କାର୍ଯ୍ୟରେ ଅବହେଳା, ଏସ୍‌ଆଇ ନିଲମ୍ବିତ
7:51 amJanuary 1, 2020

ଛତ୍ରପୁର,୧ା୧(ଡି.ଏନ୍‌.ଏ.)-ଗଞ୍ଜାମ ପୋଲିସ ଜିଲା ଅଧିନ ପାଟପୁର ଥାନାର ସବ୍‌ ଇନ୍ସପେକ୍ଟର ପ୍ରିତୀ ମଞ୍ଜରୀ ଗଡନାୟକଙ୍କୁ ମଙ୍ଗଳବାର ସନ୍ଧ୍ୟାରେ କାର୍ଯ୍ୟରୁ ନିଲମ୍ବିତ କରାଯାଇଛି। କାର୍ଯ୍ୟରେ ଅବହେଳା ଯୋଗୁ ତାଙ୍କୁ ନିଲମ୍ବିତ କରାଯାଇଥିବା ଯୋଗାଯୋଗବେଳେ ଗଞ୍ଜାମ ଏସ୍‌ପି ବ୍ରିଜେଶ କୁମାର ରଏ ସୂଚନା ଦେଇଛନ୍ତି। ଏହି ମାମଲାର ଅଧିକ ତଦନ୍ତ ପାଇଁ ଅତିରିକ୍ତ ଏସ୍‌ପିଙ୍କୁ ଦାୟିତ୍ୱ ଦିଆଯାଇଥିବା ଏସ୍‌ପି କହିଛନ୍ତି। ପ୍ରକାଶ ଯୋଗ୍ୟ, ସୋମବାର ରାତିରେ ପାଟପୁର ଥାନା ଅଧିକାରୀ ଓ ଉକ୍ତ ସବ୍‌ ଇନ୍ସପେକ୍ଟରଙ୍କ ମଧ୍ୟରେ କୌଣସି କାରଣକୁ ନେଇ ବଚସା ସହ ପାଟିତୁଣ୍ଡ ହୋଇଥିଲା। ବିଳମ୍ବିତ ରାତି ପର୍ଯ୍ୟନ୍ତ ଏପରି ଅପ୍ରିତୀକର ପରିସ୍ଥିତି ପାଟପୁର ଥାନାରେ ଚାଲିଥିଲା। ଏସମ୍ପର୍କରେ ଖବର ପାଇ ମଙ୍ଗଳବାର ଆସିକା ଏସ୍‌ଡିପିଓ ଉକ୍ତ ଥାନାକୁ ଯାଇ ଦିନତମାମ ତଦନ୍ତ କରିଥିଲେ। ଏସ୍‌ଡିପିଓଙ୍କ ତଦନ୍ତ ରିପୋର୍ଟକୁ ଆଧାର କରି ଗଞ୍ଜାମ ଏସ୍‌ପି ସବ୍‌ଇନ୍ସପେକ୍ଟର ଗଡନାୟକଙ୍କୁ ନିଲମ୍ବିତ କରିଛନ୍ତି। ଏପରିକି ଉକ୍ତ ଥାନାରେ ସୋମବାର ରାତିରେ ହୋଇଥିବା ପାଟିତୁଣ୍ଡ ନେଇ ଏକ ଷ୍ଟେସନ ଡାଏରୀ ହୋଇଥିବା ବିଶ୍ୱସ୍ତ ସୂତ୍ରରୁ ଖବର ମିଳିଛି।