ସଜନାଗଡ଼,୧୬।୧୨(ଡି.ଏନ୍.ଏ.): ବାଲେଶ୍ୱର ଜିଲା ନୀଳଗିରି ଥାନା ଅଞ୍ଚଳରେ ଜଣେ ଆଦିବାସୀ ଦିବ୍ୟାଙ୍ଗ ନାବାଳିକାଙ୍କୁ ବଳାତ୍କାର କରାଯାଇଥିବା ଅଭିଯୋଗ ହୋଇଛି। ଏହି ଘଟଣା ଶନିବାର ଘଟିଥିବାବେଳେ ରବିବାର ନାବାଳିକାଙ୍କ ପରିବାର ପକ୍ଷରୁ ଥାନାରେ ଅଭିଯୋଗ ହୋଇଥିଲା। ଘରେ କେହି ନ ଥିବା ସୁଯୋଗ ନେଇ ପଡ଼ୋଶୀ ବୁଦ୍ଧିଆ ସିଂ ନାମକ ଜଣେ ଯୁବକ ନାବାଳିକାଙ୍କୁ ବଳାତ୍କାର କରିଥିବା ତାଙ୍କ ବାପା ନୀଳଗିରି ଥାନାରେ ଲିଖିତ ଅଭିଯୋଗ କରିଥିଲେ। ଥାନାରେ କେସ୍ ନଂ.୩୨୮/୧୯ରେ ଏକ ମାମଲା ରୁଜୁକରି ଆଇଆଇସି ମିନତି ବିଶ୍ୱାଳ ସଦଳବଳ ଘଟଣାସ୍ଥଳରେ ପହଞ୍ଚିଥିଲେ। ପରେ ଅଭିଯୁକ୍ତ ବୁଦ୍ଧିଆଙ୍କୁ ଗିରଫ କରାଯାଇଥିବା ଆଇଆଇସି କହିଛନ୍ତି।
