ବଲିଉଡର ‘ସୁଲତାନ’ ସଲମାନ ଖାନ୍ ଧମାକା କରିବାକୁ ଯାଉଛନ୍ତି। ପ୍ରଖ୍ୟାତ ନିର୍ଦ୍ଦେଶକ ଯୋଡ଼ି ରାଜ ଏବଂ ଡିକେଙ୍କ ସହ ମିଶି ସେ ମନୋରଞ୍ଜନ ଶିଳ୍ପରେ ଏକ ନୂତନ ଲହରୀ ସୃଷ୍ଟି କରିବାକୁ ସୁପରହିରୋ ସଲ୍ଲୁଙ୍କ ଆଗାମୀ ଫିଲ୍ମକୁ ହିନ୍ଦୀ ସିନେମାର ସବୁଠାରୁ ବଡ଼ ପ୍ରୋଜେକ୍ଟ ଭାବରେ ପ୍ରଶଂସା କରାଯାଇଛି। ଏହା କେବଳ ଭାରତ ଭିତରେ ନୁହେଁ, ବରଂ ବିଶ୍ୱ ସ୍ତରରେ ମଧ୍ୟ ଏକ ଗୁରୁତ୍ୱପୂର୍ଣ୍ଣ ପ୍ରଭାବ ପକାଇବାକୁ ପ୍ରସ୍ତୁତ। ଫିଲ୍ମଟି ରିଲିଜ୍ ପୂର୍ବରୁ ‘ଦି ଆଭେଞ୍ଜର୍ସ’ ସହିତ ତୁଳନା କରାଯାଉଛି।
ରାଜ ଏବଂ ଡିକେଙ୍କ ଦ୍ୱାରା ନିର୍ଦ୍ଦେଶିତ ଫିଲ୍ମଟିର ନାଁ ‘ଦି ଲାଷ୍ଟ ହିରୋ’। ଏଥିପାଇଁ ବିଶ୍ୱସ୍ତରୀୟ VFX ପାୱାରହାଉସ, ୱେଟା FX ସହିତ ଫିଲ୍ମର ଭିଜୁଆଲ ଇଫେକ୍ଟଗୁଡ଼ିକୁ ପରିଚାଳନା କରିବା ପାଇଁ ଆଲୋଚନା ଚାଲିଛି। ଏହା ସେହି ଷ୍ଟୁଡିଓ ଯାହା ‘ଦି ଆଭେଞ୍ଜର୍ସ’, ‘ଦି ବ୍ୟାଟମ୍ୟାନ’ ଏବଂ ‘ଅବତାର’ ଭଳି ବ୍ଲକବଷ୍ଟର ଫିଲ୍ମ ମାଧ୍ୟମରେ ସିନେମା ପ୍ରଯୁକ୍ତିବିଦ୍ୟା ଜଗତରେ ବିପ୍ଳବ ଆଣିଥିଲା।
ଏହି ମେଗା-ପ୍ରୋଜେକ୍ଟରେ ସଲମାନଙ୍କ ସହ ଅଭିନେତ୍ରୀ କରୀନା କପୁର ଖାନଙ୍କୁ ମୁଖ୍ୟ ଭୂମିକାରେ ଦେଖିବାକୁ ମିଳିବ। କରୀନା ସ୍କ୍ରିପ୍ଟ ଏବଂ ତାଙ୍କ ଚରିତ୍ରକୁ ନେଇ ଅତ୍ୟନ୍ତ ଉତ୍ସାହିତ ବୋଲି ବହୁତ ଚର୍ଚ୍ଚା ହେଉଛି। ଜଣାଶୁଣା ରାଜ ଏବଂ ଡିକେଙ୍କ ଯୋଡ଼ି ପ୍ରଥମ ଥର ପାଇଁ ସଲମାନଙ୍କ ସହ ସହଯୋଗ କରୁଛନ୍ତି।
ସିନେମା ଦୃଷ୍ଟିକୋଣରୁ ୨୦୨୭ ବର୍ଷ ସଲମାନ ଖାନଙ୍କ ପାଇଁ ସ୍ମରଣୀୟ ହେବାକୁ ଯାଉଛି। ‘ଦି ଲାଷ୍ଟ ହିରୋ’ ବ୍ୟତୀତ ତାଙ୍କର ଆଉ ଏକ ବହୁପ୍ରତୀକ୍ଷିତ ଚଳଚ୍ଚିତ୍ର – ଶୀର୍ଷକ ‘SVC63’ ମଧ୍ୟ ଚର୍ଚ୍ଚାରେ ଅଛି। ଏଥିରେ ସେ ଦକ୍ଷିଣ ଭାରତୀୟ ସୁପରଷ୍ଟାର ନୟନତାରାଙ୍କ ସହିତ ନଜର ଆସିବେ। ଏହି ପ୍ରୋଜେକ୍ଟର ଶୁଟିଂ ଆରମ୍ଭ ହୋଇସାରିଛି, ଏବଂ ଏହାକୁ ୨୦୨୭ ଇଦରେ ମୁକ୍ତିଲାଭ କରିବା ପାଇଁ ପ୍ରସ୍ତୁତି ଚାଲିଛି।
Dharitri – Odisha’s No.1 Odia Daily
