ଛତ୍ରପୁର, ୨୬।୪(ଡି.ଏନ୍.ଏ.)-କରୋନା ଭୁତାଣୁ ସଂକ୍ରମଣରୁ ରକ୍ଷା ପାଇବା ପାଇଁ ଗଞ୍ଜାମ ପୋଲିସ ଜ଼ିଲା ପକ୍ଷରୁ ଲୋକଙ୍କୁ ସଚେତନତା ପାଇଁ ଏକ ଅଭିନବ ପ୍ରୟାସ କରାଯାଇଛି। ‘ଆସ ଆମେ କରୋନାକୁ ଦୁରେଇ ଦେବା’ ଶୀର୍ଷକ ଏକ ସଚେତନତା ଗୀତ ରଚନା ସହ ନିଜେ ଗୀତକୁ ରମ୍ଭା ଥାନା ଅଧିକାରୀ କୃଷ୍ଣଚନ୍ଦ୍ର ସେଠୀ ଗାଇଛନ୍ତି । ଉକ୍ତ ଗୀତରେ କରୋନାର ଭୟାବହତା, ନିଜକୁ ଓ ନିଜ ପରିବାର କୁ ସୁରକ୍ଷିତ ରଖିବା, ଘରେ ରହିବା, ମାସ୍କ ପିନ୍ଧବା, ସାମାଜିକ ଦୂରତ୍ୱ ରକ୍ଷା କରିବା ସମ୍ପର୍କରେ କୁହାଯାଇଛି। ଲୋକଙ୍କୁ ସଚେତନ ରହିବାକୁ ନିବେଦନ ପାଇଁ ରମ୍ଭା ଥାନା ଅଧିକାରୀ ଙ୍କ ଗୀତ ଦ୍ୱାରା ପ୍ରୟାସ କରାଯାଇଥିବା ବୋଲି ଗଞ୍ଜାମ ଏସପି ବ୍ରିଜେଶ କୁମାର ରୟ ସୂଚନା ଦେଇଛନ୍ତି ।
