ପାର୍କ ଯାଉ ଯାଉ ଗଛ ପ୍ରେମରେ ପଡିଲେ ଏହି ମହିଳା: ଆଉ ତା’ପରେ
7:00 amDecember 21, 2021December 20, 2021 / 07

ଇଂଲଣ୍ଡର ଜଣେ ମହିଳାଙ୍କ ବିବାହ ଆଜିକାଲି ଚର୍ଚ୍ଚାରେ ରହିଛି। ଏହି ମହିଳା ମଣିଷ କି ପଶୁ ନୁହେଁ, ଗଛକୁ ବିବାହ କରିଛନ୍ତି। ମହିଳା ଜଣକ ଗଛ ଭିତରେ ତାଙ୍କର ସର୍ବୋତ୍ତମ ବନ୍ଧୁଙ୍କୁ ଦେଖି ବିବାହ କରିବାକୁ ନିଷ୍ପତ୍ତି ନେଇଥିଲେ। ମହିଳା ଜଣକ ତିନି ବର୍ଷ ପୂର୍ବେ ଏହି ବୃକ୍ଷକୁ ବିବାହ କରିଥିଲେ ଏବଂ ଆଜି ସେ ଖୁସିରେ ଗଛ ସହିତ ଏକ ଦାମ୍ପତ୍ୟ ଜୀବନ ଅତିବାହିତ କରୁଛନ୍ତି।
କେଟ କନିଙ୍ଗହାମ ନାମକ ଏହି ମହିଳା ଜଣଙ୍କ କହିଛନ୍ତି ସେ ନିଜ ଦାମ୍ପତ୍ୟ ଜୀବନରେ ଗଛ ସହିତ ବହୁତ ସନ୍ତୁଷ୍ଟ। ସେ କହିଛନ୍ତି ଯେ ଉଭୟଙ୍କ ଜୀବନ ସଂପୂର୍ଣ୍ଣ ଚାଲିଛି। ଯଦିଓ ଲୋକମାନେ ସେମାନଙ୍କର ବିବାହ ଦ୍ୱାରା ଆଶ୍ଚର୍ଯ୍ୟ ହୋଇଥାନ୍ତି ଏବଂ ଅନେକ ପ୍ରଶ୍ନ ପଚାରନ୍ତି। କିନ୍ତୁ ସେ ସମସ୍ତଙ୍କୁ କହିବାକୁ ଚାହାଁନ୍ତି, ତାଙ୍କ ବୈବାହିକ ଜୀବନ ବହୁତ ଭଲରେ ଚାଲିଛି। ୨୦୧୯ରେ କେଟ ତାଙ୍କ ପ୍ରେମିକ ବୃକ୍ଷକୁ ବହୁତ ପ୍ରଶଂସକ ସହିତ ବିବାହ କରିଥିଲେ। ପାର୍କ ଯାଉ ଯାଉ ଗଛ ପ୍ରେମରେ ପଡିଥିଲେ କେଟ୍‌। ସେ କୁହନ୍ତି ସେ ସପ୍ତାହରେ ୫ ଥର ସ୍ବାମୀଙ୍କୁ ଦେଖା କରନ୍ତି। ଖ୍ରୀଷ୍ଟମାସ ଅବସରରେ ସେ ତାଙ୍କ ସ୍ବାମୀଙ୍କୁ ସଜେଇବେ। କିଟ ରିମୋର୍ସ ଭ୍ୟାଲି କାଉଣ୍ଟି ପାର୍କରେ ଥିବା ଏକ ଗଛ ସହିତ ବିବାହ କରିଛନ୍ତି। ସବୁଠାରୁ ଆଶ୍ଚର୍ଯ୍ୟଜନକ କଥା ହେଉଛି ସେ ନିଜ ସରନେମ୍‌କୁ ମିସେସ୍‌ ଏଲ୍ଡର୍‌ରେ ମଧ୍ୟ ପରିବର୍ତ୍ତନ କରିଛନ୍ତି।
କେଟ ଏବେ ଶିକ୍ଷାଦାନ କରୁଛନ୍ତି। ସେ ତାଙ୍କ ସ୍ବାମୀଙ୍କ ସହ ତୃତୀୟ ଥର ପାଇଁ ଖ୍ରୀଷ୍ଟମାସ ପାଳନ କରିବାକୁ ଯାଉଛନ୍ତି। ସେ କହିଛନ୍ତି, ଖ୍ରୀଷ୍ଟମାସ ସମୟରେ ତାଙ୍କ ସ୍ବାମୀ ବହୁତ ଆକର୍ଷଣୀୟ ଦେଖାଯାନ୍ତି।