Advertisement

କାର୍ଯ୍ୟାନୁଷ୍ଠାନକୁ ନେଇ ବଢୁଛି ଆକ୍ରୋଶ

କେନ୍ଦ୍ରାପଡ଼ା ଅଫିସ, ୭ା୧୧:କେନ୍ଦ୍ରାପଡ଼ା ଜିଲା ମାର୍ଶାଘାଇ ଥାନା ଜୁଣ ଅଞ୍ଚଳରେ ଥିବା ଦ ରୟାଲ ଗାଇଡ୍‌ କୋଚିଂ ସେଣ୍ଟରର ଅନ୍ତେବାସୀ ଛାତ୍ର ଦେବୀ ପ୍ରସାଦ ଦାସଙ୍କ ଗତ ୨ ତାରିଖ ରାତି ସାଢେ ୧୧ରେ ବିଦ୍ୟୁତ୍‌ ତାର ଲାଗି ମୃତ୍ୟୁ ହୋଇଥିଲା। ଏହି ଘଟଣାରେ ବାପା କୁଞ୍ଜବିହାରୀଙ୍କ ଅଭିଯୋଗ କ୍ରମେ ନଂ.୪୨୩/୨୨ରେ ଥାନାରେ ମାମଲା ରୁଜୁ ହୋଇ ପରିଚାଳକ ଚିତ୍ତରଞ୍ଜନ ରଥଙ୍କୁ ଗିରଫ କରାଯାଇଥିଲା। ତେବେ କୋହଳ ଦଫା ପରିଚାଳକ ରଥଙ୍କୁ ଜାମିନ ପାଇବାରେ ସହଜ ହୋଇଥିବା ନେଇ ସ୍ଥାନୀୟ ବୁଦ୍ଧିଜୀବୀମାନେ କ୍ଷୋଭ ପ୍ରକାଶ କରିଛନ୍ତି। ଏଥିସହ ଘରୋଇ ଶିକ୍ଷାନୁଷ୍ଠାନରେ ସେବା ବଦଳରେ ଶୋଷଣ ଚାଲିଥିବା ବେଳେ ପ୍ରଶାସକ ଏହାର ଯାଞ୍ଚ କରୁ ନ ଥିବା ସେମାନେ ଅଭିଯୋଗ କରିଛନ୍ତି।
ଏ ସମ୍ପର୍କରେ ବୁଦ୍ଧିଜୀବୀ ଗଣେଶ ଚନ୍ଦ୍ର ସାମଲ, ଚିତ୍ତରଞ୍ଜନ ସାହୁ, ପ୍ରଶାନ୍ତ କୁମାର ନାୟକ, ସାମାଜିକ କର୍ମୀ ଅମରବର ବିଶ୍ୱାଳ, ଗୌତମ କୁମାର ବେହେରା ପ୍ରମୁଖ କହିଛନ୍ତି ଯେ, ପୂର୍ବରୁ ଶିକ୍ଷାଦାନକୁ ମହାପୁଣ୍ୟ ଭାବେ ବିବେଚନା କରାଯାଉଥିଲା। ଦେଶ ସ୍ବାଧୀନ ପରେ ଶିକ୍ଷାର ଗୁରୁତ୍ୱ ଅନୁଭବ ହେଲା। ଏଥିପାଇଁ ଶିକ୍ଷାକୁ ମୌଳିକ ସେବା ଓ ଅଧିକାର ନେଇ ଆଇନ ପ୍ରସ୍ତୁତ ହେଲା। ଏବେ ରାଜ୍ୟ ଓ କେନ୍ଦ୍ର ସରକାର ଗୁଣାତ୍ମକ ଶିକ୍ଷାକୁ ଗୁରୁତ୍ୱ ଦେଉଛନ୍ତି। ଏହାର ସୁବିଧା ଘରୋଇ ଶିକ୍ଷାନୁଷ୍ଠାନ ନେଉଛନ୍ତି। ବିଜ୍ଞାପନର ପ୍ରଚାର ପ୍ରସାର ମାଧ୍ୟମରେ ଶିକ୍ଷାର୍ଥୀଙ୍କୁ ଶୋଷଣ କରାଯାଉଛି। ସରକାରୀ ଶିକ୍ଷାନୁଷ୍ଠାନ ଏଥିପାଇଁ ପର୍ଯ୍ୟାପ୍ତ ହେଉ ନ ଥିବାରୁ କେତେଜଣ ବ୍ୟକ୍ତି ଏହାକୁ ଏକ ବ୍ୟବସାୟରେ ପରିଣତ କରିଛନ୍ତି। ତେବେ ଏହି ଶିକ୍ଷାନୁଷ୍ଠାନଗୁଡିକ ସରକାରୀ ଯାଞ୍ଚ ବ୍ୟବସ୍ଥାରେ ରହିବା ପାଇଁ ଆଇନ ଅଛି। ତେବେ ଆବାସିକ କୋଚିଂ ସେଣ୍ଟର, ଘରୋଇ କମ୍ପ୍ୟୁଟର କେନ୍ଦ୍ର ଆଦି ଛତୁ ଫୁଟିବା ପରି ଚାରିଆଡ଼େ ଖେଳିଯାଇଛି। ଏନ୍‌ଓସି ନ ଥିବା ସ୍କୁଲର ଶିକ୍ଷାର୍ଥୀ ପରବର୍ତ୍ତୀ ସମୟରେ ବୃତ୍ତି ପରୀକ୍ଷାରେ ଭାଗ ନେଇପାରୁନାହାନ୍ତି। ସେହିପରି ଛାତ୍ରାବାସ ସମ୍ପର୍କରେ ଥିବା ଗାଇଡ୍‌ଲାଇନ ଉଲ୍ଲଂଘନ ସତ୍ତ୍ୱେ ଅନ୍ତେବାସୀ ରହୁଥିଲେ ମଧ୍ୟ ପ୍ରଶାସନିକ ଯାଞ୍ଚ ବ୍ୟବସ୍ଥା ନାହିଁ। ମଧୁରକୁଳ ଗ୍ରାମର କୁଞ୍ଜବିହାରୀଙ୍କ ଏକମାତ୍ର ପୁତ୍ର ଦେବୀପ୍ରସାଦ। ତାଙ୍କ ମୃତ୍ୟୁ ପରିବାର ପାଇଁ ଅସହ୍ୟ। ଏହି ଘଟଣାରେ ଛାତ୍ରାବାସର ସ୍ଥିତି, ପରିଚାଳନା ବ୍ୟବସ୍ଥା, ବିଦ୍ୟୁତ୍‌ ବିଭାଗ ଓ ମାର୍ଶାଘାଇ ଥାନାରେ ହୋଇଥିବା କାର୍ଯ୍ୟାନୁଷ୍ଠାନ ଏବେ ପ୍ରଶ୍ନବାଚୀ ସୃ୍‌ଷ୍ଟି କରିଛି। ଛାତ୍ରାବାସର ସୀମିତ ସ୍ଥାନରେ ଅଧିକ ଛାତ୍ର ରହୁଥିବା ନଜରକୁ ଆସିଛି। ବାଲକୋନିର ମାତ୍ର ୨ ଫୁଟ ମଧ୍ୟରେ ୧୧ କେଭି ବିଦ୍ୟୁତ୍‌ ତାର ଯାଇଥିବା ବେଳେ ଏଥିଯୋଗୁ ଶିକ୍ଷାର୍ଥୀଙ୍କ ଜୀବନ ବିପନ୍ନ ହେବା ସ୍ବାଭାବିକ କଥା। ଏ କ୍ଷେତ୍ରରେ ପୋଲିସ କୋହଳ ଦଫା ଲଗାଇ ପରିଚାଳକଙ୍କୁ ଜାମିନ ପାଇଁ ସୁବିଧା କରାଇଛି। ବିଦ୍ୟୁତ୍‌ ବିଭାଗ ପ୍ରତି କାର୍ଯ୍ୟାନୁଷ୍ଠାନକୁ ଅଣଦେଖା କରାଯାଇଛି। ଏ ନେଇ ହାଇକୋର୍ଟରେ ରିଟ୍‌ ହେବ ବୋଲି ସେମାନେ କ୍ଷୋଭ ପ୍ରକାଶ କରିଛନ୍ତି। ଏ ସମ୍ପର୍କରେ ଏଡିଏମ୍‌ ପୀତାମ୍ବର ସାମଲଙ୍କୁ ପଚାରିବାରେ ଦେବୀପ୍ରସାଦଙ୍କ ଅକାଳ ମୃତ୍ୟୁ ମର୍ମାହତ କରିଛି। ଜିଲା ପ୍ରଶାସନ ଏହାକୁ ଉଦାହରଣ ଭାବେ ନେଇ କାର୍ଯ୍ୟାନୁଷ୍ଠାନ ପାଇଁ ତପତ୍ର ହୋଇଛି। ବେସରକାରୀ ଶିକ୍ଷାନୁଷ୍ଠାନ ଓ ବିପଦପୂର୍ଣ୍ଣ ବିଦ୍ୟୁତ୍‌ ବ୍ୟବସ୍ଥାର ତଦନ୍ତ ଆରମ୍ଭ ହୋଇଛି ବୋଲି ସେ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ପୃଥକ ସ୍ଥାନରୁ ନାଗସାପ ଉଦ୍ଧାର

ବୁଗୁଡ଼ା,୯ା୯(ଡି.ଏନ.ଏ.)-ବୁଗୁଡ଼ା ବ୍ଲକ ଅନ୍ତର୍ଗତ ମହୁଲପଲ୍ଲୀ ଏବଂ ଭାମଶିଆଳି ଗ୍ରାମରୁ ସୋମବାର ବି.କରଡ଼ାବାଡ଼ିର ସ୍ନେକ୍‌ ହେଲପ୍‌ ଲାଇନ କର୍ମୀ ୨ଟି ନାଗସାପ ଉଦ୍ଧାର କରିଛନ୍ତି। ଭାମଶିଆଳି ଗ୍ରାମର...

ନାଗାର୍ଜୁନ ବେଶ ଦିନ ଜିଲା ବାହାର ଲୋକଙ୍କୁ ପୁରୀ ନ ଆସିବାକୁ ଅନୁୁରୋଧ

ପୁରୀ ଅଫିସ, ୨୫।୧୧(ବ୍ୟୁରୋ): ବୁଧବାରଠାରୁ ଆରମ୍ଭ ହୋଇଛି ପଞ୍ଚକ ବ୍ରତ। ଏଥର ପଞ୍ଚକ ୬ ଦିନ ପଡୁଥିବା ବେଳେ ଆସନ୍ତା ୨୭ ତାରିଖରେ ଅନୁଷ୍ଠିତ ହେବ...

ହାତଗୋଡ଼ ବାନ୍ଧି ଗର୍ଭବତୀଙ୍କୁ ମାରି ପୋଲ ତଳେ ଫିଙ୍ଗିଦେଲେ, ଅଧା ସନ୍ତାନ ପ୍ରସବ ଅବସ୍ଥାରେ ମିଳିଲା ମୃତଦେହ

ପରଜଙ୍ଗ,୧୧ା୯(ଡି.ଏନ୍‌.ଏ.): ଭଗବାନ ମଣିଷକୁ ବୁଦ୍ଧି, ବିବେକ, ଜ୍ଞାନ ସବୁକିଛି ଦେଇଛନ୍ତି। ମାତ୍ର ସଭ୍ୟ ମଣିଷ ଯେ ଏତେ ଅମଣିଷ ପାଲଟିଯାଏ ତାହା ଢେଙ୍କାନାଳ ଜିଲା ପରଜଙ୍ଗ...

ସୋରଡ଼ାରେ ପର୍ଯ୍ୟଟକଙ୍କ ଭିଡ଼

ସୋରଡା,୩୦।୧୧(ଡି.ଏନ୍‌.ଏ.):  ଗଞ୍ଜାମ ଜିଲା ସୋରଡ଼ାକୁ ଏବେ ରାଜ୍ୟର ବିଭିନ୍ନ ଅଞ୍ଚଳରୁ ପର୍ଯ୍ୟଟକମାନେ ଆସୁଛନ୍ତି। ଓଡିଶାର କଶ୍ମୀର କୁହାଯାଉଥିବା କନ୍ଧମାଳ ଜିଲା ଦାରିଙ୍ଗବାଡିକୁ ପର୍ଯ୍ୟଟକମାନେ ସୋରଡା ଦେଇ...

ଭିମସାରରେ ଚିକିତ୍ସା ଅବହେଳା ଅଭିଯୋଗ, ତଦନ୍ତ ନିର୍ଦ୍ଦେଶ ଦେଲେ ହାଇକୋର୍ଟ

କଟକ ଅଫିସ, ୧୦।୭: କରୋନାର ଦ୍ୱିତୀୟ ଲହର ସମୟରେ ବୁର୍ଲା ଭିମସାରରେ ସଂକ୍ରମିତଙ୍କ ଚିକିତ୍ସାରେ ଅବହେଳା ହୋଇଥିବା ଅଭିଯୋଗ ହୋଇଥିଲା। ଏହି ମାମଲାର ତଦନ୍ତ ପାଇଁ...

ଜଜାଙ୍ଗ ଖଣିରେ ସୁରକ୍ଷାକର୍ମୀଙ୍କୁ ଆକ୍ରମଣ: ଡକାୟତି ଉଦ୍ୟମ, ୪ ଗିରଫ

ଯୋଡ଼ା, ୧୯।୫(ଡି.ଏନ.ଏ.)-କେନ୍ଦୁଝର ଜିଲା ବାମେବାରୀ ଥାନା ଅନ୍ତର୍ଗତ ଜଜାଙ୍ଗ ଖଣିର ରେଳ ସାଇଡିଂରେ କାର୍ଯ୍ୟରତ ସୁରକ୍ଷାକର୍ମୀଙ୍କୁ ଆକ୍ରମଣ କରି ଡକାୟତି ଉଦ୍ୟମ ଅଭିଯୋଗରେ ୪ ଅଭିଯୁକ୍ତଙ୍କୁ...

ତୃଣମୂଳସ୍ତର ସ୍ଥିତି ପରଖୁଛନ୍ତି ନେତା, ଜୋର୍‌ଦାର୍‌ ହେବ ଲଢ଼େଇ

କେନ୍ଦ୍ରାପଡ଼ା ଅଫିସ, ୩୦।୧: ତ୍ରିସ୍ତରୀୟ ପଞ୍ଚାୟତ ନିର୍ବାଚନ ପାଇଁ ପ୍ରାର୍ଥୀଙ୍କ ପ୍ରଚାର ଆରମ୍ଭ ହୋଇଛି। ପ୍ରତି ଗ୍ରାମରେ ଭୋଜିଭାତ ଚାଲିଛି। ସମର୍ଥିତ ପ୍ରାର୍ଥୀଙ୍କ ସହ ରାଜନେତାମାନେ...

ସେତୁ ନିର୍ମାଣ ପାଇଁ କାଟିଦେଲେ ଶତାଧିକ ଗଛ

କାଳିଆପାଣି,୨୫ା୧୧(ଡି.ଏନ.ଏ.): ସୁକିନ୍ଦା ବ୍ଲକ୍‌ ଅନ୍ତର୍ଗତ କାଳିଆପାଣି ପଞ୍ଚାୟତର ଡମଶାଳ ନାଳରେ ଟମକା-ମଙ୍ଗଳପୁର ମୁଖ୍ୟ ରାସ୍ତାର କାଲିଆପାଣିଠାରୁ ଓସ୍ତପାଳକୁ ସଂଯୋଗ ନିମନ୍ତେ ଏକ ସେତୁ ନିର୍ମାଣ କାର୍ଯ୍ୟ...

Advertisement
Archives

Model This Week