ଡିହଡୋଳ ଫରେଷ୍ଟ ସେକ୍ସନରେ ଦନ୍ତା ଆତଙ୍କ: ୨ଚାଷୀଙ୍କୁ ଦାନ୍ତରେ ଭୁସିଦେଲା

ପରଜଙ୍ଗ, ୧୨।୯(ଡି.ଏନ.ଏ.) – ଢେଙ୍କାନାଳ ବନଖଣ୍ଡ ମହାବିରୋଡ ରେଞ୍ଜ ଡିହଡ଼ୋଳ ଫରେଷ୍ଟ ସେକ୍ସନରେ ବୁଧବାର ଏକ ଦନ୍ତାହାତୀ ଆତଙ୍କ ସୃଷ୍ଟି କରିଛି। ହାତୀ ଦାନ୍ତରେ ଭୁସିଦେବାରୁ ୨ଜଣ ଚାଷୀ ଗୁରୁତର ହୋଇଛନ୍ତି। ସେମାନେ ହେଲେ ଚାନ୍ଦପୁର ଗ୍ରାମର ପଞ୍ଚାନନ ସାହୁ (୫୦) ଏବଂ ବାରିହାପୁର ଗ୍ରାମର ଅନ୍ତର୍ଯ୍ୟାମୀ ରାଉଳ (୬୮)। ହାତୀ ମୁହଁରୁ ଜୀବନ ବଞ୍ଚାଇ ଦୌଡ଼ି ପଳାଉଥିବାବେଳେ ଖସିପଡ଼ି ଚାନ୍ଦପୁର ଗ୍ରାମର ଉଷା ସାହୁ, କାମାକ୍ଷାପ୍ରସାଦ ସାହୁ, ଉତ୍ସବ ସାହୁ, ଗୋବିନ୍ଦ ସାହୁ, ତ୍ରିଲୋଚନ ସାହୁ ଆହତ ହୋଇଛନ୍ତି।


ଭୋର୍‌ ସମୟରେ କନ୍ତୁର ଗ୍ରାମ ନିକଟ ଜଙ୍ଗଲରୁ ଉକ୍ତ ହାତୀ ବାହାରି ଚାନ୍ଦପୁର ଗଁ। ମୁହଁ। ହୋଇଥିଲା। ଏହି ସମୟରେ ସଜରାବାହାଳପଶି ଅଞ୍ଚଳରେ ପଞ୍ଚାନନ ଚାଷ କାମ କରୁଥିବାବେଳେ ହାତୀ ତାଙ୍କୁ ପଛପଟୁ ଦାନ୍ତରେ ଭୁସି ଦେଇଥିଲା। ଏହାପରେ ଶୁଣ୍ଢରେ ଉଠାଇ ଫିଙ୍ଗି ଦେଇଥିଲା। ସୂଚନା ପାଇ ପରିବାର ଲୋକେ ପହଞ୍ଚତ୍ ତାଙ୍କୁ ଉଦ୍ଧାର କରି ପ୍ରଥମେ ପରଜଙ୍ଗ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିଲେ। ଅବସ୍ଥା ସଙ୍କଟାପନ୍ନ ହେବାରୁ ତାଙ୍କୁ ମଣ୍ଡାପାଳ ଡାକ୍ତରଖାନାକୁ ସ୍ଥାନାନ୍ତର କରାଯାଇଛି।
ପଞ୍ଚାନନଙ୍କୁ ଆକ୍ରମଣ କରି ଦୌଡ଼ି ପଳାଉଥିବାବେଳେ ବଡ଼ଝରା ଗ୍ରାମ ନିକଟ ରେଙ୍ଗାଳି ମୁଖ୍ୟ ବାମ କେନାଲରେ ଉକ୍ତ ଦନ୍ତା ଖସିପଡ଼ିଥିଲା। ହାତୀଟି ସାଢ଼େ ୭ଟାରୁ ପାଖାପାଖି ଘଣ୍ଟାଏ ଧରି କେନାଲରେ ଫସି ରହିଥିଲା। ଡିହଡ଼ୋଳ, ମୁକ୍ତାପଶି ସେକ୍ସନର ବନ କର୍ମଚାରୀ ପହଞ୍ଚତ୍ ବାଣ ଫୁଟାଇ ଘଉଡ଼ାଇବାକୁ ପରେ ହାତୀ ବାହାରକୁ ଉଠିଥିଲା। ତେବେ ଉତ୍ତ୍ୟକ୍ତ ହାତୀ କେନାଲ ହୁଡ଼ାରେ ଥିବା ଫରେଷ୍ଟ ଗାର୍ଡ ପ୍ରଶାନ୍ତ ସାହୁଙ୍କ ସ୍କୁଟିକୁ ଭାଙ୍ଗି ଚୂରମାର କରିଦେଇଥିଲା। ବନ କର୍ମଚାରୀ ଘଉଡ଼ାଇ ଦେବା ପରେ ଦନ୍ତା ୫୩ନଂ. ଜାତୀୟ ରାଜପଥ ପାର ହୋଇ ବସୋଇ ଅଞ୍ଚଳକୁ ପଶିଯାଇଥିଲା। ଏହି ସମୟରେ ଗୋଧିମୁଣ୍ଡା ଅଞ୍ଚଳରେ ଧାନକ୍ଷେତରେ କାମ କରୁଥିବା ଅନ୍ତର୍ଯ୍ୟାମୀଙ୍କୁ ପିଠିକୁ ଦାନ୍ତରେ ଭୁସି ଦେଇଥିଲା। ସେଠାରେ କାମ କରୁଥିବା ଅନ୍ୟ ଚାଷୀମାନେ ତାଙ୍କୁ ଉଦ୍ଧାର କରି ପରଜଙ୍ଗ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିଲେ। ଅବସ୍ଥା ବିଗିଡ଼ିଯିବାରୁ ତାଙ୍କୁ ୧୦୮ ଆମ୍ବୁଲାନ୍ସରେ ଢେଙ୍କାନାଳ ଏବଂ ପରେ କଟକ ସ୍ଥାନାନ୍ତର କରାଯାଇଛି।
ରେଞ୍ଜର ହରମୋହନ ନାୟକ, ଫରେଷ୍ଟର ରାମଚନ୍ଦ୍ର ରାଉତ, ଗାର୍ଡ ପହଞ୍ଚତ୍ ତଦନ୍ତ ଆରମ୍ଭ କରିଛନ୍ତି। ବନ ବିଭାଗ ପକ୍ଷରୁ ଅନ୍ତର୍ଯ୍ୟାମୀଙ୍କ ଚିକିତ୍ସା ପାଇଁ ୫ ହଜାର ଟଙ୍କା ପ୍ରଦାନ କରାଯାଇଛି। ଉକ୍ତ ଦନ୍ତାକୁ ନେଇ ଅଞ୍ଚଳବାସୀ ଭୟଭୀତ ହୋଇପଡ଼ିଛନ୍ତି।


Enter your email to get our daily news in your inbox.

All Right Reserved By Dharitri.Com

ଡିହଡୋଳ ବଜାରରେ ଦନ୍ତା ହାତୀ ଆତଙ୍କ: ଭୟଭୀତ ବ୍ୟବସାୟୀ ଓ ସ୍ଥାନୀୟ ବାସିନ୍ଦା

ପରଜଙ୍ଗ, ୧୫।୧୧ (ନିଗମାନନ୍ଦ ଦଳବେହେରା): ଢେଙ୍କାନାଳ ବନଖଣ୍ଡ ଅନ୍ତର୍ଗତ ମହାବିରୋଡ଼ ବନାଞ୍ଚଳର ଡିହଡୋଳ ବନ ବିଭାଗ ସେକ୍ସନ ଅଧୀନ ଡିହଡୋଳ ବଜାର ଅଞ୍ଚଳରେ ରବିବାର ସକାଳେ ଏକ…

ମେଡିକାଲର ୪ ମହିଲାରୁ ଖସି ରୋଗୀଙ୍କ ଜୀବନ ଗଲା, ଆତ୍ମହତ୍ୟା ନା ଆଉ କିଛି ଚାଲିଛି ତନାଘନା

ଢେଙ୍କାନାଳ,୧୪ା୧୧(ରତନ ନାୟାର): ଢେଙ୍କାନାଳ ଜିଲା ମୁଖ୍ୟ ଚିକିତ୍ସାଳୟର ୪ ମହଲାରୁ ଖସିପଡ଼ି ଶୁକ୍ରବାର ବିଳମ୍ବିତ ରାତିରେ ମନୋଜ ଦେହୁରୀ (୩୫) ନାମକ ଜଣେ ରୋଗୀଙ୍କ ମୃତ୍ୟୁ ଘଟିଛି।…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?