କୋଟିପତି ବେକେରି ମାଲିକାଣୀ ‘ଯଶମିନ୍‌’: ଯାହାଙ୍କ ପାଖରେ ହାର୍‌ ମାନିଛି କ୍ୟାନ୍‌ସର

ଇନ୍ଦୋର: ନୂଆ କରି ଆରମ୍ଭ କରିଥିଲେ ଛୋଟିଆ କେକ୍‌ ଦୋକାନଟିଏ। ୨ଜଣ ସହକର୍ମୀଙ୍କୁ ନେଇ ଆଗକୁ ବଢ଼ିବା ବେଳକୁ ଦାରୁଣ ହେଲା ସମୟ। ମାଡ଼ିବସିଲା ଦୁରାରୋଗ୍ୟ କର୍କଟ। ହେଲେ ସେ ମାନିଲେନି ହାର୍‌। ଜୀବନ ମରଣ ଦୋଛକିରେ ଛିଡ଼ା ହୋଇ ରୋଗଣା ଦେହରେ ସେ ସମ୍ଭାଳିଲେ ବ୍ୟବସାୟ। ଦୀର୍ଘ ୩ବର୍ଷର ସଂଘର୍ଷ ପରେ ହାର୍‌ମାନିଲା ରୋଗ। ଆଉ ସେତେବେଳକୁ ସାଧାରଣ କେକ୍‌ ଦୋକାନ ବଦଳିଯାଇଥିଲା ଫ୍ୟାକ୍ଟ୍ରିରେ। ନିଷ୍ଠା, ଉଦ୍ୟମ ଏବଂ ଅଧ୍ୟବସାୟ ବଳରେ ସଫଳତାର ପାହାଚ ପରେ ପାହାଚ ଚଢ଼ିଚାଲିଥିବା ଏହି କ୍ୟାନ୍‌ସର ବିଜୟିନୀ ମହିଳା ଜଣକ ହେଲେ ଯଶମିନ୍‌ ଲୁଲା।
ଇନ୍ଦୋରରେ ରୁହନ୍ତି ୪୦ବର୍ଷୀୟା ଯଶମିନ୍‌। ନିଜ ଉଦ୍ୟମରେ କିଛି କରିବା ଆଶା ନେଇ ୬ବର୍ଷ ତଳେ ସେ ଆରମ୍ଭ କରିଥିଲେ ଏକ ବେକେରି ହାଉସ୍‌। ସବୁ ଠିକ୍‌ ଠାକ୍‌ ଚାଲିଥିବାବେଳେ ହଠାତ୍‌ ଯଶମିନ୍‌ ସ୍ତନ କର୍କଟର ଶିକାର ହୋଇଥିବା ଜଣାପଡ଼ିଥିଲା। ବ୍ୟବସାୟ ବଢୁଥିବାବେଳେ ଏହା ଥିଲା ତାଙ୍କ ପ୍ରତି ଶକ୍ତ ଧକ୍କା। ଏସବୁ ଭିତରେ ଦେଖାଗଲା ଆଶାର ଆଲୋକ। ରୋଗ ପ୍ରଥମରୁ ଜଣାପଡ଼ିଗଲା ତାଙ୍କର ଆରୋଗ୍ୟ ହେବାର ସମ୍ଭାବନା ବେଶି । ତଥାପି ପ୍ରଥମେ ପ୍ରଥମେ କ୍ୟାନ୍‌ସରକୁ ସହଜରେ ଗ୍ରହଣ କରିପାରି ନ ଥିଲେ ଯଶମିନ୍‌। ସେ ଅନୁଭବ କଲେ ତାଙ୍କ ଜୀବନ ଶେଷ ହୋଇଯାଇଛି। ହେଲେ ପରିବାର ଲୋକଙ୍କ ଅକୁଣ୍ଠ ସହଯୋଗ, ସହକର୍ମୀଙ୍କ ଭଲପାଇବା ତାଙ୍କୁ କ୍ୟାନସର ସହ ଲଢ଼ିବାକୁ ଯୋଗାଇଲା ପ୍ରେରଣା।
ନିଜର ଅଙ୍ଗେନିଭା ସଂଘର୍ଷମୟ ଜୀବନ କାହାଣୀ ସମ୍ପର୍କରେ ଯଶମିନ୍‌ କୁହନ୍ତି, କର୍କଟ ଆକ୍ରାନ୍ତ ଜଣାପଡ଼ିବା ସତ୍ତ୍ୱେ ସେ କେକ୍‌ ତିଆରି କାର୍ଯ୍ୟରୁ ନିଜକୁ ଦୂରେଇ ନ ଥିଲେ। ପରିବାର ଲୋକ କାଳେ ଭାଙ୍ଗିପଡ଼ିବେ ସେଥିଲାଗି ସେ ରୋଗ ବିଷୟରେ ବେଶି କିଛି ଆଲୋଚନା କରୁ ନ ଥିଲେ। ପ୍ରଥମ କେମୋଥେରାପି ଆଶାଜନକ ଶାନ୍ତି ଦେଇପାରିଲାନି। ଦ୍ୱିତୀୟ କେମୋଥେରାପି ବେଳେ ସେ ହାଡ଼ଫୁଟିରେ ଆକ୍ରାନ୍ତ ହେଲେ। ଏପରି ଯନ୍ତ୍ରଣାଦାୟକ ସମୟରେ ସ୍ବାମୀ, ସାଙ୍ଗସାଥୀ ହିଁ କାମରେ ଆସିଲେ। ଯେତେବେଳେ ଡାକ୍ତର ଘରୁ ବାହାରିବାକୁ ମନା କରିଦେଲେ, ସେତେବେଳେ ଅଷ୍ଟ୍ରେଲିଆର ଏକ ସ୍କୁଲରୁ ଅନ୍‌ଲାଇନରେ କେକେରି କୋର୍ସ ଶିଖିଲେ। ସିସି ଟିଭି କ୍ୟାମେରା ଲଗାଇ ଘରୁ ଫ୍ୟାକ୍ଟ୍ରି ପରିଚଳାନା କରିବା ଆରମ୍ଭ କଲେ। ୩ୟ କେମୋ ଥେରାପି ପରେ ତାଙ୍କ ଆତ୍ମବିଶ୍ୱାସ ଯଥେଷ୍ଟ ବଢ଼ିଗଲା। ଏହା ପରଦିନ ସେ କାମରେ ଯୋଗଦେଲେ। ଏହି ସମୟ ମଧ୍ୟରେ ସେ ଆହୁରି ୩୧ଟି କେମୋଥେରାପି ନେଇଥିଲେ। ତାଙ୍କୁ ସମ୍ପୂର୍ଣ୍ଣ ଆରୋଗ୍ୟ ହେବାକୁ ୩ ବର୍ଷ ସମୟ ଲାଗିଗଲା। ରୋଗ ଆରୋଗ୍ୟ ହେବା ବେଳକୁ ସେ ସଫଳତାର ମାଇଲଖୁଣ୍ଟ ଛୁଇଁ ସାରିଥିଲେ। ପ୍ରଥମେ ତାଙ୍କ କମ୍ପାନୀରେ ମାତ୍ର ୪ ପ୍ରକାର କେକ୍‌ କରାଯାଉଥିଲା। ଏବେ ୨୫୦ ପ୍ରକାର ହେଉଛି। ୧୦୦ ଜଣ କର୍ମଚାରୀ କାମ କରୁଛନ୍ତି। ଅନ୍‌ଲାଇନ୍‌ରେ ମଧ୍ୟ ବ୍ରାଣ୍ଡିଂ କରୁଛି ତାଙ୍କ ହାତତିଆରି କେକ୍‌। ଏବେ ବାର୍ଷିକ ୧୦ କୋଟି ଟଙ୍କାର ବ୍ୟବସାୟ ହେଉଥିବା ଯଶମିନ୍‌ କହିଛନ୍ତି।
କ୍ୟାନ୍‌ସର ରୋଗ ସମ୍ପର୍କରେ ଯଶମିନ୍‌ କୁହନ୍ତି, କର୍କଟ ରୋଗ ଚିକିତ୍ସା ବହୁତ କଷ୍ଟକର। ଏହାକୁ ସହି ନ ପାରି ଅଧିକାଂଶ ରୋଗୀ ଅଧା ଚିକିତ୍ସାରୁ ପଳାଇଥାନ୍ତି। ଏହି ରୋଗରେ ଆକ୍ରାନ୍ତ ରୋଗୀ କେବେ ହେଲେ ନିଜକୁ ଏକଲା ଭାବିବା ଅନୁଚିତ। ରୋଗ ଜଣାପଡ଼ିଲେ ମନୋବଳ ଦୃଢ଼ କରିବା ସହ ଖେଳକୁଦ ଓ ବ୍ୟାୟାମ କରିବା ଜରୁରୀ। ନିଜକୁ ଏବଂ ନିଜ ପରିବାର ଲୋକଙ୍କୁ ଭଲ ପାଇବା ଆବଶ୍ୟକ। ନିଜକୁ ଭଲପାଇଲେ ଯେତେବଡ଼ ଦୁରାରୋଗ୍ୟ ହେଲେ ବି ହାର୍‌ମାନିବ ବୋଲି ସେ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

କୋର୍ଟ ପରିସରରେ ବାର କାଉନସିଲର ମୁଖ୍ୟଙ୍କୁ ହତ୍ୟା

ଆଗ୍ରା,୧୨।୬: ଦୁଇ ଦିନ ତଳେ ଉତ୍ତର ପ୍ରଦେଶ ବାର କାଉନସିଲର ମୁଖ୍ୟ ଭାବେ ନିର୍ବାଚିତ ହୋଇଥିବା ଦରଭେଶ ଯାଦବଙ୍କୁ ବୁଧବାର ସର୍ବସମ୍ମୁଖରେ ଗୁଳି କରି ହତ୍ୟା...

ମହାରାଷ୍ଟ୍ର ସରକାରଙ୍କୁ ସୁପ୍ରିମକୋର୍ଟ ପକ୍ଷରୁ ବଡ଼ ଝଟକା

ମୁମ୍ବାଇ,୭।୧୦: ଦେଶର ଆର୍ଥିକ ରାଜଧାନୀ ମୁମ୍ବାଇରେ ମେଟ୍ରୋ ପ୍ରୋଜେକ୍ଟ ପାଇଁ ଆରେ କଲୋନୀରେ ଗଛ କଟା ମାମଲା ଏବେ ସୁପ୍ରିମକୋର୍ଟରେ ପହଞ୍ଚିଛି। ଏନେଇ ସୋମବାର ସୁପ୍ରିମକୋର୍ଟ...

ବିଶ୍ୱର ସବୁଠାରୁ ହାଲୁକା ମିଠା, ଯାହାର ୯୬% ପବନ

ମିଠା ଖାଇବାକୁ କାହାକୁ ବା ଭଲ ନ ଲାଗେ! ଛୁଆଠାରୁ ବୟସ୍କ ପର୍ଯ୍ୟନ୍ତ ସମସ୍ତେ ମିଠା ଖାଇବାକୁ ପସନ୍ଦ କରନ୍ତି। ବିଶ୍ୱରେ ଅନେକ ପ୍ରକାରର ମିଠା...

ଏମିତି ମନ୍ଦିର ଯେଉଁଠି ପୂଜା ପାଆନ୍ତି ଭାରତମାତା

ବୌଦ୍ଧ ଜିଲାର ଚର୍ଚ୍ଚିତ ବନପାଲି ଗ୍ରାମ। ଏଠାରେ ରହିଛି ଭାରତ ମାତାଙ୍କ ମନ୍ଦିର। ମନ୍ଦିର ଭିତରେ ଥିବା ସିଂହାସନରେ ହାତରେ ତ୍ରିରଙ୍ଗା ଧରି ଭାରତମାତା ପୂଜା...

୧୮ ବର୍ଷରୁ କମ୍‌ ବୟସ୍କଙ୍କୁ ସ୍ମାର୍ଟଫୋନ୍‌ ବ୍ୟବହାର ମନା

ଅହମ୍ମଦାବାଦ୍‌,୨୫।୬: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଡିଜିଟାଲ ଇଣ୍ଡିଆ ଯୋଜନା ନେଇ ଦେଶରେ ଚର୍ଚ୍ଚା ଜାରି ରହିଛି। ଏପରିସ୍ଥଳେ ଗୁଜରାଟର ମେହସଣା ପଞ୍ଚାୟତର ନିଷ୍ପତ୍ତି ଏହି ଯୋଜନାରେ...

ପାଣି ଟିକେ ପାଇଁ ଡରି ଡରି ମୁହଁ ବୁଡାଇଥିଲା ବାଘ, ବଡ଼ ଆଁ କରି ଝାମ୍ପି ନେଲା କୁମ୍ଭୀର

ପ୍ରାୟତଃ ପ୍ରାଣୀଙ୍କୁ ନେଇ ସୋସିଆଲ ମଡିଆରେ କିଛି ନା କିଛି ଭିଡିଓ ଏବଂ ଫଟୋ ଭାଇରାଲ ହୋଇଥାଏ। ଟୁଇଟରରେ ଏବେ ଏକ ଭିଡିଓ ବହୁତ ଭାଇରାଲ...

ଟ୍ରାକ୍ଟର ରୁଟ୍‌ ଉଲ୍ଲଂଘନ ଅଭିଯୋଗ: ୨ ଚାଷୀ ନେତା ନିଲମ୍ବିତ

ନୂଆଦିଲ୍ଲୀ, ୭।୨: ଚାଷୀ ସଂଗଠନ ଗୁଡ଼ିକ ପକ୍ଷରୁ ଜାନୁୟାରୀ ୨୬ରେ ଟ୍ରାକ୍ଟର ରାଲି କରାଯାଇଥିଲା। ତେବେ ରାଲି ସମୟରେ ଧାର୍ଯ୍ୟ କରାଯାଇଥିବା ଶାନ୍ତିପୂର୍ଣ୍ଣ ପ୍ରଦର୍ଶନ ବଦଳରେ...

ସୋସିଆଲ ମିଡିଆରେ ଭାଇରାଲ ହେଲେଣି ଆଉ ଜଣେ ରାନୁ ମଣ୍ଡଳ

ନୂଆଦିଲ୍ଲୀ,୨୫।୧୧: ପଶ୍ଚିମବଙ୍ଗ ରାଣାଘାଟ ରେଲଓ୍ବେ ଷ୍ଟେଶନରେ ଗୀତଗାଇ ଗୁଜୁରାଣ ମେଣ୍ଟାଉଥିବା ରାନୁ ମଣ୍ଡଳଙ୍କ ଗୋଟିଏ ଭାଇରାଲ ଭିଡିଓ ତାଙ୍କୁ ରାତାରାତି ସେଲିବ୍ରିଟି କରି ଦେଇଥିଲା। ତାଙ୍କ...

Advertisement


Archives

Model This Week