ଦିନକର କାହାଣୀ: ଆଇସ୍‌କ୍ରିମ୍‌ ବେପାରରେ ବେଶ୍‌ ଖୁସୀ

ଢେଙ୍କାନାଳ-ଯୋରନ୍ଦା ରାସ୍ତା ପାର୍ଶ୍ୱରେ ଏକ ଛୋଟିଆ ଗ୍ରାମରେ ରୁହନ୍ତି ମଣିଆ ଭୋଇ (୩୨)। ସ୍ତ୍ରୀ ମହରଗି ଏବଂ ୧୦ମ ପଢୁଆ ପୁଅ ମହେଶ୍ୱରଙ୍କୁ ନେଇ ତାଙ୍କ ପରିବାର। ବର୍ଷର ୮ମାସ ଆଇସ୍‌କ୍ରିମ୍‌ ଏବଂ ଅନ୍ୟ ୪ ମାସ ଚାଷବାସ କରି ସଂସାର ରଥକୁ ବାଟ କଢ଼ାଉ ନେଉଛନ୍ତି ମଣିଆ। ଏଥିରେ ସେ ବେଶ୍‌ ଖୁସୀ ଥିବା କହିଛନ୍ତି।
ମଣିଆଙ୍କ ସୁଆଦିଆ ଆଇସ୍‌କ୍ରିମର ଚାହିଦା କାହିଁରେ କେତେ। ସେ ୫ବର୍ଷ ହେଲା ଏହି ବେପାର କରି ଆସୁଛନ୍ତି। ଏଥିରୁ ଦୈନିକ ୪୦୦ ଟଙ୍କା ଯାଏ ରୋଜଗାର ହେଉଥିବା ସେ କହିଛନ୍ତି। ନିଜ ବ୍ୟକ୍ତିଗତ ଜୀବନ ସମ୍ପର୍କରେ ମଣିଆ କୁହନ୍ତି, ବ୍ୟବସାୟ ପାଇଁ ସେ ସଅଳ ବିଛଣା ଛାଡ଼ନ୍ତି। ପ୍ରାତଃ ସାଢ଼େ ୪ଟା ସୁଦ୍ଧା ନିତ୍ୟକର୍ମ ସହ ସାରିଦିଅନ୍ତି ଠାକୁର ପୂଜା। ଏହାପରେ କ’ଣ ଦିଟା ଖାଇ ୮ଟା ସୁଦ୍ଧା ଆଇସ୍‌କ୍ରିମ୍‌ ଡବା ଧରି ବାହାରି ପଡ଼ନ୍ତି। ସିମିଳିଆ, ସରଖିଆ, କନ୍ଧପଡା, ଜଙ୍ଖିରା, ବେଲଟିକିରି, ଦୁର୍ଗାପ୍ରସାଦ, ବନ୍ଧନୂଆଗାଁ, ଦାନ୍ଦରନାଳି, ପାଟିଆ, ଚନ୍ଦ୍ରଶେଖରପୁର, ନେଉଳପୋଇ ଅଞ୍ଚଳର ଗଳିକନ୍ଦି ସହ ଗ୍ରାମର ସ୍କୁଲ ପାଖରେ ଡମ୍ବରୁ ବଜାଇ ସେ ଆଇସ୍‌କ୍ରିମ୍‌ ବିକିଥାନ୍ତି। ମଧ୍ୟାହ୍ନରେ ଯେଉଁଠି ସୁବିଧା ହୁଏ ସେଠି ଖାଇଦିଅନ୍ତି। ବେଳେବେଳେ ଘରକୁ ମଧ୍ୟ ଆସନ୍ତି। ଅପରାହ୍ନ ୪ଟା ଯାଏ ବିକ୍ରିବଟା ଚାଲେ। ସନ୍ଧ୍ୟାରେ ଘରକୁ ଫେରିଲେ ସଫାସୁତରା ହୋଇ ହନୁମାନଚାଳିଶା ପଢ଼ନ୍ତି। ଏହାପରେ ରାତି ଭୋଜନ କରି ୯ଟାରେ ବିଛଣାକୁ ଯାଆନ୍ତି। ପୁଅ ଏବଂ ସ୍ତ୍ରୀ ଘରକାମ, ଚାଷବାସ କଥା ବୁଝନ୍ତି। ନିଜର ରୁଚି ସମ୍ପର୍କରେ ସେ କୁହନ୍ତି, ତାଙ୍କର ଗୀତ ଗାଇବାରେ ଦୁର୍ବଳତା ଅଛି। ଗଁା କୀର୍ତ୍ତନମଣ୍ଡଳୀର ସେ ଜଣେ ସଦସ୍ୟ। କର୍ମ ହିଁ ଭଗବାନ। ନିଷ୍ଠାପର ଭାବରେ କାମ କରିଚାଲିଲେ ଭଗବାନ ନିଶ୍ଚିତ ଭଲ ଫଳ ଦେବେ।


Enter your email to get our daily news in your inbox.

All Right Reserved By Dharitri.Com

ଡିହଡୋଳ ବଜାରରେ ଦନ୍ତା ହାତୀ ଆତଙ୍କ: ଭୟଭୀତ ବ୍ୟବସାୟୀ ଓ ସ୍ଥାନୀୟ ବାସିନ୍ଦା

ପରଜଙ୍ଗ, ୧୫।୧୧ (ନିଗମାନନ୍ଦ ଦଳବେହେରା): ଢେଙ୍କାନାଳ ବନଖଣ୍ଡ ଅନ୍ତର୍ଗତ ମହାବିରୋଡ଼ ବନାଞ୍ଚଳର ଡିହଡୋଳ ବନ ବିଭାଗ ସେକ୍ସନ ଅଧୀନ ଡିହଡୋଳ ବଜାର ଅଞ୍ଚଳରେ ରବିବାର ସକାଳେ ଏକ…

ମେଡିକାଲର ୪ ମହିଲାରୁ ଖସି ରୋଗୀଙ୍କ ଜୀବନ ଗଲା, ଆତ୍ମହତ୍ୟା ନା ଆଉ କିଛି ଚାଲିଛି ତନାଘନା

ଢେଙ୍କାନାଳ,୧୪ା୧୧(ରତନ ନାୟାର): ଢେଙ୍କାନାଳ ଜିଲା ମୁଖ୍ୟ ଚିକିତ୍ସାଳୟର ୪ ମହଲାରୁ ଖସିପଡ଼ି ଶୁକ୍ରବାର ବିଳମ୍ବିତ ରାତିରେ ମନୋଜ ଦେହୁରୀ (୩୫) ନାମକ ଜଣେ ରୋଗୀଙ୍କ ମୃତ୍ୟୁ ଘଟିଛି।…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?