ଲଇକେରା, ୧୪ା୯ (ଡି.ଏନ୍.ଏ.):
ଝାରସୁଗୁଡ଼ା ଜିଲା ପୂର୍ତ୍ତ ବିଭାଗର ନିର୍ଦ୍ଦେଶ କ୍ରମେ ଶୁକ୍ରବାର ଲଇକେରା ପୂର୍ତ୍ତ ବିଭାଗ ତରଫରୁ ଏକ ପ୍ଲାଷ୍ଟିକ୍ ବର୍ଜନ ସଚେତନତା କାର୍ଯ୍ୟକ୍ରମ ସହକାରୀ ଯନ୍ତ୍ରୀ ବିଶ୍ୱନାଥ ସାହୁଙ୍କ ନେତୃତ୍ୱରେ ଅନୁଷ୍ଠିତ ହୋଇଯାଇଛି। ଏହି ଅବସରରେ ସହକାରୀ ଯନ୍ତ୍ରୀ ସମେତ ଅଫିସ୍ର ସମସ୍ତ କର୍ମଚାରୀ ମୁଖ୍ୟାଳୟର ବିଭିନ୍ନ ଛକରେ ରହି ଲୋକଙ୍କୁ ପ୍ଲାଷ୍ଟିକ୍ ବ୍ୟବହାର ବନ୍ଦ କରିବାକୁ ବୁଝାଇବା ସହିତ ପରିବେଶକୁ ସଫା ରଖିବାକୁ ପ୍ରବର୍ତ୍ତାଇଥିଲେ। ଅନ୍ୟପଟେ ବିଭାଗ ତରଫରୁ ଏକ ଡଷ୍ଟବିନ୍ ରଖି ସମସ୍ତ ପ୍ଲାଷ୍ଟିକ୍ ଜାତୀୟ ଆବର୍ଜନାକୁ ଏଣେତେଣେ ନ ଫୋପାଡ଼ି ପରିବେଶକୁ ସ୍ବଚ୍ଛ ରଖିବାକୁ ଅନୁରୋଧ କରିଥିଲେ ା
