ସୁରତ,୬।୧୦:ଦକ୍ଷିଣ ଆଫ୍ରିକା ବିପକ୍ଷରେ ଖେଳାଯାଉଥିବା ୬ ମ୍ୟାଚ୍ ବିଶିଷ୍ଟ ଟି-୨୦ ସିରିଜ୍ର ଶେଷ ମ୍ୟାଚରେ ଭାରତୀୟ ମହିଳା ଦଳର ଅଧିନାୟକ ହରମନପ୍ରୀତ କୌର ଇତିହାସ ରଚିଛନ୍ତି। ସୁରତରେ ଖେଳାଯାଉଥିବା ଏହି ମ୍ୟାନ୍ଟି ହରମନପ୍ରୀତଙ୍କ ୧୦୦ତମ ଟି-୨୦ ମ୍ୟାଚ୍ ଥିଲା। ଟି-୨୦ରେ ୧୦୦ ମ୍ୟାଚ୍ ଖେଳିବାରେ ସେ ପ୍ରଥମ ଭାରତୀୟ କ୍ରିକେଟର ହୋଇପାରିଛନ୍ତି। ଭାରତୀୟ ପୁରୁଷ କ୍ରିକେଟରମାନେ ଏପର୍ଯ୍ୟନ୍ତ ଏହି ଉପଲବ୍ଧି ହାସଲ କରିପାରିନାହାନ୍ତି। ମହେନ୍ଦ୍ର ସିଂ ଧୋନୀ ଏବଂ ରୋହିତ ଶର୍ମା ୯୮ଟି ଟ-୨୦ ମ୍ୟାଚ୍ ଖେଳିଛନ୍ତି। ଏହି ମ୍ୟାଚ୍ ଖେଳିବା ପୂର୍ବରୁ ହରମନପ୍ରୀତଙ୍କୁ ୧୦୦ ଲେଖାଥିବା ଏକ ଟୋପି ଟିମ୍ ମ୍ୟାନେଜ୍ମେଣ୍ଟ ପକ୍ଷରୁ ଉପହାର ଦିଆଯାଇଥିଲା। ସୂଚନାଯୋଗ୍ୟ, ଟି-୨୦ କ୍ୟାରିୟରରେ ୬ଟି ଅର୍ଦ୍ଧଶତକ ହାସଲ କରିଛନ୍ତି।
