ନୂଆଦିଲ୍ଲୀ,୨୩।୪: ସମ୍ପ୍ରତି ଦେଶରେ ନିଯୁକ୍ତି ସୁଯୋଗ କ୍ଷେତ୍ରରେ ଅଭିବୃଦ୍ଧି ହାର ନୈରାଶ୍ୟ ଜନକ ରହିଛି। ପ୍ରତି ମାସରେ ୨୬ ପ୍ରତିଶତ ନିଯୁକ୍ତି ସୁଯୋଗ ହ୍ରାସ ପାଇବାରେ ଲାଗିଛି। କେନ୍ଦ୍ର ସରକାରଙ୍କ ବିଭିନ୍ନ ଯୋଜନା ସତ୍ତ୍ୱେ ସଂଗଠିତ କ୍ଷେତ୍ରରେ ଆଶାଜନକ ଫଳାଫଳ ମିଳୁ ପାରୁନାହିଁ। କର୍ମଚାରୀ ଭବିଷ୍ୟନିଧି ସଂଗଠନର ରିପୋର୍ଟ ଅନୁସାରେ ୨୦୧୮ ଅକ୍ଟୋବରଠାରୁ ଦେଶର ନିଯୁକ୍ତି କ୍ଷେତ୍ରର ସ୍ଥିତି ଖରାପ ରହିଛି। ଗତ ନଭେମ୍ବରରେ ଏକ ହଜାର ୨ ଶହ ୬୨ ନୂତନ ନିଯୁକ୍ତି ସୁଯୋଗ ସୃଷ୍ଟି ହୋଇପାରିଥିଲା। ତେବେ ୨୦୧୭ ଏବଂ ୨୦୧୬ରେ ନିଯୁକ୍ତି ସୁଯୋଗ ବୃଦ୍ଧି ହାର ବେଶ୍ ଆଶାଜନକ ଥିଲା ବୋଲି ଏହି ରିପୋର୍ଟରେ ଦର୍ଶାଯାଇଛି।
