ଖଣ୍ଡପଡା,୨୫ା୫(ସ୍ବ.ପ୍ର.): ସବୁଜସୁନ୍ଦର ପରିବେଶରେ ଦୃଶ୍ୟ ହେଉଥିବା ଅଣୁଜୀବଠାରୁ ଆରମ୍ଭ କରି ବିରାଟକାୟ ହସ୍ତୀ, ତିମି ଓ ଜଳଜୀବ ଆଦିଙ୍କ ସମାହାରକୁ ଜୈବ ବିବିଧତା କୁହାଯାଏ ା ଏଥିରୁ ଗୋଟିକର ଅଭାବରେ ଅନ୍ୟମାନେ ପରୋକ୍ଷରେ ଅବା ପ୍ରତ୍ୟକ୍ଷରେ ପ୍ରଭାବିତ ହୋଇଥାନ୍ତି। ମାନବ ସମାଜ ଏମାନଙ୍କ ଉପରେ ନିର୍ଭର କରି ବଞ୍ଚତ୍ଥାନ୍ତି। ଏଣୁ କୁହାଯାଏ ଗଛଲତା ସହିତ ପଶୁପକ୍ଷୀ, କୀଟପତଙ୍ଗ, ସରୀସୃପ ଆଦି ବଞ୍ଚତ୍ ନ ରହିଲେ ମନୁଷ୍ୟ ସମାଜ ତିଷ୍ଠିପାରିବ ନାହିଁ। ବୁଧବାର ବିଶ୍ୱ ଜୈବ ବିବିଧତା ସୁରକ୍ଷା ଦିବସ ଅବସରରେ ଖଣ୍ଡପଡ଼ା ବ୍ଲକ କଣ୍ଟିଲୋଠାରେ ଏକ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ପରିବେଶବିତ୍ ଅନ୍ତର୍ଯ୍ୟାମୀ ସାହୁଙ୍କ ଦ୍ୱାରା ବାପୁଜୀନଗରଠାରେ ଆୟୋଜିତ କାର୍ଯ୍ୟକ୍ରମରେ ଯୁବକସଂଘର ସଦସ୍ୟମାନେ ଯୋଗଦେଇ ଜୈବ ବିବିଧତା ସୁରକ୍ଷା ସମ୍ପର୍କରେ ଆଲୋଚନା କରିଥିଲେ। ଦୀର୍ଘ ୫୮ବର୍ଷ ହେଲା ବୃକ୍ଷରୋପଣ ଓ ପରିବେଶ ସୁରକ୍ଷାକୁ ଜୀବନର ଲକ୍ଷ୍ୟ ରୂପେ ଗ୍ରହଣ କରିଥିବା ସାହୁ କିପରି ଉଜୁଡା ଜଙ୍ଗଲକୁ ସଂରକ୍ଷଣ କରିପାରିଛନ୍ତି, ବନ୍ୟ ପଶୁପକ୍ଷୀଙ୍କ ସୁରକ୍ଷା ପାଇଁ ଜନସଚେତନତା ସୃଷ୍ଟି କରୁଛନ୍ତି ସେ ସମ୍ପର୍କରେ ଅବଗତ କରିଥିଲେ। ସେହିପରି ବାଇଚଢେଇ ଓ ଘରଚଟିଆଙ୍କ ବଂଶବୃଦ୍ଧି ପାଇଁ ରାସ୍ତା, ମାଳବନ୍ଧ କଡରେ ତାଳ, ଖଜୁରି ଗଛ ରୋପଣ କରିବା ସମ୍ପର୍କରେ ସଚେତନତା ସୃଷ୍ଟି କରିଥିଲେ। ବିଶେଷ କରି ସମ୍ପ୍ରତି ଗ୍ରୀଷ୍ମ ପ୍ରବାହ ସମୟରେ ଜୀବଜନ୍ତୁ ତଥା ପଶୁପକ୍ଷୀଙ୍କ ପାଇଁ ପକ୍ଷୀ ନିବାସ ସହ ସେମାନଙ୍କ ତୃଷା ମେଣ୍ଟାଇବା ଲାଗି ବିଭିନ୍ନ ସ୍ଥାନରେ ଜଳପାତ୍ର ସ୍ଥାପନ କରିବାକୁ ପରାମର୍ଶ ଦେଇଥିଲେ। ମହୁମାଛି, ପ୍ରଜାପତି, ଭ୍ରମର ଆଦିଙ୍କ ଆହାର ପାଇଁ ଗଛରୁ ଅଧିକ ଫୁଲ ନ ତୋଳି ଛାଡିଦେବାକୁ କହିଥିଲେ। ନିଜେ ବଞ୍ଚତ୍ ଅନ୍ୟକୁ ବଞ୍ଚାଇବା ଉପରେ ସାହୁ ଗୁରୁତ୍ୱାରୋପ କରିଥିଲେ। ଆୟୋଜିତ କାର୍ଯ୍ୟକ୍ରମରେ କ୍ଲବର ସମସ୍ତ ସଦସ୍ୟଙ୍କ ସହିତ ସ୍ଥାନୀୟ ଅଞ୍ଚଳର ଅରୁଣ, ଅଶ୍ୱିନୀ, ପିନୁ, ଶିବୁ, ପ୍ରଭାତ ପ୍ରମୁଖ ଯୋଗଦେଇଥିଲେ।
