ଭୁବନେଶ୍ୱର, ୨୦।୮(କ୍ରୀଡ଼ା ପ୍ରତିନିଧି)-
ଗୁଜରାଟର ସୁରଟଠାରେ ୧୬ତମ ଜାତୀୟ ସିନିୟର ରୋଲବଲ ଚାମ୍ପିୟନଶିପ୍ ଚଳିତମାସ ୨୧ରୁ ୨୪ ପର୍ଯ୍ୟନ୍ତ ଅନୁଷ୍ଠିତ ହେବ। ଏଥିପାଇଁ ଓଡ଼ିଶା ରୋଲବଲ ଆସୋସିଏଶନ(ଓଆରବିଏ) ପକ୍ଷରୁ ସୋମବାର ଓଡ଼ିଶା(ପୁରୁଷ) ଦଳ ଘୋଷଣା କରାଯାଇଛି। ଏଥିରେ ରାଜ୍ୟର ବିଭିନ୍ନ ଜିଲାର ଖେଳାଳିମାନେ ସ୍ଥାନ ପାଇଛନ୍ତି। ମନୋନୀତ ଖେଳାଳିମାନଙ୍କୁ ପୂର୍ବାହ୍ନରେ କଳିଙ୍ଗ ଷ୍ଟାଡିୟମରେ ସମ୍ବର୍ଦ୍ଧିତ କରାଯାଇଥିଲା। ଏହି ଅବସରରେ ଆସୋସିଏଶନର କାର୍ଯ୍ୟକାରିଣୀ ସଦସ୍ୟ ମଳୟ ଦାସ, ପ୍ରକାଶ ଚନ୍ଦ୍ର ବିଷୋୟୀ ପ୍ରମୁଖ ଉପସ୍ଥିତ ଥିଲେ। ଏହାପରେ ଦଳ ଗୁଜରାଟ ଅଭିମୁଖେ ଯାତ୍ରା କରିଛି। ପ୍ରକାଶ ଯୋଗ୍ୟ ଯେ, ରୋଲବଲ ହେଉଛି ଶତ ପ୍ରତିଶତ ଭାରତ ଭିତ୍ତିକ କ୍ରୀଡ଼ା। ଏହା ଭାରତ ସରକାରଙ୍କ କ୍ରୀଡ଼ା ଓ ଯୁବବ୍ୟାପାର ମନ୍ତ୍ରଣାଳୟ, ନ୍ୟାଶନାଲ ସ୍କୁଲ ଗେମ୍ସ ଫେଡେରେଶନ, ଅଲ୍ ଇଣ୍ଡିଆ ୟୁନିଭର୍ସିଟି/କଲେଜ ଗେମ୍ସ ୟୁନିୟନଦ୍ୱାରା ସ୍ବିକୃତିପ୍ରାପ୍ତ। ଓଡ଼ିଶା ରୋଲବଲ ଆସୋସିଏଶନ ହେଉଛି ରୋଲ ବଲ୍ ଫେଡେରେଶନ ଅଫ୍ ଇଣ୍ଡିଆର ସହବନ୍ଧିତ ଅନୁଷ୍ଠାନ।
ଓଡ଼ିଶା ଦଳ: ବିଶ୍ୱଜିତ ସ୍ବାଇଁ, ସୌମ୍ୟରଞ୍ଜନ ଜୟସିଂ, ଅଭିଜିତ ସ୍ବାଇଁ, ପଞ୍ଚାନନ ବେହେରା, ଅଭିଷେକ ସ୍ବାଇଁ, ସନ୍ତୋଷ କୁମାର ପାତ୍ର ଓ ପ୍ରବୀଣ କୁମାର ବିଷୋୟୀ।
