦୃଶ୍ୟ ଭାଇରାଲ

ପୁରୀ ଅଫିସ, ୨୮।୧୦: ଶ୍ରୀମନ୍ଦିର ଭିତର ବେଢ଼ାର ଦୃଶ୍ୟ ପୁଣି ଭାଇରାଲ ହୋଇଛି। ଟିକ୍‌ଟକ୍‌ରେ ଦୁଇଟି ଭିଡିଓକୁ କେହି ସେୟାର କରିବା ପରେ ଏହା ଏବେ...

ଗଦ୍‌ଗଦା ଜଳପ୍ରପାତ

ପାହାଡ଼ ପର୍ବତ ଘେରା ରାୟଗଡ଼ା ଜିଲାରେ ପ୍ରାକୃତିକ ସୌନ୍ଦର୍ଯ୍ୟ ତଥା ଝରଣା ଓ ଜଳପ୍ରପାତର ଅଭାବ ନାହିଁ। ହେଲେ ଏଥିମଧ୍ୟରୁ କେତୋଟି ଜିଲା ତଥା ରାଜ୍ୟ...

ଗଜପତି ଗସ୍ତରେ ମୁଖ୍ୟମନ୍ତ୍ରୀ: ବାଣ୍ଟିଲେ ବିଜୁ ସ୍ବାସ୍ଥ୍ୟ କଲ୍ୟାଣ ସ୍ମାର୍ଟ କାର୍ଡ

ଗଜପତି,୪ା୧୦(ଡି.ଏନ୍‌.ଏ.): ଆଜି ଗଜପତି ଗସ୍ତରେ ଯାଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ସେଠାରେ ବିଜୁ ସ୍ବାସ୍ଥ୍ୟ କଲ୍ୟାଣ ସ୍ମାର୍ଟ କାର୍ଡ ବାଣ୍ଟିଛନ୍ତି। ଗଜପତିର ୧ ଲକ୍ଷ ୩୭...

ଯୌତୁକ ଜନିତ ବଧୂହତ୍ୟା ମାମଲା: ଧରମ ମା’, ପୁଅଙ୍କୁ ଆଜୀବନ କାରାଦଣ୍ଡାଦେଶ

କୁଜଙ୍ଗ,୫ା୩(ଡି.ଏନ.ଏ.): ଏକ ଯୌତୁକଜନିତ ବଧୂହତ୍ୟା ମାମଲାର ବୁଧବାର ରାୟ ପ୍ରକାଶ ପାଇଛି। କୁଜଙ୍ଗ ଅତିରିକ୍ତ ଜିଲା ଓ ଦୌରାଜଜ ପ୍ରଣବ କୁମାର ରାଉତରାୟ ମାମଲାର ବିଚାର...

ଅମ୍ଫନ ପରବର୍ତ୍ତୀ କ୍ଷୟକ୍ଷତି ଅନୁଧ୍ୟାନ କଲେ କେନ୍ଦ୍ରୀୟ ଟିମ୍‌

ବାଲିଆପାଳ,୪।୬ (ସ୍ବ.ପ୍ର)- ମହାବାତ୍ୟା ଅମ୍ଫନର ପ୍ରଭାବରେ ଉପକୂଳବର୍ତ୍ତୀ ଜିଲା ସମେତ ବାଲେଶ୍ୱର ଜିଲାର ଭୋଗରାଇ ଓ ବାଲିଆପାଳ ଅଧିକ କ୍ଷତିଗ୍ରସ୍ତ ହୋଇଛି। ଏ ନେଇ ବ୍ଲକ...

ଡିକି ଭାଙ୍ଗି ଲକ୍ଷେ ଟଙ୍କା ଲୁଟ୍‌

ନୀଳଗିର/ସଜନାଗଡ, ୨।୮(ଡି.ଏନ.ଏ.)-ନୀଳଗିରି ସହର ଉପକଣ୍ଠ ରବୀନ୍ଦ୍ର ପରିଡ଼ାଙ୍କ ଘର ସମ୍ମୁଖରୁ ଶୁକ୍ରବାର ଅଜଣା ଦୁର୍ବୃତ୍ତ ସ୍କୁଟି ଡିକି ଭାଙ୍ଗି ଲକ୍ଷେ ଟଙ୍କା ଲୁଟି ନେଇଥିବା ଅଭିଯୋଗ...

Advertisement


Archives

Model This Week