ନୂଆପଡା ଅଫିସ,୨୭।୯-କେନ୍ଦ୍ରର ମୋଦି ସରକାରଙ୍କ ସମୟରେ ଜାତିର ପିତା ମହାତ୍ମା ଗାନ୍ଧୀଙ୍କୁ କମ୍ ତାଙ୍କ ହତ୍ୟାକାରୀ ନାଥୁରାମ ଗଡସେଙ୍କୁ ମର୍ଯ୍ୟାଦା ଦେଉଛନ୍ତି। ଏହାକୁ ନୂଆପଡା ଜିଲା କଂଗ୍ରେସ ତୀବ୍ର ବିରୋଧ କରିବ। ବାପୁଜୀଙ୍କ ନୀତି ଏବଂ ଆଦର୍ଶର ପ୍ରଚାର ପ୍ରସାର ସକାଶେ ଆସନ୍ତା ଅକ୍ଟୋବର ୨ ଗାନ୍ଧୀ ଜୟନ୍ତୀଠାରୁ ଜିଲାବ୍ୟାପି ଗଣପଦଯାତ୍ରା କରାଯିବାକୁ ସ୍ଥିରି ହୋଇଥିବା ଜିଲା କଂଗ୍ରେସ ସଭାପତି ଘାସିରାମ ମାଝି ଏକ ଖବରଦାତା ସମ୍ମିଳନୀରେ ସୂଚନା ଦେଇଛନ୍ତି। ଗୁରୁବାର ପୂର୍ବାହ୍ନ ୧୧ଟାରେ ଜିଲା କଂଗ୍ରେସ କାର୍ଯ୍ୟାଳୟରେ ଆହୂତ ସମ୍ମିଳନୀରେ ସଭାପତି ମାଝିଙ୍କ ସହ ରାଜ୍ୟ କାର୍ଯ୍ୟ କାରିଣୀ ସଦସ୍ୟ ହାଲ୍ଲା ସିଂ, ଜଗଦିଶ ସାହୁ, ଯୁବ କଂଗ୍ରେସ ସାଧାରଣ ସମ୍ପାଦକ ରବୀନ୍ଦ୍ର ମଙ୍ଗରାଜ, ଖରିଆରରୋଡ ନଗର କଂଗ୍ରେସ ମହମ୍ମଦ ଜୁନେଦ, ଗଣପତ ରାଉତ, କୁଲଦୀପ ସୁରଜ ପ୍ରମୁଖ ଉପସ୍ଥିତ ଥିଲେ। ଏହି ଅବସରରେ ଜିଲା ସଭାପତି କହିଥିଲେ ଯେ ମୋଦି ସରକାର ବାପୁଜୀଙ୍କୁ ଅବହେଳା କରିବା ସହ ନାଥୁରାମ ଭଳି ଦୁଶ୍ଚରିତ୍ରକୁ ମର୍ଯ୍ୟାଦା ଦେଉଛନ୍ତି ା ଏହାକୁ କଂଗ୍ରେସ ତୀବ୍ର ବିରୋଧ କରୁଛି । ଅନ୍ୟପକ୍ଷେ ବାପୁଜୀଙ୍କୁ ଅହିଂସାକୁ ପୂଜା କରି ତାରି ପ୍ରଚାର ପ୍ରସାର କରିବାକୁ ଜିଲାବ୍ୟାପି କାଯର୍ୟକ୍ରମ କରିବାକୁ ସ୍ଥିର କରିଥିବା କହିଥିଲେ। ଏହି ଉପଲକ୍ଷେ ୨ ତାରିଖରେ କୋମନାଠାରୁ ଖଡିଆଳ ପର୍ଯ୍ୟନ୍ତ ଏକ ଗଣପଦଯାତ୍ରା କରାଯିବ। ଏହିଭଳି ୩ ତାରିଖରେ ବେଲଟୁକୁରୀ, ୪ ତାରିଖରେ କାଣ୍ଡେତରା, ୫ରେ ଅମାନାର, ୬ରେ ଅଗ୍ରେନ ଏବଂ ୭ରେ ଖରିଆରରୋଡରେ ଏକ ବିଶାଳ କାର୍ଯ୍ୟକ୍ରମ କରାଯିବ ବୋଲି ସୂଚନା ଦେଇଛନ୍ତି ।
