ଦେହ ଦଲାଲଙ୍କ ନଜରରେ ଓଡ଼ିଆ ଯୁବତୀ

ଭୁବନେଶ୍ୱର,୩ା୩(ବ୍ୟୁରୋ):ବାଂଲାଦେଶୀ ସେକ୍ସ ର଼୍ୟାକେଟର କିଙ୍ଗ୍‌ପିନ୍‌ ଅଞ୍ଜଳି ଦିଦି ଓ ତାଙ୍କ ସ୍ବାମୀ ଇବ୍ରାହିମ୍‌ ଗିରଫ ହେବାପରେ କ୍ରାଇମବ୍ରାଞ୍ଚ ଏସ୍‌ଟିଏଫ୍‌ ତାଙ୍କ ଲିଙ୍କ୍‌ରେ ଥିବା ଦଲାଲ, ଏଜେଣ୍ଟ, ରୂପଜୀବୀଙ୍କୁ ଖୋଜି ଖୋଜି ଧରୁଛି। ଇତିମଧ୍ୟରେ ୫ଜଣ ଦଲାଲ ଗିରଫ ହୋଇଥିବାବେଳେ ବହୁ ବାଂଲାଦେଶୀ ରୂପଜୀବୀ ଧରାପଡିଛନ୍ତି। ଜାଲ୍‌ କାଗଜପତ୍ର ଜରିଆରେ ବେଆଇନ ଭାବେ ବାଂଲା ରୂପଜୀବୀଙ୍କୁ ଦଲାଲମାନେ ଓଡ଼ିଶାକୁ ଆଣି ସେକ୍ସ ର଼୍ୟାକେଟରେ ଲଗାଉଥିବା ଜଣାପଡିବା ପରେ ଏବେ କଟକଣା ସହ ସୀମାରେ ସେମାନଙ୍କ ପ୍ରବେଶ ନେଇ ଯାଞ୍ଚ ଜୋର୍‌ଦାର ହୋଇଛି। ଫଳରେ ରାଜ୍ୟରେ ଏହି ସେକ୍ସ ର଼୍ୟାକେଟରେ ସମ୍ପୃକ୍ତ ଦଲାଲମାନେ ଓଡ଼ିଆ ଯୁବତୀଙ୍କୁ ଟାର୍ଗେଟ କରିଛନ୍ତି। ସେମାନଙ୍କୁ ନାନା ଉପାୟରେ ଫସାଇ ଭୁବନେଶ୍ୱର ସମେତ ଅନ୍ୟ ସହରକୁ ଆଣି ସେକ୍ସ ର଼୍ୟାକେଟରେ ନିୟୋଜିତ କରୁଛନ୍ତି। ସୋମବାର ଏସ୍‌ଟିଏଫ୍‌ ଜଣେ ଦଲାଲଙ୍କ ସହ ରୂପଜୀବୀଙ୍କୁ ଧରି ପଚରାଉଚରା କରିବା ପରେ ଏହି ଘଟଣା ପଦାକୁ ଆସିଛି। ଗିରଫ ଦଲାଲ ହେଲେ ଗଞ୍ଜାମ ଜିଲା ପୁରୁଷୋତ୍ତମପୁରର କେଶବ ସାହୁ(୨୮)। ଏସ୍‌ଟିଏଫ୍‌ କେସ୍‌ ନଂ.୭/୨୦, ଦଫା ୪/୫ ଆଇଟିପି ଆକ୍ଟ ୩୭୦(୩), ୪୬୭, ୪୭୧, ୧୨୦(ବି)୩୪ ଲଗାଇ ଅଭିଯୁକ୍ତ କେଶବଙ୍କୁ କୋର୍ଟ ଚାଲାଣ କରିଛି।
ଏସ୍‌ଟିଏଫ୍‌ର ସୂଚନାନୁସାରେ, ଅଞ୍ଜଳି ଦିଦି ଓ ଇବ୍ରାହିମ୍‌ ଅଧୀନରେ ରହି କେଶବ କାମ କରନ୍ତି। ସେମାନଙ୍କ ସହ ଅନ୍ୟ କେତେଜଣ ଗିରଫ ହେବା ପରେ ଯୁବତୀ ଚାଲାଣ ଓ ସେକ୍ସ ର଼୍ୟାକେଟର ମଙ୍ଗ ଧରିଥିଲେ କେଶବ। ବାଂଲାଦେଶୀ ଯୁବତୀଙ୍କ ଉପରେ ଏସ୍‌ଟିଏଫ୍‌ ନଜର ରଖିଥିବାରୁ ସେ ଭଦ୍ରକ, ବାଲେଶ୍ୱର ଅଞ୍ଚଳରୁ ଯୁବତୀଙ୍କୁ ଚାକିରି ଓ ଅନ୍ୟ ପ୍ରଲୋଭନ ଦେଖାଇ ଏଠାକୁ ଆଣି ସେକ୍ସ ର଼୍ୟାକେଟରେ ଲଗାଇଥାନ୍ତି। ସୋମବାର ସକାଳେ କେଶବ ଜଣେ ଯୁବତୀଙ୍କୁ କାରରେ ବସାଇ ନୟାପଲ୍ଲୀ ଅଞ୍ଚଳରେ ରହୁଥିବା ଜଣେ ଗ୍ରାହକଙ୍କ ନିକଟକୁ ଛାଡିବାକୁ ନେଉଥିଲେ। ପୂର୍ବରୁ ତାଙ୍କ ଉପରେ ନଜର ରଖିଥିବା ଏସ୍‌ଟିଏଫ୍‌ ଟିମ୍‌ ଉକ୍ତ କାରକୁ ପିଛା କରି ସିଆର୍‌ପିଏଫ୍‌ ଛକରେ ଅଟକାଇ ସେମାନଙ୍କୁ କାବୁ କରିନେଇଥିଲା। କାରରୁ ଯୁବତୀଙ୍କୁ ଉଦ୍ଧାର ପରେ ପଚରାଉଚରା କରିବାରୁ ପୂରା ଘଟଣା ଜଣାପଡ଼ିଥିଲା। ବାଂଲାଦେଶର ଯୁବତୀଙ୍କୁ ରାଜଧାନୀ ଆଣି ଏତେ ରିସ୍କ ନେବାକୁ ଦଲାଲମାନେ ଚାହୁଁ ନାହାନ୍ତି। ଅନ୍ୟପକ୍ଷରେ ଓଡ଼ିଆ ରୂପଜୀବୀଙ୍କର ମଧ୍ୟ ଡିମାଣ୍ଡ୍‌ ରହିଛି। ତେଣୁ ଦଲାଲମାନେ ବିଶେଷକରି ଭଦ୍ରକ, ବାଲେଶ୍ୱରରୁ ଓଡିଆ ଯୁବତୀଙ୍କୁ ଆଣି ଦେହ ବ୍ୟବସାୟରେ ଲଗାଉଥିବା ଏସ୍‌ଟିଏଫ୍‌ ପଚରାଉଚରାବେଳେ ଜାଣିବାକୁ ପାଇଛି।

ଫସୁଛନ୍ତି ଅସହାୟ, ଗରିବ ଝିଅ
କିଭଳି ଯୁବତୀଙ୍କୁ ଆଣି ଦେହ ବ୍ୟବସାୟରେ ଲଗାନ୍ତି ସେନେଇ ଏସ୍‌ଟିଏଫ ଆଗରେ ମୁହଁ ଖୋଲିଛନ୍ତି ଗିରଫ ଦଲାଲ କେଶବ। ସେ କହିଛନ୍ତି, ଗରିବ ଓ ଅସହାୟ ଝିଅଙ୍କୁ ଆଣିବା ଅତି ସହଜ ହୋଇଥାଏ। ତେଣୁ ସେମାନେ ବିଭିନ୍ନ ଜିଲାରୁ ଏଜେଣ୍ଟଙ୍କ ସାହାଯ୍ୟରେ ସେମାନଙ୍କୁ ଚିହ୍ନଟ ପରେ ପରିବାର ସହ ଯୋଗାଯୋଗ କରାଯାଇଥାଏ। ଝିଅ ରାଜଧାନୀରେ ଭଲ ଚାକିରିରେ ଲଗାଇ ଦେବାକୁ କହି ଏଠାକୁ ଆଣନ୍ତି। ପରେ ବଳାତ୍କାର କରି ବ୍ଲାକ୍‌ମେଲିଂ ହେଉ ଅବା ପ୍ରେମ ବାହାନାରେ ଫସାଇ ଦେହ ବ୍ୟବସାୟରେ ଲଗାନ୍ତି।
ଘରୋଇ ଟ୍ୟାକ୍ସିରେ ଯୁବତୀଙ୍କୁ ପଠାଉଥିଲେ
ଅନ୍‌ଲାଇନ୍‌ରେ ଗ୍ରାହକ ଠିକ୍‌ ହେବା ପରେ ଯୁବତୀଙ୍କୁ ଗ୍ରାହକଙ୍କ ନିକଟକୁ ପଠାଇବା ଦାୟିତ୍ୱ କେଶବଙ୍କର ରହିଥିଲା। କେଶବ ଏଥିପାଇଁ ନିର୍ଦ୍ଦିଷ୍ଟ ଘରୋଇ ଟ୍ୟାକ୍ସି ବୁକ୍‌ କରୁଥିଲେ। ଏହାପରେ ଯୁବତୀଙ୍କୁ ରହୁଥିବା ଘରୁ କାରରେ ନେଇ ଗ୍ରାହକଙ୍କ ନିକଟରେ ଛାଡୁଥିଲେ। ନିର୍ଦ୍ଧାରିତ ସମୟ ଓ ଗ୍ରାହକ ଫୋନ୍‌ କରିବା ପରେ ପୁଣି କାର ନେଇ ସେଠାରୁ ଯୁବତୀଙ୍କୁ ନେଇ ଆସୁଥିଲେ।
ରିମାଣ୍ଡରେ ଆସିବେ କେଶବ
ପୂର୍ବରୁ ଗିରଫ ହୋଇଥିତ୍ବା ଅଞ୍ଜଳି ଦିଦି, ଇବ୍ରାହିମ୍‌ , ପଞ୍ଚାନନ ପାଢୀ ଓ ତାଙ୍କ ସ୍ତ୍ରୀ ପ୍ରୀତି ପାଢୀଙ୍କ ଲିଙ୍କ୍‌ରେ କେଶବ ରହିଥିବା ଜଣାପଡିଛି। ତେଣୁ କେଶବ କାହାକୁ ରୂପଜୀବୀ ଯୋଗାଉଥିଲେ, ତାଙ୍କ ଅଧୀନରେ କେତେଜଣ ଯୁବତୀ ଅଛନ୍ତି, ଏହା ପଛରେ ଆଉ କିଏ ମାଷ୍ଟରମାଇଣ୍ଡ ରହିଛନ୍ତି କି? ଏମିତି ଆଉ କିଛି ଅଧିକ ତଥ୍ୟ ପାଇବା ପାଇଁ ଏସ୍‌ଟିଏଫ୍‌ କେଶବଙ୍କୁ ୫ଦିନ ରିମାଣ୍ଡରେ ଆଣିବାକୁ କୋର୍ଟରେ ଆବେଦନ କରିବ ବୋଲି ଏସ୍‌ଟିଏଫ୍‌ ଡିଆଇଜି ଜୟ ପଙ୍କଜ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ମେ ୧୮ରୁ ଯୁକ୍ତ ୨ ପରୀକ୍ଷା

ଭୁବନେଶ୍ୱର,୨୪।୨(ବ୍ୟୁରୋ): ମେ ୧୮ରୁ ଜୁନ୍‌ ୧୨ ପର୍ଯ୍ୟନ୍ତ ଯୁକ୍ତ ୨ ପରୀକ୍ଷା ଚାଲିବ ବୋଲି ସ୍କୁଲ ଗଣଶିକ୍ଷା ମନ୍ତ୍ରୀ ସମୀର ରଞ୍ଜନ ଦାଶ ସୂଚନା ଦେଇଛନ୍ତି।...

ରଥ ରଙ୍ଗକାମ ଆରମ୍ଭ

ପୁରୀ ଅଫିସ,୨୫।୬: ଶ୍ରୀନଅର ସମ୍ମୁଖ ରଥଖଳାରେ ଚାଲିଛି ରଥକାମ। ରଥଖଳାରେ ପ୍ରଥମ ପର୍ଯ୍ୟାୟ ଭୂଇଁ ଖଞ୍ଜା ସରିବା ପରେ ରଥରେ ଛ’କାଠ ଉଠିଥିଲା। ଏବେ ଦ୍ୱିତୀୟ...

ତାତିଲେ ଏମ୍‌ଡିଏମ୍‌ ପାଚିକା ସହାୟିକା

ମୁରିବାହାଲ, ୧୩।୧୦ (ଡି.ଏନ.ଏ.) ନିଖିଳ ଓଡିଶା ମଧ୍ୟାହ୍ନଭୋଜନ(ଏମଡିଏମ) ପାଚିକା ସହାୟକ ସଂଘ ବଲାଙ୍ଗୀର ଜିଲା କମିଟି ତରଫରୁ ୩ ଦଫା ଦାବି ନେଇ ସୋମବାର ମୁରିବାହାଲ...

ଗରିବଙ୍କୁ ଖାଦ୍ୟ ଯୋଗାଇବ ମୋବାଇଲ୍‌ ଫୁଡ୍‌ ବ୍ୟାଙ୍କ୍‌

ଭୁବନେଶ୍ୱର,୧୭ା୧(ବ୍ୟୁରୋ): କ୍ଷୁଧା ଦୂରୀକରଣ ତଥା ଗରିବଙ୍କୁ ଖାଦ୍ୟ ଯୋଗାଇବା ଲକ୍ଷ୍ୟରେ ଭୁବନେଶ୍ୱରସ୍ଥିତ ‘ସୋ ଆମ୍‌ ଆଇ(ସାଇ) ଫାଉଣ୍ଡେଶନ ଟ୍ରଷ୍ଟ’ ପକ୍ଷରୁ ‘ହଙ୍ଗର୍‌ ଫ୍ରି ଓଡ଼ିଶା’ କ୍ୟାମ୍ପେନ୍‌...

ଆଜି ବିନା ସୂଚନାରେ ରାଜ୍ୟକୁ ଆସୁଛନ୍ତି ୨୦ ହଜାରରୁ ଅଧିକ ପ୍ରବାସୀ

ଭୁବନେଶ୍ୱର,୨୪।୫(ବ୍ୟୁରୋ): ତେଲଙ୍ଗାନାରୁ ଶନିବାର ରାତିରୁ ଓଡ଼ିଶାକୁ ୧୨ଟି ସ୍ବତନ୍ତ୍ର ଟ୍ରେନ୍‌ ବାହାରିଛି। ଏହି ଟ୍ରେନ୍‌ ବିଷୟରେ ତେଲେଙ୍ଗାନା ସରକାରଙ୍କ ପକ୍ଷରୁ କୌଣସି ସୂଚନା ଦିଆଯାଇନାହିଁ। ଭାରତୀୟ...

୧୨ ଚୋରା ବାଇକ ଜବତ: ୨ ଗିରଫ

କଟକ ରୋଡ଼, ୩୧।୫(ଡି.ଏନ୍‌.ଏ.): ରାଜଧାନୀର ବିଭିନ୍ନ ଥାନା ଅଞ୍ଚଳରୁ ବାଇକ ଚୋରି କରୁଥିବା ଏକ ଗ୍ୟାଙ୍ଗର ୨ ଅଭିଯୁକ୍ତଙ୍କୁ ବଡ଼ଗଡ଼ ପୋଲିସ ଶୁକ୍ରବାର ଗିରଫ କରିଛି।...

ପାରାଦୀପଠାରୁ ୯୫ କିମି ଦୂରରେ ‘ବୁଲ୍‌ବୁଲ୍‌’: ଉପକୂଳବର୍ତ୍ତୀ ଜିଲାରେ ଲାଗି ରହିବ ବର୍ଷା

ଭୁବନେଶ୍ୱର,୯।୧୧(ବ୍ୟୁରୋ): ସାମୁଦ୍ରିକ ଝଡ଼ ‘ବୁଲ୍‌ବୁଲ୍‌’ ଏବେ ପାରାଦୀପଠାରୁ ୯୫ କିମି ଦୂରରେ। ଏହା ପୂର୍ବ ଉତ୍ତର ପୂର୍ବ ଦିଗକୁ ମୋଡ଼ ନେବା ଆରମ୍ଭ କରିଛି। ବାତ୍ୟା...

ଶ୍ରୀମନ୍ଦିରର ଭୁଲ୍‌ ଫଟୋ ଲଗାଇ ଅପପ୍ରଚାର

ପୁରୀ ଅଫିସ,୧୮ା୧୧: ଶ୍ରୀମନ୍ଦିରର ଭୁଲ୍‌ ଫଟୋ ବ୍ୟବହାର ଯୋଗୁ ଇଣ୍ଡିଆନ୍‌ ରେଲଓ୍ବେ କ୍ୟାଟରିଙ୍ଗ ଆଣ୍ଡ୍‌ ଟୁରିଜମ୍‌ କର୍ପୋରେଶନ (ଆଇଆର୍‌ସିଟିସି) ଓ ୨ ଓ୍ବେବ୍‌ ନ୍ୟୁଜ୍‌ ସଂସ୍ଥା...

Advertisement


Archives

Model This Week