କୋରୁକୋଣ୍ଡା ୨୯।୧(ଡି.ଏନ୍.ଏ): ମାଲକାନଗିରି-ବାଲିମେଳା ମୁଖ୍ୟ ରାସ୍ତାର ଶୂଳିଆ ମନ୍ଦିର ନିକଟରେ ଥିବା ଶାରଦାଗୁଡା ଛକରେ ବୁଧବାର ସକାଳେ ଏକ ଦୁର୍ଘଟଣା ଘଟିଛି। ବାଇକ୍ ଧକ୍କାରେ ଜଣେ ସାଇକେଲ ଆରୋହୀଙ୍କ ମୃତ୍ୟୁ ଘଟିଛି। ମୃତକ ହେଲେ ସତୀଗୁଡ଼ାସ୍ଥିତ ଏରାକୁସୁମୀ ଗ୍ରାମର ହାଧୁ ଖରା।
ସୂଚନାଯୋଗ୍ୟ, ସକାଳୁ ହାଧୁ ସାଇକେଲ ଯୋଗେ ପୋଟରେଲ ଆଶ୍ରମ ବିଦ୍ୟାଳୟରେ ୪ର୍ଥ ଶ୍ରେଣୀରେ ପଢ଼ୁଥିବା ପୁଅ ଲକ୍ଷ୍ମଣଙ୍କୁ ଭେଟିବାକୁ ଛାତ୍ରବାସ ଯାଉଥିଲେ। ଏହି ସମୟରେ ପଛରୁ ଆସୁଥିବା ଏକ ବାଇକ୍ ତାଙ୍କୁ ଧକ୍କା ଦେଇଥିଲା। ଘଟଣାସ୍ଥଳରେ ତାଙ୍କର ମୃତ୍ୟୁ ଘଟିଥିବା ବେଳେ ଉକ୍ତ ବାଇକ୍ରେ ଆସୁଥିବା ୩ଜଣ ଗୁରୁତର ହୋଇଛନ୍ତି। ସେମାନଙ୍କୁ କୋରକୋଣ୍ଡା ଗୋଷ୍ଠୀ ସ୍ଥ୍ୟାସ୍ଥକେନ୍ଦ୍ର ଭର୍ତ୍ତି କରାଯାଇଛି।ଗୁରୁତରମାନେ ହେଲେ ଏରା କବାସି (୨୫), ସୀଶା ମାଡ଼କାମୀ (୩୦), ନନ୍ଦ ମାଢ଼ୀ (୩୫)।
ଖବରପାଇ ମାଲକାନଗିରି ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ବ୍ୟବଚ୍ଛେଦ ଲାଗି ପଠାଇଛି। ଏହା ସହ ବାଇକ୍କୁ ଜବତ କରି ଥାନାରେ ମାମଲା ରୁଜୁ କରି ତଦନ୍ତ ଚଳାଇଛି।
