ବରଗଡ଼ ଅଫିସ୍,୩୧ା୫-ବରଗଡ଼ ଜିଲା ପାଇକମାଲ ବ୍ଲକ ମିଠପାଲି ପଞ୍ଚାୟତ ଅନ୍ତର୍ଗତ ବୁଟୁରାଖମାର ଗ୍ରାମର ୨ଜଣ ତାମିଲନାଡ଼ୁରୁ ଫେରିବା ପରେ ହଟହଟାର ସମ୍ମୁଖୀନ ହୋଇଛନ୍ତି। ନିଜ ଅଞ୍ଚଳକୁ ଫେରି ସେମାନେ ଆଶ୍ୱସ୍ତି ଲାଭ କରିଛନ୍ତି ସତ, କିନ୍ତୁ ଏପର୍ଯ୍ୟନ୍ତ ନିଜ ଘରେ ପାଦ ଥାପି ପାରି ନ ଥିବା ଯୋଗୁ ମନରେ ଅବସାଦ ଲାଗି ରହିଛି। ତାମିଲନାଡ଼ୁରୁ ଫେରିବା ପରେ ସେମାନଙ୍କୁ ମିଠାପାଲି କ୍ବାରାଣ୍ଟାଇନ ସେଣ୍ଟରରେ ରଖାଯାଇଥିଲା। ତେବେ ସେଠାରେ ୭ଦିନ ରହିବା ପରେ ସେମାନଙ୍କୁ ଶନିବାର କ୍ବାରାଣ୍ଟାଇନ ସେଣ୍ଟରରୁ ଛଡ଼ାଯାଇଥିଲା। ହେଲେ ସଂକ୍ରମଣ ଭୟରେ କେତେକ ଲୋକେ ସେମାନଙ୍କୁ ଗ୍ରାମକୁ ନ ଆସିବାକୁ କହିଥିଲେ । ଫଳରେ ସେମାନେ ବାଧ୍ୟ ହୋଇ ଗାଁ ବାହାରେ ଏକ ପରିବା କିଆରୀରେ ତମ୍ବୁ ଗାଡ଼ି ଆଶ୍ରୟ ନେବା ଭଳି ଘଟଣା ପଦାକୁ ଆସିଛି ।
