ଧର୍ମଶାଳା,୮ା୮(ଡି.ଏନ୍.ଏ.): ଧର୍ମଶାଳା ବ୍ଲକ ଅନ୍ତର୍ଗତ ଜାରକା ବଜାର ଦେଇ ଯାଇଥିବା ୧୬ ନମ୍ବର ଜାତୀୟ ରାଜପଥ ପାର୍ଶ୍ୱରେଥିବା ଡ୍ରେନ୍ ସଫା ନ ହୋଇ ପଡିରହିଛି। ଏବେ ଲଗାଣ ବର୍ଷା ହେବାରୁ ପାଣି ନିଷ୍କାସନ ହୋଇ ନ ପାରି ଅନେକ ଦୋକାନ ବଜାରରେ ପଶୁଛି। ଫଳରେ ବ୍ୟବସାୟୀଙ୍କଠାରୁ ଆରମ୍ଭକରି ସାଧାରଣଲୋକେ ମଧ୍ୟ ନାହଁ ନ ଥିବା ସମସ୍ୟାର ସମ୍ମୁଖୀନ ହେଉଛନ୍ତି। ଜଳ ନିଷ୍କାସନ ପାଇଁ ଜାରକା ବଜାରର ଉଭୟ ପାର୍ଶ୍ୱରେ ଜାତୀୟ ରାଜପଥ ପ୍ରାଧିକରଣ କର୍ତ୍ତୃପକ୍ଷଙ୍କ ଦ୍ୱାରା ଡ୍ରେନ୍ ନିର୍ମାଣ କରାଯାଇଥିଲା। ଦୀର୍ଘ ୩ ବର୍ଷ ହେବ ବିଭାଗ ପକ୍ଷରୁ ଏହି ଡ୍ରେନ ସଫା କରାଯାଉ ନାହଁ। ବ୍ଲକ ଅଞ୍ଚଳରେ ବୁଧବାର ୧୧୮ ମିମି ବର୍ଷା ହେବା ଫଳରେ ଜାରକା ବଜାରର ଉଭୟ ପାର୍ଶ୍ୱରେ ଥିବା ବାଇପାସ୍ ରାସ୍ତା କୃତ୍ରିମ ବନ୍ୟା ସୃଷ୍ଟି ହୋଇଛି। ଜାତୀୟ ରାଜପଥ କର୍ତ୍ତୃପକ୍ଷ ଉକ୍ତ ଡ୍ରେନ୍କୁ ତୁରନ୍ତ ସଫା କରିବା ପାଇଁ ଉଭୟ ବଜାର କମିଟି ପକ୍ଷରୁ ଦାବି କରାଯାଇଛି ା
