ଦିନେ ଯାତ୍ରା ଦେଖୁ ନ ଥିଲେ, ଏବେ ଯାତ୍ରା କଳାକାର

ଓଡ଼ିଆ ଯାତ୍ରା ଜଗତର ଜଣେ ଆଗଧାଡ଼ିର ଯୁବ କଳାକାର ହେଉଛନ୍ତି ଅରୁଣ କୁମାର ଲେଙ୍କା। ଲୋକପ୍ରିୟ ନାଟକ ‘ଗୁପ୍ତ ସମ୍ପର୍କ’ରେ ଜନଜାତି ଚରିତ୍ରରେ ଅଭିନୟ କରି ସେ ଲୋକଲୋଚନକୁ ଆସିଥିଲେ। ନାଟକର ବଡ଼ଭାଇ ଭୂମିକାରେ ଅଭିନୟ କରି ବେଶ୍‌ ପ୍ରଶଂସା ସାଉଣ୍ଟିଥିଲେ ଅରୁଣ। ଢେଙ୍କାନାଳ ଜିଲାର ସରଦେଈପୁର ଗଁାରେ ଜୟକୃଷ୍ଣ ଲେଙ୍କା ଏବଂ ଅମୂଲ୍ୟ ଲେଙ୍କାଙ୍କ କୋଳରେ ଜନ୍ମଗ୍ରହଣ କରିଥିବା ଅରୁଣ ୧୯୯୭ ମସିହାରେ ଆସିଲେ ଯାତ୍ରାକୁ। ତେବେ ଯାତ୍ରାକୁ ଆସିବା ନେଇ ତାଙ୍କର କୌଣସି ଯୋଜନା ନ ଥିଲା। ଏପରି କି ନା ସେ ଯାତ୍ରା କରିଥିଲେ ନା ଯାତ୍ରା ଦେଖୁଥିଲେ। ଓଲଟି ଯେତେବେଳେ ସାଙ୍ଗମାନେ କହୁଥିଲେ, ଚାଲ ଅମୁକ ଜାଗାରେ ଯାତ୍ରା ହେଉଛି ଦେଖିବାକୁ ଯିବା ସେତେବେଳେ ସେ ହସି ଉଡ଼େଇ ଦେଉଥିଲେ। କହୁଥିଲେ ରାତିରେ ନ ଶୋଇ କିଏ ଯିବ ଯାତ୍ରା ଦେଖିବାକୁ। ମାତ୍ର ଭାଗ୍ୟ ତାଙ୍କୁ ଯାତ୍ରାକୁ ଆଣିବା ପାଇଁ ହିଁ ଯୋଜନା କରିଥିଲା। ସେଥିଲାଗି ଗୋଟେ ଝୁଙ୍କ୍‌ରେ ଅରୁଣ ଆସି ଯୋଗଦେଲେ ଭାରତ ଗଣନାଟ୍ୟରେ। ତେବେ ଯାତ୍ରାକୁ ଆସିବା ପରେ ଆରମ୍ଭ ହେଲା ତାଙ୍କର ଅସଲ ସଂଘର୍ଷ। ପାର୍ଟ ତ ମିଳିଲା ନାହିଁ; ସେ ପାର୍ଟିର ପେଟି, ଚେୟାର ବୋହି ନିଜର ଗୁଜୁରାଣ ମେଣ୍ଟେଇଲେ। କଦବା କ୍ୱଚିତ ଗୁଣ୍ଡା ହୋଇ ନ ହେଲେ କନ୍‌ଷ୍ଟେବଳ ହେଇ ମଞ୍ଚକୁ ଯିବାର ସୁଯୋଗ ମିଳୁଥିଲା। ସେଥିରେ ପୁଣି ନା ଥିଲା ଡାଏଲଗ ନା ଥିଲା ଆକ୍ଟିଂ। କେବଳ ପୋଷାକ ପିନ୍ଧି ମଞ୍ଚକୁ ଯିବା ଆଉ ଆସିବା। ଏମିତିରେ ଗୋଟିଏ ବର୍ଷ ବିତିଲା। ସେ ଭାରତ ଗଣନାଟ୍ୟ ଛାଡ଼ି ଜଗଦ୍ଧାତ୍ରୀ ଗଣନାଟ୍ୟରେ ଯୋଗଦେଲେ। ଏଇ ଜଗଦ୍ଧାତ୍ରୀରେ ହିଁ ସେ ଜଣେ ଆକ୍ଟର ଭାବରେ ଯୋଗଦେଲେ। ଅନୁଷ୍ଠାନର ନାଟକ ମାଣିକ, ମହାପାତ୍ର ଘର ବଡ଼ବୋହୂ, ଅଗଷ୍ଟ ପନ୍ଦର ଭାରତ ବନ୍ଦ ଆଦି ନାଟକରେ ତାଙ୍କୁ ରୋଲ୍‌ ମିଳିଲା। ଭଲ ଚେହେରା ସାଙ୍ଗକୁ ମୁଣ୍ଡରେ ମେଞ୍ଚେ ଚୁଟି ରଖିଥିଲେ। ତେଣୁ ତାଙ୍କୁ ନେଗେଟିଭ୍‌ ଭୂମିକା ପାଇଁ ବଛାଗଲା। ଆଉ ତାହା ବି ତାଙ୍କର ପସନ୍ଦ ଥିଲା। ଇତିମଧ୍ୟରେ ସେ ଯାତ୍ରାରେ ୨୨ବର୍ଷ ଅତିକ୍ରାନ୍ତ କରି ସାରିଲେଣି। ଦୁର୍ଗାଶ୍ରୀ, ତାରପୁର ଅପେରା, ଉତ୍ତରାୟଣୀ ଅପେରା ସାତଶଙ୍ଖ, ଶିବମ୍‌ ଗଣନାଟ୍ୟ, ଅପେରା ମା’ ତାରିଣୀ, ଚିନ୍ମୟୀ ଗଣନାଟ୍ୟ, ବାଣେଶ୍ୱରୀ ଆଦି ଅନୁଷ୍ଠାନରେ ଅଭିନୟ କରି ଏବେ ତିନିବର୍ଷ ଧରି ଯାତ୍ରାଶ୍ରୀ ବିଶ୍ୱଦରବାରରେ ନିଜର ଅଭିନୟ ଜାରି ରଖିଛନ୍ତି। ସେ ଅଭିନୟ କରିଥିବା ନାଟକଗୁଡ଼ିକ ମଧ୍ୟରେ ରହିଛି ଓଏମ୍‌ପି ଛକରେ ଝିଅଟି କିଏ, ନାଲି ସୁଇଟର ନେପାଳି ଝିଅ, ଗୋଲାପି ଦିଦି, କହିବାକୁ ମୋତେ ଲାଜ ଲାଗୁଛି, ଚନ୍ଦ୍ରମଣି ତୁ ମରିଯା, ମିଛ କହିବାକୁ କିଅଁା ଡରିବି, ଦୁନିଆ କହିବ କିଏ ମୋ ସ୍ବାମୀ, ଗୁପ୍ତ ସମ୍ପର୍କ, ଆକାଶ କଇଁଆ ଚିଲିକା ମାଛ, ତମ କଥା ଭାରି ମନେପଡୁଛି ଏବଂ ଆହୁରି ଅନେକ। ଗୋଟେ ସମୟରେ ସେ ଯାତ୍ରାକୁ ଆସିବା କଥା ଘରେ ଜାଣି ନ ଥିଲେ। ଜାଣିବା ପରେ ମନଊଣା ବି କରିଥିଲେ। ହେଲେ ଏବେ ତାଙ୍କୁ ନେଇ ପରିବାର ବେଶ ଖୁସି। ବାପା ଓ ମା’ଙ୍କ ଆଶୀର୍ବାଦ ତଥା ପତ୍ନୀ ସବିତା ଲେକାଙ୍କ ପ୍ରେରଣା ତାଙ୍କୁ ଆଗକୁ ଆଗେଇଯିବାରେ ସହାୟକ ହେଉଛି ବୋଲି କହନ୍ତି ଏହି ଅଭିନେତା।


Enter your email to get our daily news in your inbox.

All Right Reserved By Dharitri.Com

କୁକୁଡ଼ାଙ୍କ ଏହି ୪ ଅଭ୍ୟାସ ଆପଣାଇଲେ ଜୀବନରେ ହେବେ ସଫଳ: ଜାଣନ୍ତୁ କାହିଁକି ଏମିତି କହିଛନ୍ତି ଚାଣକ୍ୟ

ଆଚାର୍ଯ୍ୟ ଚାଣକ୍ୟ ତାଙ୍କ ନୀତି ଶାସ୍ତ୍ରରେ ଅନେକ କିଛି ଉଲ୍ଲେଖ କରିଛନ୍ତି। ଯାହାକୁ ଗ୍ରହଣ କରି ଜଣେ ମଣିଷ ନିଜ ଜୀବନରେ ସଫଳତା ହାସଲ କରି...

ଏହି ୩ ଜିନିଷ ତ୍ୱଚାରେ ଆଣିଥାଏ ଚମକ

ତ୍ୱଚାରେ ଚମକ ଆସିବା ପାଇଁ ଅନେକ ଲୋକ ଚାହିଁଥାନ୍ତି। ଏସବୁ ଜିନିଷ ଆମ ଘରେ ହିଁ ରହିଥାଏ। ସେଥିରୁ ନଡ଼ିଆ ତେଲ, ଘି କୁଆଁରୀ ଏବଂ...

ସୁସ୍ଥ ସ୍ବାସ୍ଥ୍ୟ, ସୁନ୍ଦର ତ୍ୱଚା ପାଇଁ ଆଲୋଭେରା

ଆଲୋଭେରା ଶରୀର ସୁସ୍ଥ ରଖିବା ସହ ସୌନ୍ଦର୍ଯ୍ୟ ବୃଦ୍ଧି କରିବାରେ ସହାୟକ ହୋଇଥାଏ। ଆଲୋଭେରାକୁ ଆୟୁର୍ବେଦ ଭାଷାରେ ଘି କୁଆଁରୀ କୁହାଯାଏ। ଆଲୋଭେରା ବ୍ୟବହାର କଲେ...

ନାଇଟ୍‌ ସିଫ୍ଟ ଓ କର୍ମଜୀବୀ

ଆଗକୁ ବଢ଼ିବାର ଇଚ୍ଛା, ଆଉ କ୍ୟାରିୟର ଗଢ଼ିବାର ଆଗ୍ରହ ପାଇଁ ମହିଳାମାନେ ଯେକୌଣସି ଚ୍ୟାଲେଞ୍ଜକୁ ଗ୍ରହଣ କରି ପାରୁଛନ୍ତି। ଡେ ସିଫ୍ଟ ହେଉ କି ନାଇଟ୍‌...

କରୋନାଜନିତ ଜଳ ପରିଚାଳନା

”୨୦୫୦ ମସିହା ସୁଦ୍ଧା ପୃଥିବୀର ଜନସଂଖ୍ୟା ପ୍ରାୟ ୯୦୦ କୋଟିକୁ ବୃଦ୍ଧି ପାଇବ ବୋଲି ପୂର୍ବାନୁମାନ କରାଯାଏ। ପୃଥିବୀରେ ଗଚ୍ଛିତ ଥିବା ଜଳର ୯୭ ପ୍ରତିଶତ...

ସବୁଠାରୁ ମହଙ୍ଗା ଶାଗ: ସୁନାଠାରୁ ବି ମୂଲ୍ୟ ଅଧିକ

ଅକ୍ଟୋବର ୧୬ ଅର୍ଥାତ୍‌ ଆଜି ହେଉଛି ବିଶ୍ୱ ଖାଦ୍ୟ ଦିବସ। ଏହି ଦିନ ଭୋକରେ ପୀଡିତ ଲୋକଙ୍କ ପାଇଁ ସଚେତନତା କାର୍ଯ୍ୟ କରାଯାଇଥାଏ। ୧୯୪୫ ମସିହା...

ଏହି ୭ ଜିନିଷରେ ଭୁଲରେ ବି ଗୋଡ ବଜାନ୍ତୁ ନାହିଁ କି ମାରନ୍ତୁନି ଗୋଇଠା, ହୋଇଯିବେ ବରବାଦ..

ଆଚାର୍ଯ୍ୟ ଚାଣକ୍ୟ ନିଜର ନୀତିଶାସ୍ତ୍ରରେ ଜୀବନ ସହ ଜଡିତ ବିଭିନ୍ନ ସମସ୍ୟା ଓ ତାର ସମାଧାନ ବିଷୟରେ ଉଲ୍ଲେଖ କରିଛନ୍ତି। ସେ ଅର୍ଥ, ପଦୋନ୍ନତି, ବ୍ୟବସାୟ,...

ସାଥୀଙ୍କ ବ୍ୟକ୍ତିଗତ କଥାରେ ମୁଣ୍ଡ ପୁରାନ୍ତୁ ନାହିଁ

ନୂଆବର୍ଷ ଲାଗି ସମସ୍ତଙ୍କ ମନରେ ଉତ୍ସାହ ଉଦ୍ଦୀପନା ଦେଖିବାକୁ ମିଳିଥାଏ। ବର୍ଷ ଆରମ୍ଭରୁ ବିଭିନ୍ନ ପ୍ରକାର ସଙ୍କଳ୍ପ ନେଇଥାନ୍ତି ଲୋକେ। ପ୍ରେମିଯୁଗଳ ମଧ୍ୟ ସାଥୀଙ୍କୁ ଖୁସି...

Advertisement
Archives

Model This Week