ନିଜ ପାଇଁ ଟିକେ…

ସ୍ନେହ ପ୍ରେମ ଆଉ ଭଲପାଇବାର ପରଶ ଦେଇ ସମସ୍ତଙ୍କୁ ନିଜର କରିବାକୁ ସବୁବେଳେ ଚେଷ୍ଟା କରିଥାଏ ଗୃହିଣୀ। ପରିବାରକୁ ଏକ ସୂତ୍ରରେ ବାନ୍ଧି ରଖିବାର ପ୍ରୟାସ ଭିତରେ ସେ କିନ୍ତୁ ଭୁଲି ଯାଏ ନିଜକୁ । ହେଲେ ସତ କଥା ହେଲା ସମସ୍ତଙ୍କୁ ଭଲପାଇବାକୁ ହେଲେ ପ୍ରଥମେ ନିଜକୁ ଭଲପାଇବାକୁ ହୁଏ। ଏଥିପାଇଁ ନିଜ ସ୍ବାସ୍ଥ୍ୟର ଯତ୍ନ ନେବା ବି ଜରୁରୀ…

ସବୁବେଳେ ପିଲାଙ୍କ ପାଇଁ କିମ୍ବା ଘର ଲାଗି ବିଭିନ୍ନ ପ୍ରକାରର କାମ କରିଥାନ୍ତି ଗୃହିଣୀ। ସମସ୍ତଙ୍କର ଭଲମନ୍ଦ ଖବର ବୁଝିବା ଭିତରେ ସେମାନେ କିନ୍ତୁ ନିଜ କଥା ପୂରା ଭୁଲି ଯାଇଥାନ୍ତି। ଏମିତି କି ନିଜର ଖିଆପିଆ କିମ୍ବା ସ୍ବାସ୍ଥ୍ୟର ଯତ୍ନ ନେବା ଯେ ଉଚିତ ଏକଥାକୁ ସମ୍ପୂର୍ଣ୍ଣ ଅବହେଳା କରିଥାନ୍ତି। ମାତ୍ର ନିଜେ ସୁସ୍ଥ ରହିଲେ ହିଁ ପରିବାର ସୁସ୍ଥ ରହିବ, ଜୀବନର ଏହି ଗୂଢ଼ ରହସ୍ୟକୁ ଭୁଲିବା ଉଚିତ ନୁହେଁ। ତେଣୁ ସବୁ କାମ ଭିତରେ ବି ନିଜ ପାଇଁ କିଛି ସମୟ ବାହାର କରନ୍ତୁ ଓ ନିଜର ଆବଶ୍ୟକତା ବିଷୟରେ ଚିନ୍ତା କରନ୍ତୁ।
ନା କହିବା ଶିଖନ୍ତୁ:ଆବଶ୍ୟକ ହେଲେ ନିଜର ସୁବିଧା ପାଇଁ କେବେକେବେ ଭଦ୍ରଭାବରେ ନା କହିବା ଶିଖନ୍ତୁ। କାଳେ କେହି ଖରାପ ଭାବିବେ ବୋଲି ଚିନ୍ତା କରି ଆମେ ଅନେକ ସମୟରେ ସବୁକଥାକୁ ମୁଣ୍ଡପାତି ଗ୍ରହଣ କରି ନେଇଥାଉ। କିନ୍ତୁ ଏପରି କରିବା ଦ୍ୱାରା ଅନେକାଂଶରେ ନିଜପ୍ରତି ଅନ୍ୟାୟ ହୋଇଥାଏ।
ମଜା, ମସ୍ତି, ଖୁସି: ଜୀବନରେ କ୍ୟାରିୟର, ଦରମା କିମ୍ବା ଘରକାମ ବ୍ୟତୀତ ମଜା ମସ୍ତି ବି ଜରୁରୀ। ତେଣୁ ନିଜର ଖୁସିକୁ ବି ଗୁରୁତ୍ୱ ଦିଅନ୍ତୁ। ନିଜ ପସନ୍ଦ ଅନୁସାରେ କିଛି କାମ କିମ୍ବା ବୁଲାବୁଲି ଆଦି କରିବାକୁ ଭୁଲନ୍ତୁ ନାହିଁ। ଅବଶ୍ୟ ସବୁବେଳେ ଏ ଦିଗକୁ ଗୁରୁତ୍ୱ ଦେବା ଠିକ୍‌ ନୁହେଁ। କିନ୍ତୁ ନିର୍ଦ୍ଦିଷ୍ଟ ସମୟ ଅନ୍ତରାଳରେ ୟୁଜର ଖୁସି ମନାଇବାକୁ ଭୁଲନ୍ତୁ ନାହିଁ।
ନିଜ ପାଇଁ ସମୟ: ସୁସ୍ଥ ରହିବା ପାଇଁ ନିଜ ନିମନ୍ତେ କିଛି ସମୟ ବାହାର କରି ଯୋଗ ଓ ମେଡିଟେସନ୍‌ ନିଶ୍ଚୟ କରନ୍ତୁ। ଜୀବନର ସବୁଠୁ ଭଲ ଏବଂ ଅତି ଆପଣାର ସାଥୀ ହେଉଛି ଆପଣଙ୍କ ଶରୀର ଓ ମନ। ତେଣୁ ଏହି ଦୁଇଟିର ଯତ୍ନ ନେବାକୁ ଯୋଗ ଏବଂ ମେଡିଟେସନ୍‌ ହିଁ ସର୍ବୋତ୍ତମ ଉପାୟ। ଥକ୍କାପଣ କିମ୍ବା ଡିପ୍ରେସନରୁ ଏହା ରକ୍ଷା କରିଥାଏ। ଆଉ ଶରୀର ତଥା ମନ ସୁସ୍ଥ ରହିଲେ ହିଁ ଆପଣ ଉର୍ଜାସମ୍ପନ୍ନ ହୋଇ ଅଧିକ କାମ କରିପାରିବେ।
ତୁଳନା କରନ୍ତୁ ନାହିଁ: କାହା ସହିତ ନିଜକୁ ତୁଳନା କରି ଦୁଃଖୀ ହୁଅନ୍ତୁ ନାହିଁ। ନିଜ ପାଖରେ ଯାହା ଅଛି ସେଥିରେ ସନ୍ତୁଷ୍ଟ ହେବାକୁ ଚେଷ୍ଟା କରନ୍ତୁ। ନିଜର ସବୁ ସଫଳତାକୁ ମନେପକାନ୍ତୁ, ଯାହାଫଳରେ ଆପଣ ଖୁସିରେ ରହିପାରିବେ। ତା’ ଛଡ଼ା ବାସ୍ତବତାକୁ ସ୍ବୀକାର କରନ୍ତୁ ଏବଂ ନିଜ ପରିସ୍ଥିତି ଓ ଯୋଗ୍ୟତାଠାରୁ ବହୁତ ଅଧିକ ପାଇବାର ଇଚ୍ଛା ରଖନ୍ତୁ ନାହିଁ।
ନିଜକୁ କ୍ଷମା ଦିଅନ୍ତୁ: କୌଣସି କାରଣରୁ ଆପଣ ଯଦି ଭୁଲ୍‌ କରି ଦେଇଛନ୍ତି ତେବେ ସେକଥା ଭାବି ସାରା ଜୀବନ ପଶ୍ଚାତ୍ତାପ କରିବା ଠିକ୍‌ ନୁହେଁ। ସେହି ଭୁଲ୍‌ ପାଇଁ ଦୁଃଖରେ ଭାଙ୍ଗିପଡ଼ିଲେ ଜୀବନରେ ଆଗକୁ ବଢ଼ିପାରିବେ ନାହିଁ। ତେଣୁ ସେହି ଭୁଲ୍‌ରୁ ଶିକ୍ଷାଲାଭ କରି ନିଜ ଭୁଲ୍‌କୁ ସୁଧାରି ନିଅନ୍ତୁ। ଆଉ ନିଜର ଭୁଲ୍‌ ପାଇଁ ପ୍ରଥମେ ନିଜକୁ କ୍ଷମା ଦେଇ ଆଗକୁ ପୁଣି ଥରେ କାମ କରିବା ପାଇଁ ଚେଷ୍ଟା କରନ୍ତୁ।
ସମସ୍ତଙ୍କ ସ୍ନେହ ଆଦର: ସମସ୍ତଙ୍କୁ ସନ୍ତୁଷ୍ଟ କରିବା ସମ୍ଭବ ନୁହେଁ। ତେଣୁ ସମସ୍ତେ ଯେ ଆପଣଙ୍କୁ ଭଲପାଇବେ ଏପରି ଆଶା କରନ୍ତୁ ନାହିଁ। ଆପଣଙ୍କର ଯଥାସମ୍ଭବ ପ୍ରୟାସ ପରେ ବି ଯଦି କେହି ଆପଣଙ୍କୁ ଗ୍ରହଣ କରି ପାରୁ ନାହାନ୍ତି ତେବେ ମନ ଦୁଃଖ କରନ୍ତୁ ନାହିଁ। ଯଦି ସବୁ ସ୍ଥାନରେ ସମସ୍ତଙ୍କୁ ଖୁସି କରିବାକୁ ଚାହୁଁଥିବେ ତାହା ଏକ ଅସମ୍ଭବ କାମ ବୋଲି ଜାଣି ରଖନ୍ତୁ। ତେଣୁ ସମସ୍ତଙ୍କୁ ଖୁସିରେ ରଖିବା ଚିନ୍ତାରେ ଆପଣ ନିଜର ସବୁ ଖୁସିକୁ ଜଳାଞ୍ଜଳି ଦିଅନ୍ତୁ ନାହିଁ।


Enter your email to get our daily news in your inbox.

All Right Reserved By Dharitri.Com

ଗର୍ଭାବସ୍ଥାରେ ସମସ୍ୟା ଓ ଥାଇରଏଡ୍‌

”ଯେତେବେଳେ ଥାଇରଏଡ୍‌ ଗ୍ରନ୍ଥିରୁ ଯଥେଷ୍ଟ ପରିମାଣର ହରମୋନ୍‌ ଉପତ୍ନ୍ନ ହୋଇ ନ ଥାଏ ସେତେବେଳେ ଏହା ଓଭ୍ୟୁଲେଶନ ସମୟରେ ଡିମ୍ବାଶୟରୁ ଡିମ୍ବାଣୁର ନିଷ୍କାସନ ଏବଂ ପ୍ରଜନନତାକୁ...

ଇନ୍‌ସୁଲିନ୍‌ ସ୍ତର ସନ୍ତୁଳିତ ରଖେ ପିଆଜ ଶଣ୍ଢା

ପିଆଜ ଶଣ୍ଢା କାହାକୁ ବା ନାପସନ୍ଦ କହିଲେ। ଏହା କେବଳ ସ୍ବାଦିଷ୍ଟ ନୁହେଁ ବରଂ ସ୍ବାସ୍ଥ୍ୟପ୍ରଦ ମଧ୍ୟ। ପିଆଜ ଶଣ୍ଢାରେ ଭରପୂର୍‌ ଥିବା ଆଣ୍ଟିଅକ୍ସିଡାଣ୍ଟ ଡିଏନ୍‌ଏକୁ...

ଶୀତଦିନେ ଏଥିରୁ ଅଧା ଗ୍ଲାସ…

ସପୁରୀରେ ବିଭିନ୍ନ ପ୍ରକାର ପୋଷକ ତତ୍ତ୍ୱ ରହିଛି। ଶୀତଦିନେ ସପ୍ତାହରେ ଥରେ ସପୁରୀ ଜୁସ୍‌ ଅଧଗ୍ଲାସେ ପିଇଲେ ବହୁ ଉପକାର ମିଳିଥାଏ। ଏଥିରେ ବ୍ରୋମାଲାଇନ୍‌ ନାମକ...

ଶୀତଦିନିଆ ପନିପରିବା ଓ ସ୍ବାସ୍ଥ୍ୟ

ଶୀତଦିନଟା ଖାଇବାର ମଜାନେବା ଋତୁ। ବଜାର ସାରା ଆକର୍ଷଣୀୟ ପୁଷ୍ଟିକର, ସୁସ୍ବାଦୁ ତଥା ଶସ୍ତା ଶାଗ ଓ ପନିପରିବା ଏବଂ ଭଳିକି ଭଳି ଫଳ ଯାହାକୁ...

ଉଚ୍ଚ ରକ୍ତଚାପ ନିୟନ୍ତ୍ରିତ କରେ ଲାଉ ଜୁସ୍‌

ଲାଉରେ ୯୦ ପ୍ରତିଶତ ପାଣି ଏବଂ ୧୦ ପ୍ରତିଶତ ଫାଇବର ଥାଏ। ଏଥିରେ କାର୍ବୋହାଇଡ୍ରେଡ୍‌ ମାତ୍ରା ଆଦୌ ନ ଥାଏ। ଡାଇବେଟିସ୍‌ ରୋଗୀ ଯେହେତୁ ନିଜର...

ସପ୍ତାହରେ ଥରେ ପିଅନ୍ତୁ ଛେଳି କ୍ଷୀର ଡେଙ୍ଗୁରୁ ରହିବେ ଦୂରେଇ…

ଛେଳି କ୍ଷୀର ଅନେକ ପୋଷକ ତତ୍ତ୍ୱର ଭରପୁର। ସପ୍ତାହରେ ଥରେ ଛେଳି କ୍ଷୀର ପିଇଲେ ଡେଙ୍ଗୁରୋଗର ହେବାର ଆଶଙ୍କା ନ ଥାଏ ବୋଲି ଆୟୁର୍ବେଦରେ ଉଲ୍ଲେଖ...

ଥକ୍କାପଣ ଦୂର କରିବାର ନୂଆ ଉପାୟ

କାର୍ଯ୍ୟଚାପରେ ଅନେକ ଥକି ପଡ଼ିଥାଆନ୍ତି। ଏଥିରୁ ନିଜକୁ ରକ୍ଷା କରିବାର ଏକ ସରଳ ତଥା ସହଜ ଉପାୟ ରହିଛି। ଯଦି ଜଣେ ବ୍ୟକ୍ତି ନିଜର ମାନସିକତାକୁ...

ଡାଇବେଟିସ୍‌ ଅଛି କି, ତାଳି ମାରନ୍ତୁ ସୁସ୍ଥ ରୁହନ୍ତୁ…

ନୂଆଦିଲ୍ଲୀ: ସମ୍ପ୍ରତି ପରିବର୍ତ୍ତିତ ଜୀବନଶୈଳୀରେ କେତେକଙ୍କଠାରେ ଡାଇବେଟିସ୍‌ ସମସ୍ୟା ଦେଖାଦେଉଛି। ତେବେ ଏଭଳି ସମସ୍ୟାରୁ ଦୂରେଇ ରହିବା ହାତ ପାଆନ୍ତାରେ ରହିଛି। ପ୍ରତିଦିନ ସକାଳେ ଅଭ୍ୟାସ...

Advertisement


Archives

Model This Week

Why Dharitri