ସାରାଦେଶରେ ଜାରି ରହିଛି ଲକଡାଉନ। ସାଧାରଣ ଲୋକଙ୍କ ପରି ବଲିଉଡ କଳାକାରମାନେ ମଧ୍ୟ ଲକଡାଉନରେ ଘରେ ରହି ସମୟ ବିତାଉଛନ୍ତି। ଏହି ସମୟରେ ଅଧିକାଂଶ କଳାକାର ସୋସିଆଲ ମିଡିଆରେ ଆକ୍ଟିଭ ରହୁଥିବାବେଳେ ନିଜ ଫଟୋ ଓ ଭିଡିଓ ପୋଷ୍ଟ କରି ପ୍ରଶଂସକଙ୍କୁ ନିଜ ବିଷୟରେ ସୂଚନା ଦେଉଛନ୍ତି। ଏଥିରୁ ବାଦ ପଡ଼ିନାହାନ୍ତି ଅଭିନେତା ହ୍ରିତିକ ରୋଶନ। ସେ ଲକଡାଉନର ସଦୁପଯୋଗ କରୁଛନ୍ତି। ନିଜ ଫିଟନେସ ପାଇଁ ସେ ୨୩ ଘଣ୍ଟା କିଛି ନ ଖାଇ ପିଇ ଉପବାସରେ ରହୁଛନ୍ତି। ଏ ନେଇ ହ୍ରିତକ ଇନ୍ଷ୍ଟାଗ୍ରାମରେ ଏକ ଫଟୋ ପୋଷ୍ଟ କରି ସୂଚନା ଦେଇଛନ୍ତି।
