ମୁମ୍ବାଇ: ଜାପାନର ଓସାକା ସହରରେ ଥିବା ଏକ ସିନେମା ହଲ୍ ବନ୍ଦ ହୋଇଯାଇଛି। ୨୯ ଫେବୃୟାରୀରେ ଏନେଇ ଏକ ଟୁଇଟ୍ କରାଯାଇଥିଲା। ଏଥିରେ ଲେଖାଥିଲା ‘ଫ୍ୟୁଜ୍ ଲାଇନ୍ ସିନେମା। ଶେଷଥର ପାଇଁ ଆଜି ୩.୩୦ରେ ହେବ। ଏହା ଖୁବ୍ ଭଲ ହେବ। ଏଥିରେ ୧୩୧ ଦର୍ଶକ ରହିବେ। ଏହା ହାଉସ୍ଫୁଲ୍, ଧନ୍ୟବାଦ। ଖାସ୍ କଥା ହେଲା ଏଠାରେ ଶେଷଥର ପାଇଁ ବଲିଉଡ୍ ଫିଲ୍ମ‘ଥ୍ରୀ ଇଡିଅଟ୍ସ’ ପ୍ରଦର୍ଶିତ ହୋଇଥିଲା। ୧୦ ବର୍ଷ ପରେ ମଧ୍ୟ ଅମୀରଙ୍କ ଏହି ଫିଲ୍ମ ଦେଖିବାକୁ ହାଉସ୍ଫୁଲ ଥିଲା।
ଭାରତରେ ୨୫ ଡିସେମ୍ବର ୨୦୦୯ରେ ଏହା ରିଲିଜ୍ ହୋଇଥିଲା। ଏଥିରେ ମୁଖ୍ୟ ଭୂମିକାରେ ଅମୀର ଖାଁ ଥିବାବେଳେ ଆର୍ ମାଧଓ୍ବନ୍, ଶରମନ ଯୋଶୀ, କରୀନା କପୁର, ଓମୀ ବୈଧ ଏବଂ ବୋମନ ଇରାନୀ ପ୍ରମୁଖ ନଜର ଆସିଥିଲେ। ୨୦୧୩ରେ ଏହି ଫିଲ୍ମର ଡବିଂ ହୋଇ ଜାପାନରେ ରିଲିଜ ହୋଇଥିଲା। ଏହାବ୍ୟତୀତ ତାଇଓ୍ବାନ୍, ହଂକଂ, ଦକ୍ଷିଣକୋରିଆ ଏବଂ ଚାଇନାରେ ମଧ୍ୟ ‘ଥ୍ରୀ ଇଡିଅଟ୍ସ’ ରିଲିଜ ହୋଇଥିଲା। ଭାରତ ପରି ଏହିସବୁ ଦେଶରେ ବି ଫିଲ୍ମଟିକୁ ଦର୍ଶକେ ବେଶ୍ ପସନ୍ଦ କରିଥିଲେ।
ଫୁଲ୍ କମେଡିରେ ଭରପୂର ଏହି ଫିଲ୍ମ। କାହାଣୀ ଚେତନ ଭଗତଙ୍କ ଉପନ୍ୟାସ ‘ଫାଇଭ୍ ପଏଣ୍ଟ ସମ୍ଓ୍ବାନ୍’ ଉପରେ ଆଧାରିତ। ଯାହା ଇଞ୍ଜିନିୟରିଂ କଲେଜରେ ପଢ଼ୁଥିବା ୩ ବନ୍ଧୁଙ୍କ ଉପରେ କରାଯାଇଥିଲା। ଫିଲ୍ମଟି ଭାରତର ଶିକ୍ଷା ପ୍ରଣାଳୀକୁ ଜାଗ୍ରତ କରିଥିଲା। ଏହା ରିଲିଜ୍ ହେବା ପରେ ଭଲ ବ୍ୟବସାୟ କରିବା ସହ ବ୍ଲାକ୍ବଷ୍ଟର ସାବ୍ୟସ୍ତ ହୋଇଥିଲା।
