ନିୟତିରୁ ଆରମ୍ଭ ଯାତ୍ରା

ତାଙ୍କର ମୂଳନାମ ପ୍ରଭାସିନୀ ପାଣିଗ୍ରାହୀ। ହେଲେ ଯାତ୍ରା ଇଣ୍ଡଷ୍ଟ୍ରିରେ ସେ କେବେଳ ମାମା ନାମରେ ହିଁ ପରିଚିତ। ଘର ଭଦ୍ରକ ଜିଲାର ବାସୁଦେବପୁର ଅନ୍ତର୍ଗତ ବ୍ରାହ୍ମଣଗଁ। । ବାପାମା’ଙ୍କ ବଡ଼ଝିଅ। ପୁଣି ବ୍ରାହ୍ମଣଘରର ଝିଅ। ଘରର ଆର୍ଥିକ ପରିସ୍ଥିତି ସେତେଟା ଭଲ ନ ଥାଏ। ସବୁବେଳେ ନାହିଁ ନାହିଁ ଲାଗି ରହିଥାଏ। ଏକଥା ଦେଖୁଥାନ୍ତି ମାମା। ସେତେବେଳେ ତାଙ୍କୁ ଆଠ ନ’ ବର୍ଷ ବୟସ ହେବ। ତାଙ୍କୁ କିଛି ଭଲ ଲାଗୁନଥାଏ। ସେ ଝିଅଟେ ହେଲେ କ’ଣ ହେଲା? ସେ କ’ଣ କିଛି କାମ କରି ବାପାମା’ଙ୍କ କମରକୁ ବଳ ହୋଇ ପାରିବେ ନାହିଁ। ଏମିତି ଗୋଟେ ଚିନ୍ତାରେ ଥାଆନ୍ତି ମାମା। ସେହିବର୍ଷ ତାଙ୍କ ଗଁ। କୁ ନିୟତି ଗଣନାଟ୍ୟ ଆସିଥାଏ। ସ୍କୁଲ୍‌ରେ ଗଣନାଟ୍ୟର ଝିଅପିଲାମାନେ ରହୁଥାନ୍ତି। ତାଙ୍କ ବୟସର ବି ଅନେକ ଝିଅ ଥାଆନ୍ତି। ସେମାନଙ୍କ ସହିତ ମାମାଙ୍କର ଭଲ ସମ୍ପର୍କ ଗଢ଼ି ଉଠିଥାଏ। ସେ ସେଇମାନଙ୍କ ସହିତ ଯାତ୍ରାପାର୍ଟିରେ ପଳେଇଗଲେ। ଘରେ ସେକଥା କେହି ଜାଣି ନଥାନ୍ତି। ଘରେ ଖୋଜାପଡ଼ିଲା। କେହିକିଛି ଖୋଜଖବର ପାଇଲେ ନାହିଁ। ଏମିତିରେ ବର୍ଷଟିଏ ବିତିଗଲା। ଇତିମଧ୍ୟରେ ମାମା ନିୟତି ଗଣନାଟ୍ୟରେ ରହିଗଲେ। ଶିଶୁ କଳାକାର ଭାବରେ ଛୋଟମୋଟ ଅଭିନୟ କଲେ। ବର୍ଷେ ପରେ ସେ ଘରକୁ ଫୋନ୍‌ କରି ଜଣେଇଲେ ଯେ, ସେ ଯାତ୍ରାରେ ପଳେଇ ଆସିଛନ୍ତି। ଏକଥା ଶୁଣି ମା’ କାନ୍ଦିଲା। ବାପା ମନ ଦୁଃଖ କଲେ। କାରଣ ସେମାନେ ଚାହୁଁ ନ ଥିଲେ ତାଙ୍କ ଝିଅ ଯାତ୍ରାରେ ଯାଉ। ପୁଣି ଲୁଚି ପଳେଇ ଯାଇଥିବାରୁ ସେମାନେ ଖୋଜିଖୋଜି ନୟାନ୍ତ ହୋଇ ସାରିଥିଲେ। ବାପାମା’ଙ୍କୁ ବୁଝେଇଲେ ମାମା। କହିଲେ, ମୁଁ ଆସିସାରିଛି ଯେତେବେଳେ ଆଉ ଫେରିବିନି। ବରଂ ଆପଣମାନେ ଆଶୀର୍ବାଦ କରନ୍ତୁ ମୁଁ ଯାତ୍ରା ଲାଇନ୍‌ରେ ନଁ। କରେ। ବାପାମା’ଙ୍କର ଆଉ କିଛି କରିବାର ନ ଥିଲା। ସେମାନଙ୍କର ଆଶୀର୍ବାଦ କିନ୍ତୁ ରହିଥିଲା ମାମାଙ୍କ ସାଙ୍ଗରେ। ସେଥିଲାଗି ମାମା ଯାତ୍ରାଜଗତରେ ଆଜି ଜଣେ ପ୍ରତିଷ୍ଠିତ ଆର୍ଟିଷ୍ଟ। ଇତିମଧ୍ୟରେ ୧୯ବର୍ଷରୁ ଅଧିକ ହୋଇଗଲା ସେ ଯାତ୍ରାପାର୍ଟିରେ ରହିଛନ୍ତି। ନିୟତିରୁ ତାଙ୍କର ଯାତ୍ରା ଜୀବନ ଆରମ୍ଭ ହୋଇଥିଲା। ସେ ସେଠାରେ ଶିଶୁ କଳାକାର ଭାବେ ଅଭିନୟ କରୁଥିଲେ। ଶରଧାବାଲି ଅପେରାରେ ନୃତ୍ୟ କଲେ। ସତ୍ୟମ୍‌ ଗଣନାଟ୍ୟରେ ଆରମ୍ଭ ହେଲା ତାଙ୍କର ଅଭିନୟ ଜୀବନ। ଏହି ଦୀର୍ଘ ସମୟ ମଧ୍ୟରେ ସେ ମୁକ୍ତେଶ୍ୱର ଅପେରା, କ୍ଲାସିକ୍‌ ଗଣନାଟ୍ୟ, ଦୁର୍ଗାଶ୍ରୀ ଗଣନାଟ୍ୟ, ଶରଧାବାଲି, ଶିବାନୀ ଗଣନାଟ୍ୟ, ଓମ୍‌ଶ୍ରୀ ଗଣନାଟ୍ୟ, ତ୍ରିନାଥ ଗଣନାଟ୍ୟ, ଯାତ୍ରାଶ୍ରୀ ବିଶ୍ୱଦରବାର ଆଦି ଅନୁଷ୍ଠାନରେ କାମକରି ଏବେ ଆସି ପହଞ୍ଚତ୍ଛନ୍ତି ଇନ୍ଦ୍ରଭୁବନରେ। ସେ ଅଭିନୟ କରିଥିବା ନାଟକଗୁଡ଼ିକ ମଧ୍ୟରେ ରହିଛି ଅହ୍ୟ ସୁଲକ୍ଷଣୀ, ମୁଁ ତୋର କ’ଣ ହେବି, ମଣିଷ ଖିଆ ମଣିଷ, ସୁନା କଣ୍ଢେଇ, ପବିତ୍ର ପାପ, ଗଲାକଥା ପାସୋରି ଦିଅ, ଅଧା ରହିଗଲା ମଥା ଓଢ଼ଣି, ବାଦାମବାଡ଼ିର ବଦମାସ ଝିଅ, ହେ ଈଶ୍ୱର କୋଟି ନମସ୍କାର, ଷ୍ଟାଫ୍‌ ନର୍ସ, ଗୁପ୍ତ ସମ୍ପର୍କ ଏବଂ ଆହୁରି ଅନେକ। ଚଳିତବର୍ଷ ‘ଇନ୍ଦ୍ରଭୁବନ’ରେ ସେ ଅଭିନୟ କରିଥିବା ନାଟକଗୁଡ଼ିକ ମଧ୍ୟରେ ରହିଛି ମାଣିକକୁ କିଏ ମାଇଲା ମାଡ଼, କହିବାକୁ ଲାଜ ଲାଗୁଛି, ବାଜୁଥାଉ ଯେତେ ନିନ୍ଦା ନାଗରା ଏବଂ ଓଠର ହସ ମୋ ଲୁହରେ ଶେଷ। ମାମା ମୁଖ୍ୟତଃ ନେଗେଟିଭ୍‌ ରୋଲରେ ମଞ୍ଚକୁ ଆସୁଥିଲେ ମଧ୍ୟ ପଜିଟିଭ ଭୂମିକା ତାଙ୍କର ବେଶି ପସନ୍ଦ ବୋଲି କହନ୍ତି ଏହି ଅଭିନେତ୍ରୀ।


Enter your email to get our daily news in your inbox.

All Right Reserved By Dharitri.Com

ରାମ କେବଳ ଏକ ଧର୍ମର ନୁହନ୍ତି, ସବୁ ଭାରତୀୟଙ୍କ ରକ୍ତରେ ଅଛନ୍ତି: ଚର୍ଚ୍ଚାରେ ଜାଭେଦ ଅଖତରଙ୍କ ମନ୍ତବ୍ୟ

ବିଶିଷ୍ଟ ଗୀତିକାର ଓ ପଟ୍ଟକଥା ଲେଖକ ଜାଭେଦ ଅଖତର ଭଗବାନ ଶ୍ରୀରାମଙ୍କ ପ୍ରଶଂସା କରି କହିଛନ୍ତି। ରାମ ଏକ ପୂଜନୀୟ ବ୍ୟକ୍ତିତ୍ୱ। ତାଙ୍କ ମହତ୍ତ୍ୱ କୌଣସି ଗୋଟିଏ…

୨୫ ବର୍ଷ ପରେ କରିନା-ହ୍ରିତିକଙ୍କ କମବ୍ୟାକ୍! କରଣ ଜୋହରଙ୍କ ଭିଡ଼ିଓ ପରେ…

ମୁମ୍ବାଇ: ବଲିଉଡରେ ବିଶିଷ୍ଟ ନିର୍ଦ୍ଦେଶକ କରଣ ଜୋହର ଏପରି ଅନେକ ଯୋଡ଼ିକୁ ପରଦାକୁ ଆଣିଛନ୍ତି, ଯେଉଁମାନେ ଆଜି ମଧ୍ୟ ଦର୍ଶକଙ୍କର ଅତି ପ୍ରିୟ। ଏହିପରି ଏକ ଯୋଡ଼ି…

ଅମିତାଭ, ଅଭିଷେକ ବଚ୍ଚନଙ୍କୁ ହତ୍ୟା ଧମକ, ଦିଆଗଲା ଏଭଳି ଚେତାବନୀ

ମୁମ୍ବାଇ,୧୬ା୧୧: ଗ୍ୟାଙ୍ଗଷ୍ଟର ଗୋଲ୍ଡି ଧିଲୋନ୍‌ଙ୍କଠାରୁ ମେଗାଷ୍ଟାର ଅମିତାଭ ବଚ୍ଚନ ଏବଂ ଅଭିଷେକ ବଚ୍ଚନଙ୍କୁ ହତ୍ୟା ଧମକ ମିଳିଛି। ନିକଟରେ ଦିଲ୍ଲୀ ପୋଲିସ ଗୋଲ୍ଡି ଗ୍ୟାଙ୍ଗ୍‌ର ୨ ସଦସ୍ୟ…

ଗର୍ଭରେ ଆଲିଆ ଭଟ୍ଟ ଥିବାବେଳେ ଗୋଟିଏ ଦିନରେ ୧୦୦ ସିଗାରେଟ ଟାଣୁଥିଲେ ମା’ ସୋନି ରାଜଦାନ, ନିଜେ ଖୋଲିଲେ ଗୁମର

ମୁମ୍ବାଇ:ବଲିଉଡ୍‌ର ଜଣାଶୁଣା ଅଭିନେତ୍ରୀ ସୋନି ରାଜଦାନ ନିଜ ଦମ୍‌ଦାର ଅଭିନୟ ପାଇଁ ବେଶ ପରିଚିତ। ଦୀର୍ଘଦିନ ଧରି ଫିଲ୍ମ ଇଣ୍ଡଷ୍ଟ୍ରିରେ ସକ୍ରିୟ ଥିବା ସୋନି ନିଜ ଚରିତ୍ରକୁ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?