ବଲିଉଡ୍ର କିଛି ଅଭିନେତ୍ରୀ ସୋସିଆଲ ମିଡିଆରେ ଏମିତି ଫଟୋ ପୋଷ୍ଟ କରୁଛନ୍ତି, ଚିହ୍ନିବା ମୁସ୍କିଲ ହୋଇପଡୁଛି। ଏବେ ଜଣେ ଅଭିନେତ୍ରୀ ଏକ ଫଟୋ ଶେୟାର କରିଛନ୍ତି, ଦେଖିଲେ ଦ୍ୱନ୍ଦ୍ୱରେ ପଡ଼ିଯିବେ। ଅଭିନେତ୍ରୀ ଜଣକ କିଏ ବୋଲି ଚିହ୍ନିହେବ ନାହିଁ। ତାଙ୍କର ଶାହାରୁଖ ଏବଂ ରଣବୀର କପୁରଙ୍କ ସହିତ କନେକ୍ସନ ରହିଛି। ଆଉ କେହି ନୁହନ୍ତି, ସେ ହେଉଛନ୍ତି ପାକିସ୍ତାନୀ ଅଭିନେତ୍ରୀ ମାହିରା ଖାନ୍। ଏହି ଫଟୋରେ ମାହିରାଙ୍କୁ ଚିହ୍ନି ହେଉନାହିଁ। ତାଙ୍କ ଲୁକ୍ ସହିତ ପୋଷାକ ପରିଚ୍ଛଦ ମଧ୍ୟ ଭିନ୍ନ। ମାହିରା ଏକ ଲାଲ୍ ରଙ୍ଗର ଡ୍ରେସ ପିନ୍ଧି ନବବଧୂ ବେଶରେ ଠିଆ ହୋଇଛନ୍ତି।
ଏହି ଫଟୋରେ ମାହିରା କ୍ୟାପଶନ ବି ଲେଖିଛନ୍ତି, ‘ଲାଲ୍ ରଙ୍ଗ ଏବଂ ପୁରୁଣା ସମ୍ପର୍କ’। ଏହି ଫଟୋଟି ୧୨-୧୩ ବର୍ଷ ତଳର ଜଣାପଡୁଛି। ସେ ଲେଖିଛନ୍ତି ‘ମଁୁ ମାଆଙ୍କ ଓଢ଼ଣୀ ମୁଣ୍ଡରେ ଦେଇଥିଲି ଆଉ ମଥାମଣି ପିନ୍ଧିଥିଲି। ମାହିରା ‘ରଇସ’ ଫିଲ୍ମ ମାଧ୍ୟମରେ ବଲିଉଡ୍ରେ ଏଣ୍ଟ୍ରି କରିଥିଲେ। ପାକିସ୍ତାନୀ ଅଭିନେତ୍ରୀ ଯୋଗୁ ଫିଲୁ ବ୍ୟାନ କରାଯିବାକୁ ଭାରତରେ ସ୍ବର ଉଠିଲା। ଏଥିପାଇଁ ସେ ଫିଲ୍ମର ପ୍ରମୋଶନରେ ବି ନଜର ଆସି ନ ଥିଲେ। କେବଳ ଶାହାରୁଖ ନୁହନ୍ତି ରଣବୀର କପୁରଙ୍କ ସହିତ ମଧ୍ୟ ତାଙ୍କ ନାଁ ଯୋଡ଼ାଯାଉଛି। ସୋସିଆଲ ମିଡିଆରେ ଏକ ଫଟୋ ଭାଇରାଲ ହୋଇଛି; ଯେଉଁଥିରେ ରଣବୀରଙ୍କ ସହ ମାହିରା ନ୍ୟୁୟର୍କର ରାସ୍ତାରେ ସିଗାରେଟ୍ ଟାଣୁଛନ୍ତି। ପ୍ରେମ ଚାଲିଥିବା ମଧ୍ୟ ଚର୍ଚ୍ଚା ହେଉଛି।
