ନୂଆଦିଲ୍ଲୀ, ୪।୧୧ (ପି.ଟି.)- ସୋମବାରଠାରୁ ଆରମ୍ଭ ହେବାକୁ ଥିବା ଭାରତୀୟ ଜୁନିୟର ମହିଳା ହକି ଦଳର କ୍ୟାମ୍ପ୍ ଲାଗି ୩୯ ଜଣିଆ କୋର୍ ଗ୍ରୁପ୍ ତାଲିକା ପ୍ରକାଶ କରିଛି। ବେଙ୍ଗାଲୁରୁସ୍ଥିତ ଭାରତୀୟ କ୍ରୀଡ଼ା ପ୍ରାଧିକରଣ (ସାଇ) କେନ୍ଦ୍ରରେ କୋଚ୍ ବଲ୍ଜିତ୍ ସିଂ ସଇନିଙ୍କ ପ୍ରତ୍ୟେକ୍ଷ ତତ୍ତ୍ୱାବଧାନରେ ଏହି ପ୍ରଶିକ୍ଷଣ ଶିବିର ନଭେମ୍ବର ୨୮ ପର୍ଯ୍ୟନ୍ତ ଅନୁଷ୍ଠିତ ହେବ। ଭାରତୀୟ ଜୁନିୟର ମହିଳା ଦଳ ଡିସେମ୍ବର ୩ରୁ ଅଷ୍ଟ୍ରେଲିଆରେ ହେବାକୁ ଥିବା ତ୍ରି-ରାଷ୍ଟ୍ରୀୟ ପ୍ରତିଯୋଗିତାରେ ଅଂଶଗ୍ରହଣ କରିବାର କାର୍ଯ୍ୟସୂଚୀ ରହିଛି। ଘରୋଇ ଅଷ୍ଟ୍ରେଲିଆ ବ୍ୟତୀତ ୩ୟ ଦଳ ଭାବେ ନ୍ୟୁଜିଲାଣ୍ଡ ଏଥିରେ ଅଂଶଗ୍ରହଣ କରିବ। ଏହି ପ୍ରତିଯୋଗିତା ଲାଗି କ୍ୟାମ୍ପରୁ ଖେଳାଳି ମନୋନୀତ କରାଯିବ। ଏହି ୩୯ ଜଣିଆ କୋର୍ ଗ୍ରୁପ୍ ତାଲିକାରେ ଓଡ଼ିଶାର ୩ ଜଣ ଖେଳାଳି ସ୍ଥାନ ପାଇଛନ୍ତି। ସେମାନେ ହେଲେ ମିଡ୍ଫିଲ୍ଡର ମାରିଆନା କୁଜୁର, ଅଜମିନ କୁଜୁର ଓ ଫର୍ଓ୍ବାର୍ଡ ଜୀବନ କିଶୋରୀ ଟପ୍ପୋ।
୩୯ ଜଣିଆ କୋର୍ ଗ୍ରୁପ୍ ତାଲିକା: ରଶନପ୍ରୀତ୍ କୌର, ଖୁସ୍ବୁ, ଏଫ୍. ରାମେଙ୍ଗମାଓ୍ବି (ସମସ୍ତେ ଗୋଲ୍କିପର), ପ୍ରିୟଙ୍କା, ସିମରନ ସିଂ, ମାରିନା ଲାଲରାମଙ୍ଗହାକି, ଗଗନଦୀପ୍ କୌର, ଇଶିକା ଚୌଧୁରୀ, ଜ୍ୟୋତିକା କଲସି, ସୁମିତା, ଅଖଶାତ ଢେକାଲେ, ଉଷା, ପ୍ରଣୀତ୍ କୌର, ମହିମା ଚୌଧୁରୀ, ସୁମନ ଦେବୀ ଥୋଉଡାମ (ସମସ୍ତେ ଡିଫେଣ୍ଡର୍ସ), ବଲ୍ଜିତ୍ କୌର, କିରନଦୀପ୍ କୌର, ପ୍ରଭାଲୀନ କୌର, କବିତା ବାଗଡି, ବଲ୍ଜିନ୍ଦର କୌର, ସୁଷମା କୁମାରୀ, ରୀତା, ଚେତନା, ବିଛୁ ଦେବୀ ଖାରିବାମ୍ (ସମସ୍ତେ ମିଡ୍ଫିଲ୍ଡର୍ସ), ମୁମତାଜ ଖାଁ, ବିୟୁଟି ଡୁଙ୍ଗ୍ଡୁଙ୍ଗ୍, ଗୁର୍ମାଇଲ କୌର, ଦୀପିକା, ଲାଲରିଣ୍ଡିଙ୍କି, ଜୀବନ କିଶୋରୀ ଟପ୍ପୋ, ରୁତୁଜା ପିସାଲ୍, ସଙ୍ଗୀତା କୁମାରୀ, ଯୋଗିତା ବୋରା, ଅନୁ, ଶର୍ମିଳା ଦେବୀ (ସମସ୍ତେ ଫର୍ଓ୍ବାର୍ଡ)।
