ଜାତୀୟ କ୍ରୀଡ଼ା ଦିବସ: ଝିଲ୍ଲୀ ଓ ଦୀପାଳି ଜିଲାର ଗୌରବ

ନୟାଗଡ଼ ଅଫିସ,୨୯।୮(ରଞ୍ଜନ କୁମାର ପ୍ରଧାନ): ଗୁରୁବାର ଜାତୀୟ କ୍ରୀଡ଼ା ଦିବସ। କ୍ରୀଡ଼ା କ୍ଷେତ୍ରକୁ ନୟାଗଡ଼ ଜିଲାର ଅବଦାନ କିଛି କମ୍‌ ନୁହେଁ। ଜିଲାର କ୍ରୀଡ଼ାବିତ୍‌ମାନେ ନିଜର ନିଷ୍ଠା ଓ ପରିଶ୍ରମ ବଳରେ ରାଜ୍ୟ ତଥା ଦେଶ ପାଇଁ ସୁନାମ ଆଣିବା ସହ ଜିଲାର ଗୌରବ ବୃଦ୍ଧି କରିଛନ୍ତି। ସେମାନଙ୍କ ମଧ୍ୟରେ ଭାରୋତ୍ତୋଳନକାରୀ ଝିଲ୍ଲୀ ଦଳବେହେରା ଓ ଧାବିକା ଦୀପାଳି ମହାପାତ୍ର ଅନ୍ୟତମ। ଅନ୍ୟପକ୍ଷେ କନ୍ୟାଭ୍ରୂଣ ହତ୍ୟା, ନାବାଳିକା ବିବାହ ବୃଦ୍ଧି ପାଇଁ ଜିଲା ନିନ୍ଦିତ ହୋଇ ଆସୁଥିବାବେଳେ ଏପରି ସମୟରେ ଜିଲାର ଦୁଇ ଝିଅ ଝିଲ୍ଲୀ ଓ ଦୀପାଳି ଜିଲାର ଗର୍ବ ଓ ଗୌରବ ବଢ଼ାଇ ଅନ୍ୟମାନଙ୍କ ପାଇଁ ପ୍ରେରଣା ପାଲଟିଛନ୍ତି। ଦୁଇ ଝିଅ ନିଜର ଦକ୍ଷତା, ପରିଶ୍ରମ ବଳରେ କ୍ରୀଡ଼ା କ୍ଷେତ୍ରରେ ସଫଳତା ହାସଲ କରି ଆଗକୁ ଯାଇପାରିଛନ୍ତି। ଆଗାମୀ ଦିନରେ ଆହୁରି ସଫଳତାର ଶୀର୍ଷକୁ ଯିବା ପାଇଁ ଆଶା ରଖିଛନ୍ତି।
କ୍ରୀଡ଼ା ଦିବସ ଅବସରରେ ଏହି ଦୁଇ ଖେଳାଳିଙ୍କୁ ନେଇ ଧରିତ୍ରୀର ସ୍ବତନ୍ତ୍ର ଉପସ୍ଥାପନା-
ଅନ୍ଧାରି ଗାଁର ଆଲୁଅ ଝିଲ୍ଲୀ ଦଳବେହେରା-ନୟାଗଡ଼ ଜିଲାର ଆଦିବାସୀ ଅଧ୍ୟୁଷିତ ଦଶପଲ୍ଲା ବ୍ଲକର ଅନ୍ଧାରି ଗଁା ମକରପ୍ରସାଦରେ ଝିଲ୍ଲୀ ଦଳବେହେରାଙ୍କ ଜନ୍ମ। ସେହି ଗଁାର ଝିଅ ଆଜି ଭାରୋତ୍ତୋଳନରେ ରାଜ୍ୟ ତଥା ଦେଶ ପାଇଁ ଆଲୋକବର୍ତ୍ତିକା ପାଲଟିଛନ୍ତି। ଗାଁ ସ୍କୁଲରୁ ପାଠପଢ଼ା ଆରମ୍ଭ କରିବାର କିଛି ବର୍ଷ ପରେ ବୁଗୁଡ଼ା କନ୍ୟାଶ୍ରମରେ ରହି ପାଠ ପଢୁଥିଲେ। ୨୦୧୨ ମସିହାରେ ଝିଲ୍ଲୀ କନ୍ୟାଶ୍ରମରେ ରହି ଅଷ୍ଟମ ଶ୍ରେଣୀରେ ପଢ଼ୁଥିବା ବେଳେ ବିଦ୍ୟାଳୟକୁ ଯାଇଥିବା ଖେଳାଳି ଚୟନ ଟିମ୍‌ ତାଙ୍କୁ ଚୟନ କରିଥିଲେ। ଏହା ପରେ ସେ ଭୁବନେଶ୍ୱରରେ ରହି ପାଠପଢ଼ିବା ସହ ଭାରୋତ୍ତୋଳନ (ୱେଟଲିଫ୍ଟିଙ୍ଗ) ଶିକ୍ଷା ଲାଭ କରିଥିଲେ। ସେ ଜାତୀୟସ୍ତରରେ ୨ ଥର ସ୍ବର୍ଣ୍ଣ, ୩ ଥର ବ୍ରୋଞ୍ଜପଦକ ହାସଲ କରିଛନ୍ତି। ଚାଇନାରେ ହୋଇଥିବା ଏସିଆନ୍‌ ୱେଟଲିଫ୍ଟିଙ୍ଗ ଚାମ୍ପିୟନଶିପ୍‌ରେ ଭାଗ ନେଇ ରୌପ୍ୟପଦକ ହାସଲ କରିଥିଲେ। ସେହିଭଳି ନ୍ୟୁଜିଲାଣ୍ଡ ସାମୋଓରେ ଅନୁଷ୍ଠିତ ସିନିୟର କମନଓ୍ବେଲ୍‌ଥ ଚାମ୍ପିୟନଶିପ୍‌ରେ ସ୍ବର୍ଣ୍ଣ ପଦକ ଜିତି ଦେଶ ପାଇଁ ଗୌରବ ଆଣିଥିଲେ। ଆସନ୍ତା ସେପ୍ଟେମ୍ବରରେ ଥାଇଲାଣ୍ଡରେ ହେବାକୁ ଥିବା ସିନିୟର ୱାଲର୍‌ଡ ଚାମ୍ପିୟନଶିପ୍‌ରେ ସେ ଭଲ ପ୍ରଦର୍ଶନ କରିବେ ବୋଲି ଆଶା ପ୍ରକାଶ କରିଛନ୍ତି। ଝିଲ୍ଲୀଙ୍କ କହିବା କଥା ଝିଅମାନେ କୌଣସି ଗୁଣରେ କମ୍‌ ନୁହନ୍ତି। ମନୋବଳକୁ ଦୃଢ଼ କରିବା ସହିତ କଠିନ ପରିଶ୍ରମ କଲେ ସବୁ ଝିଅ ସଫଳତା ପାଇବେ ବୋଲି ସେ ମତବ୍ୟକ୍ତ କରିଛନ୍ତି। ବାପା ବିଶ୍ୱନାଥ ଦଳବେହେରା ଚାଷ କାର୍ଯ୍ୟ କରୁଥିବା ବେଳେ ମାଆ ସୁଭଦ୍ରା ଦଳବେହେରା ଜଣେ ଗୃହିଣୀ । ଝିଲ୍ଲୀଙ୍କ ସମେତ ବିଶ୍ୱନାଥଙ୍କ ୪ ଝିଅ ଓ ଗୋଟିଏ ପୁଅ ଅଛନ୍ତି। ଝିଲ୍ଲୀ ନୟାପଲ୍ଲୀ ଭୁବନେଶ୍ୱରସ୍ଥିତ ଦେବରାୟ କଲେଜରେ ଯୁକ୍ତ ୩ ଛାତ୍ରୀ। ସେ ତାଙ୍କର ସଫଳତା ପାଇଁ ପୂର୍ବତନ କୋଚ୍‌ ପି. ଧରମା ରାଓ ଓ ବର୍ତ୍ତମାନ କୋଚ୍‌ ବିଜୟ ଶର୍ମାଙ୍କୁ ଶ୍ରେୟ ଜଣାଇଛନ୍ତି।
ଉଜ୍ଜ୍ୱଳମୟ ଦୀପ ଦୀପାଳି ମହାପାତ୍ର – ନୟାଗଡ଼ ସହର ଶାସ୍ତ୍ରୀ କଲୋନୀରେ ରହୁଛନ୍ତି ଧାବିକା ଦୀପାଳି ମହାପାତ୍ର । କ୍ରୀଡ଼ାକ୍ଷେତ୍ରରେ ଉଜ୍ଜ୍ୱଳମୟ ଦୀପଟିଏ ହୋଇ ଜଳିବା ପାଇଁ ସେ ଲକ୍ଷ୍ୟ ରଖିଛନ୍ତି। ଦୌଡ଼ ପ୍ରତିଯୋଗିତାରେ ସେ ସଫଳତା ପରେ ସଫଳତା ସାଉଁଟିବାରେ ଲାଗିଛନ୍ତି। ଛୋଟ ବେଳେ ଖେଳ ପ୍ରତି ତାଙ୍କର ଆଗ୍ରହ ଦେଖି ପରିବାର ଲୋକ ବିଦ୍ୟାଳୟରେ ହେଉଥିବା ବିଭିନ୍ନ କ୍ରୀଡ଼ା ପ୍ରତିଯୋଗିତାରେ ତାଙ୍କୁ ସାମିଲ କରାଇଥିଲେ। ବିଦ୍ୟାଳୟସ୍ତରୀୟ ବିଭିନ୍ନ ପ୍ରତିଯୋଗିତାରେ ଦୌଡ଼ରେ ପ୍ରଥମ ହେବା ପରେ ଦୀପାଳି ଆଉ ପଛକୁ ଫେରିନାହାନ୍ତି। ସକାଳେ ଓ ସନ୍ଧ୍ୟାରେ ନୟାଗଡ଼ କଲେଜ ପଡ଼ିଆଠାରେ ଦୌଡ଼ ଅଭ୍ୟାସ ଜାରି ରଖିଛନ୍ତି । ନଭେମ୍ବର ୨୦୧୮ରେ ବିଶ୍ୱବିଦ୍ୟାଳୟସ୍ତରୀୟ ଓ ରାଜ୍ୟସ୍ତରୀୟ ଆଥ୍‌ଲେଟିକ୍‌ ମିଟ୍‌ରେ ଉଭୟ ୧୦୦ ଓ ୨୦୦ ମିଟର ଦୌଡ଼ରେ ପ୍ରଥମ ସ୍ଥାନ ଅଧିକାର କରି ସ୍ବର୍ଣ୍ଣପଦକ ହାସଲ କରିଥିଲେ। ସମୟ ପୂର୍ବରୁ ପହଞ୍ଚତ୍ ରେକର୍ଡ଼ ବ୍ରେକ ମଧ୍ୟ କରିଥିଲେ। ହାଇଦ୍ରାବାଦଠାରେ ଅନୁଷ୍ଠିତ ୧୪ତମ ୟୁଥ୍‌ ନ୍ୟାଶନାଲ ପ୍ରତିଯୋଗିତାରେ ଭାଗ ନେଇଥିଲେ। ଡିସେମ୍ବର ୨୦୧୮ରେ ହୋଇଥିବା ୬୪ତମ ରାଜ୍ୟ ଆଥ୍‌ଲେଟିକ ମିଟ୍‌ରେ ନୟାଗଡ଼ ଜିଲା ତରଫରୁ ୧୦୦ ଓ ୨୦୦ ମିଟର ଦୌଡ଼ରେ ସେ ଭାଗ ନେଇଥିଲେ। ୧୦୦ ମିଟର ଦୌଡ଼ରେ ରୌପ୍ୟ ପଦକ ଓ ୨୦୦ ମିଟରରେ ସ୍ବର୍ଣ୍ଣ ପଦକ ହାସଲ କରିଥିଲେ। ଆସନ୍ତା ସେପ୍ଟେମ୍ବରରେ ରାଞ୍ଚତ୍ଠାରେ ହେବାକୁ ଥିବା ର୍ପୂବାଞ୍ଚଳ ଦୌଡ଼କୁଦ ପ୍ରତିଯୋଗିତା ପାଇଁ ସେ ଅଭ୍ୟାସ କରୁଛନ୍ତି। ଭଲ ପ୍ରଦର୍ଶନ କରିବା ପାଇଁ ସେ ଆଶା ରଖିଛନ୍ତି। ଦୀପାଳି ବର୍ତ୍ତମାନ ନୟାଗଡ଼ ସ୍ବୟଂଶାସିତ ମହାବିଦ୍ୟାଳୟରେ ଯୁକ୍ତ ୩ ଦ୍ୱିତୀୟ ବର୍ଷ କଳା ଛାତ୍ରୀ। ବାପା ସୁବାସ ମହାପାତ୍ର ଜଣେ ଅବସରପ୍ରାପ୍ତ ସୈନିକ ହୋଇଥିବା ବେଳେ ମାଆ ବାସନ୍ତୀ ଦେଈ ଶିକ୍ଷୟିତ୍ରୀ। ସେ ସେମାନଙ୍କର ଏକମାତ୍ର ଝିଅ। ଘର ନୟାଗଡ଼ ବ୍ଲକ ନୋତର ପଞ୍ଚାୟତ ବଉଳସାହିରେ ହୋଇଥିବା ବେଳେ ବର୍ତ୍ତମାନ ଶାସ୍ତ୍ରୀ କଲୋନୀରେ ରହୁଛନ୍ତି। ତାଙ୍କ ମତରେ ପରିବାର ଲୋକମାନେ ଝିଅ ଓ ପୁଅଙ୍କୁ ସମାନ ଦୃଷ୍ଟିରେ ଦେଖିବା ଦରକାର। ସମସ୍ତଙ୍କୁ ସମାନ ସୁଯୋଗ ଦେଲେ ଝିଅ ମଧ୍ୟ ସବୁଥିରେ ସଫଳତା ହାସଲ କରିପାରିବ।
ନୟାଗଡ଼ ଜିଲା ତୁଳସୀପୁର ଗ୍ରାମର କିକ୍ରେଟର ରାଜେଶ ମହାନ୍ତି ଅଣ୍ଡର ୧୯(କନିଷ୍ଠ) ଏସିଆ କପ୍‌ରେ ଭାଗ ନେଇ ସଫଳତା ଆଣିଛନ୍ତି। ନୟାଗଡ଼ ସ୍ପୋର୍ଟସ ହଷ୍ଟେଲରେ ରହୁଥିବା ସମୀର କେରକେଟା ଆନ୍ତର୍ଜାତିକ ସ୍ତରରେ ଫୁଟବଲ ଖେଳି ଜିଲା ପାଇଁ ସଫଳତା ଆଣିଛନ୍ତିି।


Enter your email to get our daily news in your inbox.

All Right Reserved By Dharitri.Com

୨ ହାତୀଦାନ୍ତ ଜବତ: ୫ ଗିରଫ

ବାରିପଦା ଅଫିସ ୧୪ା୨- ମୟୂରଭଞ୍ଜ ଜିଲା ବାରିପଦା ରେଞ୍ଜ ଅଧୀନ ଟିଟିଆ ଛକରୁ ବନ ବିଭାଗ ଗୁରୁବାର ସନ୍ଧ୍ୟାରେ ଦୁଇଟି ହାତୀଦାନ୍ତ ଜବତ କରିବା ସହିତ...

୨ ଦିନ ପାଇଁ ବନ୍ଦ ରହିବ ହାଇକୋର୍ଟ

କଟକ ଅଫିସ,୨୦।୯-୨ ଦିନ ପାଇଁ ବନ୍ଦ ରହିବ ହାଇକୋର୍ଟ। ଆସନ୍ତା ୨୧ ଓ ୨୨ ବନ୍ଦ ନେଇ ରେଜିଷ୍ଟ୍ରାର ଜେନେରାଲ ନିର୍ଦ୍ଦେଶ ଦେଇଛନ୍ତି। ହାଇକୋର୍ଟ ସହ...

ଗାୟକ ହେବେ ତାରା: ‘ଛି ଛି’ ଗୀତରେ ସରକାରଙ୍କୁ କରିବେ ଟାର୍ଗେଟ

ଜୟପୁର,୨୯।୧୨(ଡି.ଏନ୍‌.ଏ.): ଜୟପୁରରୁ ନେଇ ଭୁବନେଶ୍ୱର, ସବୁଠି ରହିଛି ତାରାପ୍ରସାଦ ବାହିନୀପତିଙ୍କ ଦବ୍‌ଦବା। ପୋଲିସରୁ ନେତା ସାଜିଥିବା ତାରା ନିଜର ଅଜବ ଓ ଖିଆଲି ଅନ୍ଦାଜ ପାଇଁ...

ବିନା ଶ୍ରଦ୍ଧାଳୁରେ ହିଙ୍ଗୁଳା ଯାତ୍ରା

ଅନୁଗୋଳ ଅଫିସ୍/ତାଳଚେର, ୭ା୪- ଅନୁଗୋଳ ଜିଲା ତାଳଚେର ଗୋପାଳଗଡ଼ସ୍ଥିତ ଅଧିଷ୍ଠାତ୍ରି ଦେବୀ ମା ହିଙ୍ଗୁଳାଙ୍କ ବାର୍ଷିକ ଯାତ୍ରା ମଙ୍ଗଳବାର ନିରାଡମ୍ବର ଭାବେ ପାଳନ କରାଯାଇଛି। ବିନା...

୬ରୁ ଭଙ୍ଗାହେବ ବେଆଇନ ଘର, ନିର୍ମାଣ

ଭୁବନେଶ୍ୱର, ୨୩ା୧(ବ୍ୟୁରୋ): ବେଆଇନ ନିର୍ମାଣକୁ ନିୟମିତ ତଥା ସ୍ବୀକୃତ କରିବାକୁ ସୁଯୋଗ ଦେଇଛନ୍ତି ରାଜ୍ୟ ସରକାର। ଏଥିପାଇଁ ୨୦୧୮ରୁ କାର୍ଯ୍ୟକାରୀ ହୋଇଛି ‘ସର୍ବକ୍ଷମା’ ଯୋଜନା। ଇତିମଧ୍ୟରେ...

ଟ୍ରାକ୍ଟର ଡାଲାରୁ ଖସି ଯୁବକଙ୍କ ପ୍ରାଣଗଲା

ତୁମୁଡିବନ୍ଧ,୨୫।୫(ଡି.ଏନ୍‌.ଏ.)- ତୁମୁଡିବନ୍ଧ ବ୍ଲକ ଅଞ୍ଚଳରେ ଟ୍ରାକ୍ଟର ଡାଲାରୁ ଖସିପଡି ଜଣେ ଯୁବକଙ୍କର ଶନିବାର ମୃତ୍ୟୁ ହୋଇଛି। ସେ ହେଲେ ତୁମୁଡିବନ୍ଧ ପଞ୍ଚାୟତ ଝରିଆପଦା ଗ୍ରାମର ବାଲେଶ୍ୱର...

ଯୁକ୍ତ ୨ ନାମଲେଖା ସମୟସୀମା ବୃଦ୍ଧି

ଭୁବନେଶ୍ୱର,୨୨।୯(ବ୍ୟୁରୋ): ଯୁକ୍ତ ୨ ପ୍ରଥମ ପର୍ଯ୍ୟାୟ ନାମଲେଖା ସମୟ ବୃଦ୍ଧି କରାଯାଇଛି। ଚଳିତମାସ ୨୬ ପରିବର୍ତ୍ତେ ୩୦ ପର୍ଯ୍ୟନ୍ତ ଏହାକୁ ଘୁଞ୍ଚାଇ ଦିଆଯାଇଥିବା ଉଚ୍ଚ ମାଧ୍ୟମିକ...

ଦୁଇ ଗୋରୁ ବୋଝେଇ କଣ୍ଟେନର ଜବତ, ୧୦୭ ଗୋରୁ ଉଦ୍ଧାର, ୩ ଗିରଫ

ଛେଣ୍ଡିପଦା,୭।୭(ସ୍ବ.ପ୍ର.): ଅନୁଗୋଳ ଜିଲା ଜରପଡ଼ା ପୋଲିସ ପକ୍ଷରୁ ରବିବାର ବେଆଇନ ଗୋରୁ ବୋଝେଇ ଗାଡ଼ି ଉପରେ ଚଢ଼ାଉ କରାଯାଇ ଦୁଇଟି କଣ୍ଟେନର ଜବତ ସହ ୧୦୭...

Coronavirus Update


Archives

Model This Week

Why Dharitri