ଚାଷୀଙ୍କୁ ଦାଉ ସାଧିଲା ଅଦିନିଆ ବର୍ଷା

ବଡ଼ସାହି,୨୮ା୧୨(ସ୍ବ.ପ୍ର)- ମୟୂରଭଞ୍ଜ ଜିଲା ବଡ଼ସାହି ବ୍ଲକ ଅଞ୍ଚଳରେ ଅଦିନିଆ ବର୍ଷା ଦାଉ ସାଧିଛି। ଅମଳ ହୋଇ ବିଲରେ ଗଦା ହୋଇ ରହିଥିବା ପାଚିଲା ଧାନ ବର୍ଷାରେ ଓଦା ହୋଇ ଯାଇଛି ା ଚାଷ ଜମିଗୁଡିକରେ ପାଣି ଜମି ରହିଥିବାରୁ କଟା ହୋଇ ପଡିଥିବା ଧାନ ଗଜା ହେବା ଆଶଙ୍କା ଉପୁଜିଛି। ଫଳରେ ଏହି ବ୍ଲକ ଅଧୀନ ୩୦ ପଞ୍ଚାୟତରେ ଥିବା ଚାଷୀମାନଙ୍କ ପାଚିଲା ଧାନ ଫସଲ ନଷ୍ଟ ହେବାକୁ ବସିଛି। ପ୍ରଶାସନ ପକ୍ଷରୁ ଡାକବାଜି ଯନ୍ତ୍ର ଦ୍ୱାରା କୌଣସି ସତର୍କ ସୂଚନା ଦିଆଯାଇ ନ ଥିବାରୁ ଚାଷୀମାନେ ପାଚିଲା ଧାନ ଫେରିପାଇବା ଆଶା ହରାଉଛନ୍ତି ା
ଏହି ବ୍ଲକର ବିଭିନ୍ନ ଅଞ୍ଚଳରେ ଚଳିତ ବର୍ଷ ଧାନ ଚାଷକୁ ନେଇ ବିଭିନ୍ନ ସମସ୍ୟା ଦେଖା ଦେଇଥିଲା ା ଧାନ ରୁଆ ଓ ବୁଣା ପାଇଁ ଉପଯୁକ୍ତ ପାଣିପାଗ ନ ଥିବାରୁ ଚାଷୀମାନେ ଚିନ୍ତାରେ ପ୍ରମାଦ ଗଣୁଥିଲେ ା ଏପରିକି ଚାଷ ସମୟରେ ପାଣିର ଅଭାବ ସହିତ ମୌସୁମୀ ଜଳବାୟୁର ପରିବର୍ତ୍ତନ ହୋଇଥିଲା ା ଜୁନ ଓ ଜୁଲାଇ ମାସରେ ଧାନ ରୁଆ ହେବା ପରିବର୍ତ୍ତେ ଅଗଷ୍ଟ ଓ ସେପ୍ଟେମ୍ବର ମାସରେ ଚାଷ କାର୍ଯ୍ୟ ଆରମ୍ଭ ହୋଇଥିଲା। ଚାଷ ପାଇଁ ଆବଶ୍ୟକ ପାଣିର ଅଭାବ ପରିଲ୍ଲକ୍ଷିତ ହେଉଥିବା ବେଳେ ସ୍ଥାନେ ସ୍ଥାନେ ପୋକ ଦାଉ ସାଧିଥିଲେ। ଏପରି ସ୍ଥଳେ ଯାହା ବଞ୍ଚିଥିଲା ଅଦିନିଆ ବର୍ଷାରେ ଏବେ ଚାଷୀଙ୍କ ମେରୁଦଣ୍ଡ ଦୋହଲି ଯାଇଛି ା ବ୍ଲକର ତଳିଆ ଅଞ୍ଚଳ ମାନଗୋବିନ୍ଦପୁର, ଶାଳଗାଁ, ମାଣତ୍ରୀ, ପଟିସାରୀ, ଚନ୍ଦନପୁର, ଦେଉଳିଆ, ବଳଭଦ୍ରପୁର, ମାଧପୁର ଆଦି ପଞ୍ଚାୟତରେ ଥିବା ଚାଷ ଜମିଗୁଡିକରେ ପାଣି ଜମି ରହିଛି। ବିଲରେ ପଡ଼ିଥିବା ଧାନ ଗୁଡିକ ନଷ୍ଟ ହେବାକୁ ବସିଛି ା ଖଳାରେ ମୁକୁଳା ହୋଇ ପଡିଥିବା ଧାନକୁ ଉଦ୍ଧାର କରିବା ପାଇଁ ବୁଦ୍ଧିବାଟ ଦିଶୁନାହିଁ ା ପୂର୍ବରୁ ଯାହାବି ଉଦ୍ଧାର ହୋଇଛି ତାକୁ ବିକିବା ପାଇଁ ବଡସାହିରେ ମଣ୍ଡି ଖୋଲିନାହିଁ ା ଉପାୟହୀନ ହୋଇ ବେପାରୀଙ୍କୁ ଶାଗମାଛ ଦରରେ ଧାନ ବିକିବାକୁ ପଡିବ ବୋଲି କଇଁଶାଳୀ ଗ୍ରାମର ଚାଷୀ ରାଧାକୃଷ୍ଣ ଜେନା କହିଛନ୍ତି। ସେହିପରି ଖୁଣ୍ଟାପାଳ ଗ୍ରାମର ଚାଷୀ ରମେଶ ମହାନ୍ତ କୁହନ୍ତି, ବର୍ଷା ପାଗ ଦେଖି ତରବରିଆ ଭାବେ ଧାନ ସବୁ ଘରକୁ ବୋହି ଆଣିଛୁ ା ରାସ୍ତା କଡ଼ରେ ଗଦା କରି ଧାନ ଗୁଡିକ ରଖିଥିବା ବେଳେ ଖରାପ ପାଗ ଦେଖି ସେଗୁଡିକ ଅମଳ କରାଯିବ ା ତେବେ ବିଭାଗ ସୂତ୍ରରୁ କୌଣସି ସୂଚନା ଦିଆଯାଇ ନ ଥିବାରୁ ଏପରି ଅବସ୍ଥା ଭୋଗିବାକୁ ପଡୁଛି। ସେହିପରି ଦେଉଳିଆ ଗ୍ରାମର ଚାଷୀ ଅଜିତ୍‌ ମହାପାତ୍ର କୁହନ୍ତି, ତଳିଆ ତଥା ଖାଲୁଆ ଅଞ୍ଚଳରେ କଟା ହୋଇ ପଡିଥିବା ଧାନ ଗୁଡିକ ଗଜା ହେବାର ସମ୍ଭାବନା ରହିଛି ା ବର୍ଷା ଯୋଗୁଁ ଟ୍ରାକ୍ଟର କିମ୍ବା ବଳଦ ଗାଡ଼ିରେ ବୋହିବା କଷ୍ଟକର ହୋଇପଡିଛି ା କାନ୍ଧରେ ବାହୁଙ୍ଗି ସାହାଯ୍ୟରେ ଧାନ କଳେଇକୁ ଘରକୁ ବୋହି ନେବାକୁ ପଡୁଛି ା ସେହିପରି ଭାଗ ଚାଷୀ ଓ ଅଗ୍ରୀମ ଟଙ୍କା ଦେଇ ଚାଷ କରୁଥିବା ଚାଷୀଙ୍କ ଦୁର୍ଦ୍ଦଶା କହିଲେ ନ ସରେ ା ଏପରି ସ୍ଥଳେ ବ୍ୟାଙ୍କରୁ ଋଣ କରି ଚାଷ କରିଥିବା ଚାଷୀଙ୍କୁ ଋଣ ପରିଶୋଧ କରିବା କଷ୍ଟକର ହୋଇପଡିବ ା ସରକାରୀସ୍ତରରେ ଖୁବଶୀଘ୍ର କ୍ଷତିଗ୍ରସ୍ତ ଚାଷୀଙ୍କ କ୍ଷୟକ୍ଷତିର ଆକଳନ କରାଯାଇ ସହାୟତା ପ୍ରଦାନ କରିବାକୁ ବରିଷ୍ଠ କଂଗ୍ରେସ ନେତା ପ୍ରକାଶ କରମହାପାତ୍ର, ଯୁବ ନେତା ଶଶାଙ୍କ ଶେଖର କର, ପୂର୍ବତନ ବ୍ଲକ ଅଧ୍ୟକ୍ଷ ମନୋରଞ୍ଜନ ବଳା ପ୍ରମୁଖ ଦାବି କରିଛନ୍ତି ା


Enter your email to get our daily news in your inbox.

All Right Reserved By Dharitri.Com

ଛାତ୍ରୀଙ୍କୁ ଅସଦାଚରଣ ଅଭିଯୋଗ, ବିଦ୍ୟାଳୟରେ ଉତ୍ତେଜନା

ବାରିପଦା ଅଫିସ,୧୮ା୧୦- ମୟୂରଭଞ୍ଜ ଜିଲା ବାରିପଦା ସଦର ଥାନା ଅଧୀନ ଏକ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟରେ ଜନୈକା ଷଷ୍ଠ ଶ୍ରେଣୀର ଛାତ୍ରୀଙ୍କୁ ସେହି ବିଦ୍ୟାଳୟର...

ପରଲୋକରେ ସଙ୍ଗୀତ ନିର୍ଦ୍ଦେଶକ ବାଚୁ ମୁଖାର୍ଜୀ

ବାରିପଦା ଅଫିସ, ୧୬ା୩- ଓଡ଼ିଆ ସିନେଜଗତର ବିଶିଷ୍ଟ ସଙ୍ଗୀତ ନିର୍ଦ୍ଦେଶକ ବାଚୁ ମୁଖାର୍ଜୀ(୬୪)ଙ୍କ ରବିବାର ହୃଦ୍‌ଘାତରେ ପରଲୋକ ଘଟିଛି। ସନ୍ଧ୍ୟାରେ ବାରିପଦା ଲାଲବଜାରସ୍ଥିତ ନିଜ ବାସଭବନରେ...

ମାରିସା ପକ୍ଷରୁ ଜିଲାପାଳଙ୍କୁ ଦାବିପତ୍ର

ବାରିପଦା ଅଫିସ,୬ା୯: ବାରିପଦା ସହରରେ ଦିନକୁ ଦିନ ଅଳିଆ ଆବର୍ଜନା ଜମିବାରେ ଲାଗିଛି । ସହରର ଗଳିକନ୍ଦିରେ କୁଢ କୁଢ ଆବର୍ଜନା ପଚିସଢି ପରିବେଶକୁ ଦୂଷିତ...

ଆଇସୋଲେଶନ ସେଣ୍ଟରକୁ ବିରୋଧ

ବିଶୋଇ,୧୧ା୫(ଡି.ଏନ୍‌.ଏ.)- ରାଜ୍ୟରେ କରୋନା ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ପାଇବାରେ ଲାଗିଛି। ବାହାର ରାଜ୍ୟରୁ ପ୍ରବାସୀଓଡ଼ିଆ ମାନେ ନିଜ ଅଞ୍ଚଳକୁ ଆସି ପ୍ରଥମେ ଆଇସୋଲେଶନ ସେଣ୍ଟରରେ ରହିବା...

ଡାହାଣୀ ସନ୍ଦେହରେ ମହିଳାଙ୍କୁ ହତ୍ୟା: କଟାମୁଣ୍ଡ ଧରି ଥାନାରେ ଆତ୍ମସମର୍ପଣ କଲେ ଅଭିଯୁକ୍ତ

ବାରିପଦା ଅଫିସ, ୧୫।୬: ମୟୂରଭଞ୍ଜ ଜିଲା ଖୁଣ୍ଟା ଥାନା କରକଚିଆ ଗ୍ରାମରେ ସୋମବାର ଡହାଣୀ ସନ୍ଦେହରେ ଜଣେ ମହିଳାଙ୍କୁ ଟାଙ୍ଗିଆରେ ହାଣି ହତ୍ୟା କରାଯାଇଛି। ହତ୍ୟା...

ସରିଲା କୁନ୍ଦୁଳିଆ ମହୋତ୍ସବ

ବିଶୋଇ,୨୩ା୧(ଡ଼ି.ଏନ୍‌.ଏ.)- ବିଶୋଇ ଅଞ୍ଚଳର କୁନ୍ଦୁଳିଆଠାରେ ଦିଗବିଜୟ ସ୍ପୋର୍ଟିଂ କ୍ଲବ ଆନୁକୂଲ୍ୟରେ ଆୟୋଜିତ ୩୧ ତମ ବାର୍ଷିକ କ୍ରୀଡା ଓ ସାଂସ୍କୃତିକ କାର୍ଯ୍ୟକ୍ରମ ‘କୁନ୍ଦୁଳିଆ ମହୋତ୍ସବ- ୨୦୨୦’...

ରାସଗୋବିନ୍ଦପୁରରେ ଥମୁନି ହାତୀ ଉପଦ୍ରବ

ରାସଗୋବିନ୍ଦପୁର,୧୪।୧୨(ଡି.ଏନ୍‌.ଏ.): ମୟୂରଭଞ୍ଜ ଜିଲା ରାସଗୋବିନ୍ଦପୁର ଅଞ୍ଚଳରେ ଏବେ ଧାନ ଅମଳ ଚାଲିଥିବା ବେଳେ ଝାଡଖଣ୍ଡରୁ ଆସିଥିବା ଶତାଧିକ ହାତୀ ଉପଦ୍ରବ ଚଳାଇଛନ୍ତି। ଏହି ହାତୀପଲ ସାରୁମଳା,...

ଜୀବନ ବିନ୍ଦୁ କାର୍ଯ୍ୟକ୍ରମରେ ୭୮ ୟୁନିଟ ରକ୍ତ ସଂଗୃହୀତ

ବାରିପଦା ଅଫିସ, ୧୮ା୪: ପ୍ରବାଦ ପୁରୁଷ ବିଜୁବାବୁଙ୍କ ୨୩ତମ ଶ୍ରାଦ୍ଧ ଦିବସ ଅବସରରେ ବାରିପଦା ମେଡ଼ିକାଲ ପରିସରରେ ଥିବା ରେଡ଼କ୍ରସ ରକ୍ତଭଣ୍ଡାରରେ ଏକ ସ୍ବେଚ୍ଛାକୃତ ରକ୍ତଦାନ...


Coronavirus Update

Archives

Model This Week

Why Dharitri