ଠାକୁରମୁଣ୍ଡା ,୧୪ା୯(ଡି.ଏନ୍.ଏ.) – ମୟୂରଭଞ୍ଜ ଜିଲା କରଞ୍ଜିଆ ଉପଖଣ୍ଡରେ ଦୀର୍ଘ ଦିନ ହେଲା ହାତୀ ଉପଦ୍ରବ ଲାଗି ରହିଛି। ହାତୀପଲ ବିଭିନ୍ନ ଗ୍ରାମରେ ପଶି ଘର ଭାଙ୍ଗି ଦେବା ସହ ଫସଲ ନଷ୍ଟ କରୁଛନ୍ତି। ଗୁରୁବାର ରାତିରେ ଏହି ହାତୀପଲ କରଞ୍ଜିଆ ନିକଟ କଦମବେଡା ଗ୍ରାମ ମୁର୍ଗାସାହିରେ ପଶି ଘର ଭାଙ୍ଗିବା ସହିତ ଚାଷୀମାନଙ୍କ ଫସଲ ଦୁଧିଆଣି ରେଞ୍ଜ ଅନ୍ତର୍ଗତ ରସମତୋଳା ଗ୍ରାମପଞ୍ଚାୟତର କଦମବେଡା ଗ୍ରାମ ମୁର୍ଗାସାହି ଗ୍ରାମରେ ପ୍ରାୟ ୨୨ଟି ଛୋଟ ବଡ ହାତୀ ପଶି ଉପଦ୍ରବ ଚଳାଇଛନ୍ତି।
ସାହିର ମାଳତୀ ମାଝୀ, ଶୁକ୍ରା ଲୋହାର, ହେମଲତା ଲୋହାରଙ୍କ ଘର ଭାଙ୍ଗି ଦେଇଛନ୍ତି। ଘଟଣାସ୍ଥଳକୁ ବନବିଭାଗର କର୍ମଚାରୀମାନେ ଯାଇ ପରିସ୍ଥିତି ଅନୁଧ୍ୟାନ କରିଛନ୍ତି। କ୍ଷତିଗ୍ରସ୍ତ ପରିବାରକୁ କ୍ଷତିପୂରଣ ତୁରନ୍ତ କ୍ଷତିପୂରଣ ଦେବାକୁ ସ୍ଥାନୀୟ ଲୋକେ ଦାବି କରିଛନ୍ତି ।
