ନୂଆଦିଲ୍ଲୀ, ୨୯ା୧: ବିବାହ ବେଳେ ଜଣେ ହିନ୍ଦୁ ଯୁବତୀଙ୍କୁ ପାକିସ୍ତାନର ସିନ୍ଧ୍ ପ୍ରଦେଶରେ ଅପହରଣ କରାଯିବା ଓ ପରେ ଧର୍ମାନ୍ତରୀକରଣ କରାଯାଇ ବିବାହ କରାଯିବା ଘଟଣା ସାମ୍ନାକୁ ଆସିବା ପରେ ଭାରତ ଏହାର ତୀବ୍ର ପ୍ରତିବାଦ କରିଛି। ସଂଖ୍ୟାଲଘୁ ହିନ୍ଦୁଙ୍କ ଉପରେ କରାଯାଇଥିବା ଏଭଳି ଅତ୍ୟାଚାର ବରଦାସ୍ତ କରାଯିବନି ବୋଲି ଭାରତ କହିବା ସହ ପାକ୍ ହାଇକମିଶନର ଅଧିକାରୀଙ୍କୁ ସମନ୍ ଜାରି କରିଛି। ଏହାର ବିଧିବଦ୍ଧ ତଦନ୍ତ କରାଯାଇ କାର୍ଯ୍ୟାନୁଷ୍ଠାନ ଲାଗି ଭାରତ ଦାବି କରିଛି। ସିନ୍ଧ୍ ପ୍ରଦେଶରେ ହାଲାରେ ରହୁଥିବା ଭାରତୀ ବାଇ(୨୪)ଙ୍କ ପରିବାର ଅଭିଯୋଗ କରିଛନ୍ତି ଯେ, ଜଣେ ହିନ୍ଦୁ ଯୁବକଙ୍କ ସହ ବିବାହ ଲାଗି ପ୍ରସ୍ତୁତି ଚାଲିଥିବାବେଳେ ଶାହରୁଖ୍ ଗୁଲ୍ ନାମକ ଜଣେ ମୁସ୍ଲିମ ଯୁବକ ହିନ୍ଦୁ ଯୁବତୀଙ୍କୁ ଅପହରଣ କରିନେଇଛନ୍ତି। ପରେ ହିନ୍ଦୁ ଯୁବତୀଙ୍କ ଧର୍ମ ପରିବର୍ତ୍ତନ କରି ତାଙ୍କୁ ଗତ ଡିସେମ୍ବରରେ ବିବାହ କରିଥିବା ଜଣେ ମୁସ୍ଲମାନ ଯୁବକ କହିଛନ୍ତି। ଭାରତ ଏହାକୁ ନେଇ ପ୍ରତିବାଦ କରିବା ପରେ ଏହାର ତଦନ୍ତ କରାଯିବ ବୋଲି ପାକିସ୍ତାନ ପ୍ରତିଶ୍ରୁତି ଦେଇଛି।
