ଟ୍ରଲି ବ୍ୟାଗ୍‌ରେ ଗଞ୍ଜେଇ ଚାଲାଣ

ଭୁବନେଶ୍ୱର,୧୮ା୫(ବ୍ୟୁରୋ): ରାତାରାତି ବିପୁଳ ଟଙ୍କା ରୋଜଗାର କରିବା ନିଶା ଏବେ ଗଞ୍ଜେଇ ମାଫିଆଙ୍କୁ ଘାରିଛି। ଅତି ଚତୁରତାର ସହ ନୂଆ ତରିକାରେ ଚାଲୁଛି ଗଞ୍ଜେଇ ଚାଲାଣ। ପୋଲିସ ଓ ଅବକାରୀ ବିଭାଗ କବଳରୁ ଖସିବାକୁ ମଧ୍ୟ ବଦଳାଉଛନ୍ତି କାରବାରର ଧାରା। ଏହି କାରବାରରେ ଏବେ ମହିଳାଙ୍କୁ ନିୟୋଜିତ କରାଯାଉଥିବା ଦେଖିବାକୁ ମିଳୁଛି। ସେହିଭଳି ଚାଲାଣରେ ନୂଆ ନୂଆ ପନ୍ଥା ଆପଣାଉଛନ୍ତି ଗଞ୍ଜେଇ ମାଫିଆ। ଖଣ୍ଡଗିରି ପୋଲିସ ଜଣେ ମହିଳାଙ୍କୁ ଗିରଫ କରିବା ପରେ ଗଞ୍ଜେଇ ଚାଲାଣର ଆଉ ଏକ ଅଭିନବ କୌଶଳ ପଦାକୁ ଆସିଛି। ଟ୍ରଲି ବ୍ୟାଗ୍‌ରେ ଗଞ୍ଜେଇ ଚାଲାଣ କରୁଥିଲେ ମହିଳା। ତାଙ୍କଠାରୁ ୧୫ଲକ୍ଷ ଟଙ୍କାର ୪୮ କେଜି ଗଞ୍ଜେଇ ଜବତ କରିଛି ପୋଲିସ। ଶୁକ୍ରବାର ପୋଲିସ ଏକ ମାମଲା ରୁଜୁ କରି ସମ୍ପୃକ୍ତ ମହିଳାଙ୍କୁ କୋର୍ଟ ଚାଲାଣ କରିଛି। ସେ ହେଲେ ବ୍ରହ୍ମପୁର ଧର୍ମନଗର ଅଞ୍ଚଳର ନିମିତା ବେହେରା (୪୦)। ଭୁବନେଶ୍ୱରର ଖୁଚୁରା ବେପାରୀଙ୍କୁ ସେ ଗଞ୍ଜେଇ ଦେବାକୁ ଆସିଥିବା ପୋଲିସ ଅନୁମାନ କରୁଛି।
ପଚରାଉଚରାବେଳେ ପୋଲିସକୁ ବହୁ ତଥ୍ୟ ମିଳିଛି। ନିମିତା ଜଣେ ପେସାଦାର ଗଞ୍ଜେଇ ବେପାରୀ। ସେ ଦୀର୍ଘଦିନ ହେବ ଗଞ୍ଜାମ ଜିଲାରେ ଗଞ୍ଜେଇ ବେପାର କରି ଆସୁଛନ୍ତି। ଏପରିକି ସେ ପୂର୍ବରୁ ମଧ୍ୟ ସେଠାରେ ଧରାପଡିଛନ୍ତି। ତେଣୁ ଗଞ୍ଜାମ ପୋଲିସ ନଜରରୁ ବର୍ତ୍ତିବା ପାଇଁ ଜିଲା ବାହାରକୁ ଗଞ୍ଜେଇ ଚାଲାଣ କରନ୍ତି। ଭୁବନେଶ୍ୱରରେ ତାଙ୍କର ବହୁ ଖୁଚୁରା ବେପାରୀ ରହିଛନ୍ତି। ୪ଟି ଟ୍ରଲି ବ୍ୟାଗ୍‌ରେ ୪୮ କେଜି ଗଞ୍ଜେଇ ଭର୍ତ୍ତି କରି ବସ୍‌ରେ ଶୁକ୍ରବାର ସକାଳେ ଭୁବନେଶ୍ୱରରେ ପହଞ୍ଚତ୍ଥିଲେ। ଜଣେ ମହିଳା ଏତେ ଟ୍ରଲି ବ୍ୟାଗ୍‌ ନେଉଥିବା ଦେଖି ବରମୁଣ୍ଡା ବସ୍‌ ଷ୍ଟାଣ୍ଡରେ ଥିବା ପୋଲିସ ସୂଚନାଦାତାଙ୍କ ସନ୍ଦେହ ହୋଇଥିଲା। ସେମାନେ ଖଣ୍ଡଗିରି ପୋଲିସକୁ ଜଣାଇଥିଲେ। ସକାଳ ପ୍ରାୟ ୮ଟାରେ ଖଣ୍ଡଗିରି ପୋଲିସ ବସ୍‌ଷ୍ଟାଣ୍ଡକୁ ଯାଇ ନିମିତାଙ୍କୁ ଅଟକାଇ ପଚରାଉଚରା କରିବା ସହ ଯାଞ୍ଚ ପରେ ଘଟଣାର ପର୍ଦ୍ଦାଫାଶ ହୋଇଥିଲା। ହେଲେ ସେ ଗଞ୍ଜେଇ କେଉଁଠିକୁ ନେଉଥିଲେ ଓ କେଉଁମାନଙ୍କ ସହ ଏହି କାରବାର କରିଛନ୍ତି, ତାହା ଜାଣିବାକୁ ଚାହିଁଥିଲେ ମଧ୍ୟ ସେ କିଛି ବି ଉତ୍ତର ଦେଇ ନ ଥିଲେ। ଏପରିକି ଏହି ର଼୍ୟାକେଟର ମାଷ୍ଟର ମାଇଣ୍ଡ୍‌ ସମ୍ପର୍କରେ ନିମିତା କିଛିବି ପାଟି ଖୋଲି ନାହାନ୍ତି। ସେ ଏକୁଟିଆ ହିଁ ଗଞ୍ଜେଇ ବେପାର କରୁଥିବା କହିଥିଲେ ମଧ୍ୟ ପୋଲିସ ଏହାକୁ ସହଜରେ ଗ୍ରହଣ କରିପାରୁନି। ପୋଲିସ ଜାଣିବାକୁ ପାଇଛି ଯେ, ମହିଳା ଜଣକ ଏହି ର଼୍ୟାକେଟର ମାଷ୍ଟରମାଇଣ୍ଡ୍‌ ଦ୍ୱାରା ପରିଚାଳିତ। ଗଞ୍ଜେଇକୁ ଠିକଣା ସ୍ଥାନରେ ପହଞ୍ଚାଇବା ହେଉଛି ମୁଖ୍ୟ କାର୍ଯ୍ୟ। ଗଞ୍ଜେଇ ପରିମାଣ ଅନୁସାରେ ସେ ପାଉଣା ପାଇଥାନ୍ତି। ୧୦ କେଜି ଗଞ୍ଜେଇ ଚାଲାଣ କଲେ ୭୦ ହଜାର ଟଙ୍କା କମିଶନ ପାଇଥାନ୍ତି। ଏହି ର଼୍ୟାକେଟରେ ଆହୁରି ଅନେକ ମହିଳା ସଂପୃକ୍ତଥିବା ପୋଲିସ ଜାଣିବାକୁ ପାଇଛି। ମାଷ୍ଟରମାଇଣ୍ଡ୍‌ ସହ ଅନ୍ୟମାନଙ୍କୁ ଶୀଘ୍ର ଗିରଫ କରାଯିବ ବୋଲି ପୋଲିସ କହିଛି।


Enter your email to get our daily news in your inbox.

All Right Reserved By Dharitri.Com

ଶ୍ରୀମନ୍ଦିରରେ ପ୍ରଥମାଷ୍ଟମୀ

ପୁରୀ ଅଫିସ, ୨୧।୧୧: ଶ୍ରୀମନ୍ଦିରରେ ବୁଧବାର ପବିତ୍ର ପ୍ରଥମାଷ୍ଟମୀ ପାଳନ ଅବସରରେ ସ୍ବତନ୍ତ୍ର ପୂଜାବିଧି ଅନୁଷ୍ଠିତ ହୋଇଥିଲା। ଭୋଗ ମଣ୍ଡପ ବଢିବା ପରେ ତିନିବାଡ଼ରେ ମଇଲମ...

ରିଲାଏନ୍ସର ୩ ବିଦ୍ୟୁତ୍‌ ବିତରଣ କମ୍ପାନୀ ବକେୟା ୪୨୩୪ କୋଟି

ଭୁବନେଶ୍ୱର, ୧୩।୩(ବ୍ୟୁରୋ): ବିଦ୍ୟୁତ୍‌ ଦର ବୃଦ୍ଧି ପାଇଁ ଓଡ଼ିଶା ବିଦ୍ୟୁତ୍‌ ନିୟାମକ ଆୟୋଗ (ଓଇଆର୍‌ସି)ରେ ଶୁଣାଣି ଚାଲିଥିବା ବେଳେ ଖାଉଟି ଏହାର ପ୍ରବଳ ବିରୋଧ କରୁଛନ୍ତି।...

ପିସିସିଏମଫ୍‌ ବନ୍ୟପ୍ରାଣୀଙ୍କ ଇସ୍ତଫା ଦାବି ତେଜିଲା

ଭୁବନେଶ୍ୱର, ୧୮।୫(ବ୍ୟୁରୋ): ଚନ୍ଦକାରେ ନନ୍ଦନକାନନର ପୋଷା ହାତୀ ‘ନନ୍ଦ’ର ମୃତ୍ୟୁକୁ ନେଇ ଥମୁନି ବିବାଦ। ପରିଚାଳନାଗତ ତ୍ରୁଟି ଯୋଗୁ ହାତୀଟିର ମୃତ୍ୟୁ ହୋଇଥିବା କୁହାଯାଉଥିବାବେଳେ ପିସିସିଏଫ୍‌...

ରଥାରୂଢ ହେଲେ ଚତୁର୍ଦ୍ଧାମୂର୍ତ୍ତି

ପୁରୀ ଅଫିସ,୧।୭: ଆଜି ବିଶ୍ୱ ପ୍ରସିଦ୍ଧ ଘୋଷଯାତ୍ରା। ଦୀର୍ଘ ଦୁଇ ବର୍ଷ ପରେ ବଡ଼ଦାଣ୍ଡରେ ଭକ୍ତ ଓ ଭଗବାନଙ୍କ ମିଳନ ହେଉଛି । ତେବେ ଚତୁର୍ଦ୍ଧାମୂର୍ତ୍ତିଙ୍କ...

ମା’ ମାଣିକେଶ୍ୱରୀଙ୍କ ଛତର ଯାତ୍ରାରେ ପଶୁବଳି ବନ୍ଦ ପାଇଁ ପଦକ୍ଷେପ:ଲୋକଙ୍କୁ ସଚେତନ କରିବ ପୋଲିସ ପ୍ରଶାସନ

ଭବାନୀପାଟଣା,୨୨।୯(ଡି.ଏନ.ଏ.) କଳାହାଣ୍ଡି ଜିଲାର ଇଷ୍ଟଦେବୀ ମା’ ମାଣିକେଶ୍ୱରୀଙ୍କ ଛତର ଯାତ୍ରା ଅକ୍ଟୋବର ୬ ତାରିଖ (ରବିବାର) ମହାସମାରୋହରେ ଅନୁଷ୍ଠିତ ହେବ । ପୋଲିସ ପ୍ରଶାସନ ତରଫରୁ...

ବାଲ୍ୟ ବିବାହକୁ ବିରୋଧ କରି ଆତ୍ମନିର୍ଭରଶୀଳ ହେଲେ ୨ ଝିଅ

ଭୁବନେଶ୍ୱର,୩୧ା୭(ବ୍ୟୁରୋ): ବାଲ୍ୟବିବାହ ଏକ ଘୃଣ୍ୟ ସାମାଜିକ ପ୍ରଥା। ଏହି କୁପ୍ରଥା ବିରୋଧରେ ଆଇନ ପ୍ରଣୟନ ହୋଇଥିଲେ ବି ଗଁା ଗହଳିରେ ଅନେକ ଝିଅ ବାଲ୍ୟ ବିବାହର...

ଶପଥ ନେଲେ ନବୀନଙ୍କ ନୂଆ ଟିମ୍‌

ଭୁବନେଶ୍ୱର,୫।୬(ବ୍ୟୁରୋ): ଶପଥ ନେଲେ ନବୀନଙ୍କ ନୂଆ ଟିମ୍‌। ରବିବାର ଲୋକ ସେବା ଭବନର କନ୍‌ଭେନ୍‌ସନ୍‌ ହଲ୍‌ରେ ଆୟୋଜିତ ଭବ୍ୟ ଶପଥ ଗ୍ରହଣ ସମାରୋହରେ ରାଜ୍ୟପାଳ ଗଣେଶୀ...

ସମ୍ବର ମାଂସ ଭାଗ କଲା ବେଳେ ଧରାପଡ଼ିଲେ ଶିକାରୀ

ଉଦଳା,୧୩।୨: ମୟୂରଭଞ୍ଜ ଜିଲା ଉଦଳା ବନ ବିଭାଗ ବନାଞ୍ଚଳ ଅଧୀନ ଅଙ୍ଗାରପଡ଼ା ଗ୍ରାମରେ ଚଢ଼ାଉ କରି ସମ୍ବର ମାଂସ ଜବତ କରିଛି। ଏପରି କି ଅଧିକାରୀମାନେ...

Advertisement
Archives

Model This Week