Posted inଭଦ୍ରକ

ନୂଆବାଟ ଦେଖାଇଛି ଫୁଲ ବେପାର

ବାସୁଦେବପୁର,୧୪।୧୨(ଡି.ଏନ.ଏ.)- ଭଦ୍ରକ ଜିଲା ବାସୁଦେବପୁର ବଜାରରେ କେତେକ ଯୁବକ ଫୁଲ ବ୍ୟବସାୟକୁ ଜୀବିକା ରୂପେ ଆପଣାଇ ପରିବାର ପ୍ରତିପୋଷଣ କରୁଛନ୍ତି। ଏହି ବ୍ୟବସାୟ ଦ୍ୱାରା ସେମାନେ ସ୍ବାବଲମ୍ବୀ ହୋଇପାରିଛନ୍ତି। ଏହିଭଳି ଜଣେ ଯୁବ ଫୁଲ ବ୍ୟବସାୟୀ ହେଲେ ବାସୁଦେବପୁର ପୌରପାଳିକା ଉଚ୍ଚଡିହା ଗ୍ରାମର ବାସୁଦେବ ବାରିକ ଓରଫ୍‌ ବାପି(୨୭)। ବାସୁଦେବପୁର ବ୍ଲକରୋଡ୍‌ର ବ୍ଲକ ସାମ୍ନାରେ ଫୁଲ ଦୋକାନ ଦେଇଛନ୍ତି। ଫୁଲ ବ୍ୟବସାୟ ତାଙ୍କୁ ନୂଆବାଟ ଦେଖାଇବା ସହ ଆତ୍ମନିର୍ଭରଶୀଳ କରିଛି। ଯେକୌଣସି କାମ ହେଉ ଆନ୍ତରିକତା ରଖି କାର୍ଯ୍ୟ କଲେ ସଫଳ ହେବା ସହ କାହାରି ପେଟ ଅପୋଷା ରହିବ ନାହିଁ ବୋଲି ସେ କହିଛନ୍ତି।
ବାସୁଦେବ କହନ୍ତି, ପରିବାରର ଆର୍ଥତ୍କ ଅବସ୍ଥା ସ୍ବଚ୍ଛଳ ନ ଥିବାରୁ ମାଟ୍ରିକ ପରେ ପାଠପଢ଼ାରେ ଡୋରି ବନ୍ଧା ହେଲା। ପରିବାର ଚଳାଇବା ପାଇଁ ସେ ବାସୁଦେବପୁର ସହରରେ ଥିବା ଏକ ଫୁଲ ଦୋକାନରେ କର୍ମଚାରୀ ଭାବେ କାମ ଆରମ୍ଭ କରିଥିଲେ। ସେତେବେଳେ ମାସିକ ବେତନ ଥିଲା ୬ ହଜାର ଟଙ୍କା। ଉକ୍ତ ଦୋକାନରେ ସେ ୬ ବର୍ଷ କାମ କରି ଫୁଲ ବେପାର, ଗାଡ଼ିସଜା, ଫୁଲବନ୍ଧା ସମ୍ପର୍କରେ କୌଶଳ ଶିଖିଥିଲେ। ପରେ ନିଜେ ଏକ ଦୋକାନ କରିବାକୁ ସ୍ଥିର କରିଥିଲେ। ଜଣେ ପଡ଼ୋଶୀଙ୍କଠାରୁ ୫ହଜାର ଟଙ୍କା ଧାର ଆଣି କଲିକତାରୁ ଫୁଲ ଆଣି ଏକ ଗୁମୁଟି ଘରେ ବ୍ୟବସାୟ ଆରମ୍ଭ କରିଥିଲେ। ଦୀର୍ଘ ୭ ବର୍ଷ ପରେ ଜଣେ ସଫଳ ଫୁଲ ବ୍ୟବସାୟୀ ଭାବେ ପରିଚୟ ସୃଷ୍ଟି କରିପାରିଛନ୍ତି। ବ୍ୟବସାୟରୁ ମାସିକ ୧୦ ହଜାରରୁ ଊର୍ଦ୍ଧ୍ୱ ଟଙ୍କା ଲାଭ କମାଉଛନ୍ତି। ଏଥିରେ ସେ ତାଙ୍କ ପରିବାର ଚଳାଇଥାନ୍ତି। ସ୍ତ୍ରୀ, ୫ ବର୍ଷର ପୁଅ ସମେତ ମା’, ଭାଇ, ଭାଉଜ ଓ ପୁତୁରାଙ୍କୁ ତାଙ୍କ ପରିବାର। ବିଶେଷକରି ବିବାହ ବ୍ରତ, ପର୍ବପର୍ବାଣି ଓ ସଭାସମିତି ବେଳେ ଫୁଲର ଅଧିକ ଚାହିଦା ଥିବାରୁ ଏହି ସମୟରେ ଅଧିକ ଲାଭ ହୋଇଥାଏ। ଫୁଲ ବେପାର କରିବା ପାଇଁ ବ୍ୟବସାୟୀମାନଙ୍କୁ କଲିକତା ଫୁଲ ବଜାର ଉପରେ ନିର୍ଭର କରିବାକୁ ପଡୁଛି। ବାସୁଦେବପୁର ଭଳି ଉର୍ବର ସମତଳ ମାଟିରେ ଫୁଲଚାଷର ଭିତ୍ତିଭୂମିକୁ ସଜଡ଼ା ଯାଇ ପାରିଲେ ବ୍ୟବସାୟୀମାନେ ଉପକୃତ ହେବା ସହ ଫୁଲର ଚାହିଦା ବଢ଼ନ୍ତା ଓ କମ୍‌ ଦରରେ ମିଳିପାରନ୍ତା ବୋଲି ସେ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ଚୋର ଧରିବାକୁ ବୁଲିଲା ଖଟ

ଭଦ୍ରକ ଅଫିସ, ୨।୩- ଡିଜିଟାଲ ଯୁଗରେ ବି ଅନ୍ଧବିଶ୍ୱାସର ବଶବର୍ତ୍ତୀ ହୋଇ ଚୋର ଧରିବାକୁ ଲୋକେ ଗାଁରେ ବୁଲାଇଲେ ଖଟ। ରବିବାର ଭଦ୍ରକ ଗ୍ରାମାଞ୍ଚଳ ଥାନା...

ଜନ୍ମମାଟିରେ ଅର୍ଜୁନ ସେଠୀଙ୍କ ଶେଷକୃତ୍ୟ

ଭଦ୍ରକ ଅଫିସ/ବନ୍ତ,୧୦।୬(ଡି.ଏନ୍‌.ଏ./ସ୍ବ.ପ୍ର.)- ଭଦ୍ରକ ମାଟିର ବର୍ଷିୟାନ ରାଜନେତା ତଥା ପୂର୍ବତନ କେନ୍ଦ୍ରମନ୍ତ୍ରୀ ଅର୍ଜୁନ ଚରଣ ସେଠୀଙ୍କ ଶେଷକୃତ୍ୟ ମଙ୍ଗଳବାର ଜନ୍ମମାଟି ବନ୍ତ ବ୍ଲକ ଓଡ଼ଙ୍ଗଠାରେ ସମ୍ପନ୍ନ...

ସାଳନ୍ଦୀ ହସ୍‌ପିଟାଲରେ ହେବ କରୋନା ରୋଗୀଙ୍କ ଚିକିତ୍ସା,୧୨୦ ବେଡ ପ୍ରସ୍ତୁତ, କାର୍ଯ୍ୟରେ ଅବହେଳା ଲାଗି ଜୁନିଅର ରେଭିନ୍ୟୁ ଆସିଷ୍ଟାଣ୍ଟ ନିଲମ୍ବିତ

ଭଦ୍ରକଅଫିସ, ୮।୪- କରୋନା ମହାମାରୀର ମୁକାବିଲା କରିବା ଲାଗି ଜାରି ରହିଥିବା ଲକ୍ ଡାଉନ ପରିସ୍ଥିତିରେ ଭଦ୍ରକ ସହର ସକାଳ ୬ଟା ଠାରୁ ଦିନ ୧ଟା...

୪୦ ବର୍ଷ ପରେ ଘରକୁ ଫେରିଲେ ଅପୂର୍ବ

ତିହିଡ଼ି, ୧୩।୯ (ଡି.ଏନ.ଏ.) – ଦୀର୍ଘ ୪୦ ବର୍ଷ ପରେ ସେ ଘରକୁ ବାହୁଡ଼ିଛନ୍ତି। ଜନ୍ମମାଟିର ମମତା ତାଙ୍କୁ ଗଁାକୁ ଫେରାଇ ଆଣିଛି ବୋଲି ଗୁରୁବାର...

ଧସୁଛି ନଦୀବନ୍ଧ ପଥର ପ୍ୟାକିଂ

ଧାମନଗର, ୪।୧୨(ଡି.ଏନ.ଏ.)- ଭଦ୍ରକ ଜିଲା ଧାମନଗର ବ୍ଲକ ହସନାବାଦ ପଞ୍ଚାୟତ ପଙ୍ଗଟା ସେଠୀସାହି ନିକଟ ଦାଣ୍ଡିମାହାରାଠାରେ ବୈତରଣୀର ଶାଖା କୋଚିଳା ନଦୀବନ୍ଧ ପାର୍ଶ୍ୱରେ ହୋଇଥିବା ପଥର...

ପୋଖରୀରେ ବୁଡି ବ୍ୟକ୍ତିଙ୍କ ମୃତ୍ୟୁ

ଭଣ୍ଡାରିପୋଖରୀ, ୩୦।୭(ଡି.ଏନ୍‌.ଏ.): ଭଦ୍ରକ ଜିଲା ଭଣ୍ଡାରିପୋଖରୀ ଥାନା କୁରିଗାଁ ପଞ୍ଚାୟତ ଅସିହା ଗ୍ରାମ ପୋଖରୀରେ ବୁଡ଼ି ଜଣେ ବ୍ୟକ୍ତିଙ୍କ ମୃତ୍ୟୁ ଘଟିଛି। ସେ ହେଲେ ଉକ୍ତ...

ସଂକ୍ରମଣ ରୋକିବ ‘ସେନ୍ସର ଚାଳିତ ବିଶୋଧନ ଯନ୍ତ୍ର’: ୩ ଦିନରେ ତିଆରି କରି ଚର୍ଚ୍ଚାରେ ଯୁବକ

ପଦ୍ମପୁର, ୧୮ା୪(ଡି.ଏନ.ଏ.)-ସାରା ବିଶ୍ୱ ଏବେ କରୋନା କବଳରୁ ମୁକ୍ତି ପାଇବା ପାଇଁ ଲଢ଼େଇ କରୁଛି। ଏଭଳି ସ୍ଥିତିରେ ମଣିଷ ଶରୀରକୁ ମାତ୍ର ଦୁଇ ସେକେଣ୍ଡରେ ପ୍ରାକୃତିକ...

କୋଚିଳା ନଦୀବନ୍ଧରେ ଫାଟ

ଧାମନଗର, ୨୧।୧୦ (ଡି.ଏନ.ଏ.)- ଭଦ୍ରକ ଜିଲା ଧାମନଗର ବ୍ଲକ ପଧାନୀ ପଞ୍ଚାୟତର ଉପର ଶଇଲୋ ନିକଟ କୋଚିଳା ନଦୀବନ୍ଧରେ ଫାଟ ସୃଷ୍ଟି ହୋଇଛି। ଏହାକୁ ନେଇ...

Play 250+ Trending Games
Archives

Model This Week

Why Dharitri