ବେଜିଂ,୨୧।୨: କରୋନା ଭାଇରସ ଏବେ ବିଶ୍ୱ ପାଇଁ ଚିନ୍ତାର କାରଣ ପାଲଟି ଯାଇଥିବା ବେଳେ ଏଥିରେ ଅଧିକ ପରିମାଣରେ କ୍ଷତିଗ୍ରସ୍ତ ହୋଇଛି ଚାଇନା। ଏବେସୁଦ୍ଧା ଏଠାରେ କରୋନା ଭାଇରସ ସଂକ୍ରମଣରେ ୨୧ହଜାରରୁ ଊର୍ଦ୍ଧ୍ୱ ଲୋକଙ୍କ ମୃତ୍ୟୁ ହୋଇଥିବା ବେଳେ ୭୪ ହଜାରରୁ ଊର୍ଦ୍ଧ୍ୱ ସଂକ୍ରମିତ ହୋଇଛନ୍ତି। ଏହା ଚାଇନା ପାଇଁ ଯେତିକି ଚିନ୍ତାର ବିଷୟ ତା’ଠାରୁ ଅଧିକ ଚିନ୍ତାର ବିଷୟ ପାଲଟିଛି କରୋନା ଭାଇରସର ଜେଲ୍ ପ୍ରବେଶ। ମିଳିଥିବା ସୂଚନା ଅନୁଯାୟୀ, ଏବେ କରୋନା ଭାଇରସରେ ଜେଲରେ ପ୍ରାୟ ୬୦୦ଜଣ ସଂକ୍ରମିତ ହୋଇ ସାରିଲେଣି। ଏହା ଜଣାପଡିବା ପରେ ଜେଲର କେତେଜଣ ଅଧିକାରୀଙ୍କୁ ବହିଷ୍କାର କରାଯାଇଥିବା କୁହାଯାଉଛି। ତେବେ ହୁବଇର ରାଜଧାନୀ ଉହାନରେ ଥିବା ମହିଳା ଜେଲରେ ଅଧିକ ସଂଖ୍ୟାରେ କରୋନା ଭାଇରସ ସଂକ୍ରମିତଙ୍କୁ ଚିହ୍ନଟ କରାଯାଇଛି ବୋଲି କୁହାଯାଉଛି। ‘ହୁବଇ ଡେଲି’ର ସୂଚନା ଅନୁଯାୟୀ, ଜେଲ ଓ୍ବାଡର୍ନ ଜେଲରେ କରୋନା ଭାଇରସ ସଂକ୍ରମଣକୁ ରୋକିବାରେ ବିଫଳ ହୋଇଥିବାରୁ ତାଙ୍କୁ ବହିଷ୍କାର କରାଯାଇଛି।
