ଛେଳିଆ ମାଝି ହତ୍ୟାକାଣ୍ଡ ଘଟଣା: ୯ ଜଣଙ୍କୁ ଆଜୀବନ କାରାଦଣ୍ଡ
3:10 pmDecember 17, 2019

ରାୟଗଡ଼ା ଅଫିସ,୧୭।୧୨: ବହୁଚର୍ଚ୍ଚିତ ଛେଳିଆ ମାଝି ହତ୍ୟାକାଣ୍ଡ ମାମଲାରେ ଅଦାଲତ ୯ ଜଣ ଅଭିଯୁକ୍ତଙ୍କୁ ଆଜୀବନ ସଶ୍ରମ କାରାଦଣ୍ଡରେ ଦଣ୍ଡିତ କରିଛନ୍ତି। ଜିଲା ଦୌରାଜଜ୍‌ ସୋମଶେଖର ଜେନା ସୋମବାର ମାମଲାର ବିଚାର କରି ଏହି ରାୟ ପ୍ରକାଶ କରିଛନ୍ତି। ସୂଚନାଯୋଗ୍ୟ ଯେ, ରାୟଗଡ଼ା ଜିଲା ଟିକିରି ଥାନା ଅନ୍ତର୍ଗତ ପୋଡ଼କଣା ଗ୍ରାମର ଛେଳିଆ ମାଝି (୨୩)ଙ୍କୁ ଜମିଜମା ମାମଲାକୁ ନେଇ ଗୁଣିଗାରେଡ଼ି ସନ୍ଦେହ କରି ୨୦୧୭ ନଭେମ୍ବର ୩୦ରେ ନିର୍ମମ ଭାବେ ହତ୍ୟା କରାଯାଇଥିଲା। ଛେଳିଆଙ୍କ ମାଆ କଅଁଳା ମାଝିଙ୍କୁ ଦୁର୍ବ୍ୟବହାର ଏବଂ ତାଙ୍କ ସାନ ଭାଇ ରାଜୁଙ୍କୁ ମଧ୍ୟ ଆକ୍ରମଣ କରାଯାଇଥିବା ଅଭିଯୋଗ ହୋଇଥିଲା ା ଏନେଇ କଅଁଳା ଟିକିରି ଥାନାରେ ମାମଲା ରୁଜୁ କରିଥିଲେ। ତତକାଳୀନ ଭାରପ୍ରାପ୍ତ ଅଧିକାରୀ ମନୋଜ କୁମାର ବେହେରା ଏବଂ ସୁଜ୍ଞାନୀ ସାହୁ ଏହି ଘଟଣାର ତଦନ୍ତ କରୁଥିଲେ। ଏଥିରେ ଉକ୍ତ ଗ୍ରାମର ୯ ଜଣ ଯୁବକଙ୍କୁ ଗିରଫ କରାଯାଇଥିଲାା ଅଭିଯୁକ୍ତମାନେ ହେଲେ ନରି ମାଝି, କୁସନ ମାଝି, କୁସ ମାଝି, ବୋଲି ମାଝି, ସନ୍ତୋଷ ମାଝି, ସାଲୁ କୁଲସିକା ମାଝି, ଦେବ ମାଝି, ପାତିଡ଼ି ମାଝି, କବିରାଜ ମାଝି। ଏହି ମାମଲାରେ ୧୮ଜଣଙ୍କ ସାକ୍ଷ୍ୟ ପ୍ରମାଣକୁ ଭିତ୍ତି କରି ରାୟ ପ୍ରକାଶ କରାଯାଇଛି ା