ଚୌଦ୍ୱାର,୮ା୫(ଡି.ଏନ୍.ଏ)-ମହାମାରୀ କରୋନାକୁ ନେଇ ରାଜ୍ୟରେ ଲକ୍ଡାଉନ ଘୋଷଣା କରାଯାଇଛି। କଟକ ଜିଲାର ଚୌଦ୍ୱାର ସହର ଗ୍ରୀନ ଜୋନରେ ଯାଉଛି। ଗତ ୪ ତାରିଖରେ କେନ୍ଦ୍ର ସରକାର ଗ୍ରୀନ ଜୋନ ଅଞ୍ଚଳରେ ମଦ ଦୋକାନ ଖୋଲିବା ବିଜ୍ଞପ୍ତି ପ୍ରକାଶ ପାଇବା ପରେ ଚୌଦ୍ୱାର ସହରରେ ଥିବା ମଦ ଦୋକାନ ଗୁଡିକ ସରକାରୀ କଟକଣା ତଥା ଗ୍ରାହକଙ୍କ ମଧ୍ୟରେ ସାମାଜିକ ଦୂରତାକୁ ଲକ୍ଷ ରଖି ସମସ୍ତ ପ୍ର୍ରସ୍ତୁତି ଶେଷ କରିଥିଲେ। କେବଳ ବାକି ଥିଲା ପ୍ରଶାସନର ନିଷ୍ପତ୍ତିକୁ। ଶୁକ୍ରବାର ଜିଲାପାଳଙ୍କ ନିର୍ଦ୍ଦେଶକ୍ରମେ ଜିଲାର କୌଣସି ଜାଗାରେ ମଦ ଦୋକନ ଖୋଲାଯିବ ନାହିଁ ବୋଲି ନିଷ୍ପତ୍ତି ପରେ ଚୌଦ୍ୱାର ସହରରେ ୨ଟି ମଦ ଦୋକନକୁ ସିଲ କରାଯାଇଛି। ଏଥିସହିତ ଚୌଦ୍ୱାର, ଟାଙ୍ଗି ଓ ଜଗତପୁର ଅଞ୍ଚଳରେ ଥିବା ପ୍ରାୟ ୧୫ଟି ଦୋକାନକୁ ସିଲ କରାଯିବ ବୋଲି ଚୌଦ୍ୱାର ଅବକାରୀ ବିଭାଗ ଭାରପ୍ରାପ୍ତ ଅଧିକାରୀ ସ୍ବାତୀ ପଟ୍ଟନାୟକ ପ୍ରକାଶ କରିଛନ୍ତି।
