ଖରାରେ ସିଝୁଛି ପାଲଟପୁର

ଆରଡ଼ି, ୨୧।୫(ଡି.ଏନ.ଏ.) – ଜାରି ରହିଛି ତାତି। ଅସହ୍ୟ ଗୁଳୁଗୁଳିରେ ଆଉଟୁପାଉଟୁ ହେଉଛନ୍ତି ଲୋକେ। ଖରା ସାଙ୍ଗକୁ ଗୁଳୁଗୁଳି ଲୋକଙ୍କୁ ଅସ୍ତବ୍ୟସ୍ତ କରିପକାଉଛି। ଲୋକେ ଘରେ ରହିପାରୁ ନାହାନ୍ତି କି ବାହାରକୁ ବାହାରି ପାରୁନାହାନ୍ତି। ଭଦ୍ରକ ଜିଲା ଚାନ୍ଦବାଲି ବ୍ଲକର ନାନ୍ଦପୁର ପଞ୍ଚାୟତ ଅଧୀନ ପାଲଟପୁର ଗଁା ଖରାରେ ସିଝୁଛି। ଫନୀ ଆସି ତାଣ୍ଡବ ରଚି ଚାଲିଗଲା। ଉପାଡ଼ି ଦେଇ ଯାଇଛି ବଡ଼ ବଡ଼ ଗଛ ଓ ବିଦ୍ୟୁତ୍‌ ଖୁଣ୍ଟ। ସେବେଠାରୁ ଗଁା ଅନ୍ଧାରରେ। ନୂଆ ଖୁଣ୍ଟ ପଡ଼ି ତାର ଟଣାଚାଲିଛି। କେବେ ବିଜୁଳି ଆସିବ ତାହାକୁ ଚାତକ ପରି ଚାହିଁରହିଛନ୍ତି ଗ୍ରାମବାସୀ।
ପ୍ରବଳ ଗ୍ରୀଷ୍ମପ୍ରବାହ ଜାରି ରହିଛି। ସକାଳୁ ରାସ୍ତାଘାଟ ଜନଶୂନ୍ୟ ହୋଇଯାଉଛି। ଅସହ୍ୟ ଗରମ ଓ ଗୁଳୁଗୁଳିରେ ଜନଜୀବନ ସାଂଘାତିକ ଭାବେ ପ୍ରଭାବିତ ହୋଇଛି। ଏହି ଗଁାର ଲୋକସଂଖ୍ୟା ପ୍ରାୟ ୮ଶହ। ପାନୀୟଜଳ ପାଇଁ ବସିଛି ମାତ୍ର ୨ଟି ନଳକୂପ। ସକାଳୁ ରାତି ପର୍ଯ୍ୟନ୍ତ ଏହି ନଳକୂପ ମୂଳେ ଭିଡ଼ ଲାଗିରହୁଛି। ପିଲାଙ୍କଠୁ ଆରମ୍ଭ କରି ଯୁବକ ଓ ବୁଢ଼ା ସମସ୍ତେ ଏବେ ଗାଧୋଇବା ପାଇଁ ଗଁା ଦଳ ପୋଖରୀକୁ ବାଛିନେଇଛନ୍ତି। ସକାଳ ୯ଟାରୁ ଅପରାହ୍ନ ୫ଟା ପର୍ଯ୍ୟନ୍ତ ପୋଖରୀ ହୁଡ଼ାରେ ଥିବା ଗଛମୂଳେ ଓ ରାତିରେ ଗଁା ଦାଣ୍ଡରେ ଶୋଉଛନ୍ତି ଲୋକେ। ପୂର୍ଣ୍ଣିମା ଓ ଅମାବାସ୍ୟାରେ ଗଁାକୁ ଲାଗି ବହିଯାଇଥିବା ସାଳନ୍ଦୀ ନଦୀର ଜୁଆର ବାଡ଼ି ତଳକୁ ଚାଲିଆସେ। ଆଉ କୁମ୍ଭୀର ବି ଉଠିଆସନ୍ତି ଗଁା ଦାଣ୍ଡକୁ। ଏବେ ନଦୀପଠାରେ ଡଙ୍ଗା ବାନ୍ଧି ନିଜକୁ ସୁରକ୍ଷିତ ମଣୁଛନ୍ତି ଲୋକେ। ଗଁାରେ ୨ ଜଣ ବୃଦ୍ଧା ଅଂଶୁଘାତରେ ଆକ୍ରାନ୍ତ ହୋଇ ମେଡିକାଲରେ ଚିକିତ୍ସା ପରେ ନିକଟରେ ଗଁାକୁ ଫେରିଛନ୍ତି। ପ୍ରାୟ ୧୫ ଦିନ ହେଲା ବର୍ଷା ଦାଉ ସାଧୁଛି। ବର୍ଷା ଠିକ୍‌ ଭାବେ ହେଉନି। ବିଜୁଳି ରହିଲେ ହୁଏତ କିଛିଟା ତ୍ରାହି ପାଆନ୍ତେ ଲୋକେ। ବାତ୍ୟା ଫନୀ ପାଲଟପୁରବାସୀଙ୍କ ମୁହଁରୁ ହସ ଛଡ଼ାଇ ନେଇଛି ବୋଲି ଗ୍ରାମର ପୂର୍ବତନ ଓ୍ବାର୍ଡମେମ୍ବର ନବକିଶୋର ଭୋଇ କହିଛନ୍ତି। ଅସୁରାଳି ବିଦ୍ୟୁତ୍‌ ଡିଭିଜନ କନିଷ୍ଠଯନ୍ତ୍ରୀ ପ୍ରଦୀପ କୁମାର ଦାସ କହିଛନ୍ତି, ଏହି ଗଁାର ବିଲରେ ଥିବା ସମସ୍ତ ବିଦ୍ୟୁତ୍‌ ଖୁଣ୍ଟ ଉପୁଡ଼ି ପଡ଼ିଛି। ତାର ମଧ୍ୟ ଛିଡ଼ିଯାଇଛି। ଯେଉଁପଟେ ପୂର୍ବରୁ ବିଦ୍ୟୁତ୍‌ ତାର ଆସିଥିଲା, ସେପଟେ ଆଉ ବିଦ୍ୟୁତ୍‌ ସଂଯୋଗ ନ କରି ଶୀତଳପୁର ପାର୍ଶ୍ୱଦେଇ ଯୋଗାଇ ଦିଆଯିବ। ଏବେ ସେଠାରେ ଖୁଣ୍ଟ ପୋତା ସରିଛି। ୨ରୁ ୩ ଦିନ ମଧ୍ୟରେ ଏହି ଗ୍ରାମବାସୀ ବିଦ୍ୟୁତ୍‌ ସେବା ପାଇପାରିବେ ବୋଲି କନିଷ୍ଠଯନ୍ତ୍ରୀ ଦାସ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ଗୋମାତା ସୁରକ୍ଷା ପାଇଁ ଭାରତ ପରିଭ୍ରମଣ: ବସ୍ତାରେ ପହଞ୍ଚିଲେ ଇଞ୍ଜିନିୟର ଶିବରାଜ

ବସ୍ତା, ୧୬।୫(ଡି.ଏନ.ଏ.) : ଗୋମାତାଙ୍କ ସୁରକ୍ଷା ତଥା ଗୋହତ୍ୟା ବନ୍ଦ ପାଇଁ ଜଣେ ଇଞ୍ଜିନିୟର ସଚେତନତା ପଦଯାତ୍ରାରେ ସାରା ଭାରତ ଭ୍ରମଣ କରିବା ଅବସରରେ ଚାଲି...

୩୨ଗ୍ରାମ୍‌ ବ୍ରାଉନ୍‌ସୁଗାର ଜବତ, ଅଭିଯୁକ୍ତ ଗିରଫ

ନୀଳଗିରି, ୫।୮(ଡି.ଏନ.ଏ.)-କଟକ କେନ୍ଦ୍ରାଞ୍ଚଳ ଅବକାରୀ ଗୋଇନ୍ଦା ବିଭାଗ ତଥା ନୀଳଗିରି ଅବକାରୀ ବିଭାଗ ପକ୍ଷରୁ ସ୍ଥାନୀୟ ସହରର ଘାଟଘରସାହି ଗାଁର ମୁନା ନାଥ(୩୨)ଙ୍କ ଘରେ ଚଢ଼ାଉ...

ଇଟାଭାଟି ଭାଙ୍ଗି ନ ପାରି ଫେରିଲା ପ୍ରଶାସନ

ରେମୁଣା, ୧୦ା୧(ଡି.ଏନ.ଏ.)-ବାଲେଶ୍ୱର ଶିଳ୍ପାଞ୍ଚଳ ଥାନା ଅଧୀନ ନୂଆଗଁାରେ ଘଟଣାର ପୁନରାବୃତ୍ତି ହୋଇଛି। ସେଠାରେ ଜାତୀୟ ରାଜପଥର ପ୍ରାୟ ୨ଶହ ମିଟର ଦୂରରେ ଥିବା ମୁକ୍ତା-୧ ଇଟାଭାଟିକୁ...

ସହର ଭିତରେ ଭାରୀଯାନ ଚଳାଚଳ ନିଷେଧ: କଟକଣା ଜାରି କଲା ଜିଲା ପ୍ରଶାସନ

ବାଲେଶ୍ୱର ଅଫିସ,୧୧।୧୦-ଦୁର୍ଘଟଣା ହ୍ରାସ ଏବଂ ଟ୍ରାଫିକ୍‌ ଭିଡ଼ ନିୟନ୍ତ୍ରଣ ଉଦ୍ଦେଶ୍ୟରେ ବାଲେଶ୍ୱର ସହରର କେତେକ ବ୍ୟସ୍ତବହୁଳ ରାସ୍ତାରେ ଭାରୀଯାନ ଚଳାଚଳ ଉପରେ କଟକଣା ଜାରି କରାଯାଇଛି।...

ଭୁଶୁଡ଼ିଲା କୋର୍ଟ ପାଚେରି, ନିମ୍ନମାନର କାର୍ଯ୍ୟ ହୋଇଥିବା ଅଭିଯୋଗ

ବସ୍ତା, ୧୭।୯(ସ୍ବ.ପ୍ର.)-ବସ୍ତା ବ୍ଲକର ବାହାର୍ଦ୍ଦାଠାରେ ଥିବା କୋର୍ଟ ପାଚେରି ଭୁଶୁଡି ପଡ଼ିଛି। ଗତ ୬ ମାସ ପୂର୍ବରୁ ଏହି ପାଚେରି ୪ଲକ୍ଷରୁ ଊର୍ଦ୍ଧ୍ୱ ଟଙ୍କାରେ ନିର୍ମାଣ...

ଉଚ୍ଛେଦ ପ୍ରତିବାଦରେ ଉଠାଦୋକାନୀଙ୍କ ବିକ୍ଷୋଭ

ବାଲେଶ୍ୱର ଅଫିସ,୧୭।୮: ବାଲେଶ୍ୱର ସହର ଓଟି ରୋଡ଼ ସମ୍ପ୍ରସାରଣ ପାଇଁ ପ୍ରଶାସନ ପକ୍ଷରୁ ଉଚ୍ଛେଦ କରାଯାଉଛି। ଏହାକୁ ବିରୋଧ କରି ଉଠାଦୋକାନୀ ସଂଘ ବିିକ୍ଷୋଭ କରିଛନ୍ତି।...

ଝଡ଼ାଫୁଙ୍କା ଆଳ: ଗୁଣିଆଙ୍କ ମାଡ଼ରେ ନାବାଳକ ଆହତ, ଗୁଣିଆ ଦମ୍ପତି ଚମ୍ପଟ

ଭୋଗରାଇ,୧୩।୧୧(ଡି.ଏନ୍‌.ଏ.): ବାଲେଶ୍ୱର ଜିଲା ଭୋଗରାଇ ବ୍ଲକ କମରଦା ଥାନା ଅଧୀନ ରାଣୀଗୁଡ଼ା ଗ୍ରାମରେ ବୁଧବାର ଏକ ଅଭାବନୀୟ ଘଟଣା ଘଟିଛି l ଏହି ଗ୍ରାମର ଜଣେ...

ଭତ୍ତା ବଣ୍ଟନରେ ଅନିୟମିତତା ଅଭିଯୋଗ: ଖଇରା ବ୍ଲକ କାର୍ଯ୍ୟାଳୟରେ ଭିଜିଲାନ୍ସ ପକ୍ଷରୁ ଚଢ଼ାଉ

ଖଇରା,୪।୧୦(ଡି.ଏନ୍‌.ଏ): ବାଲେଶ୍ବର ଜିଲା ଖଇରା ବ୍ଲକ କାର୍ଯ୍ୟାଳୟରେ ଶୁକ୍ରବାର ଭିଜିଲାନ୍ସ ବିଭାଗ ପକ୍ଷରୁ ଚଢ଼ାଉ କରାଯାଇଛି। ପ୍ରଧାନମନ୍ତ୍ରୀ ଆବାସ ଓ ଭତ୍ତା ବଣ୍ଟନରେ ଅନିୟମିୟତା ଅଭିଯୋଗରେ...

Advertisement
Archives

Model This Week